« Балапан» мектепке дейінгі бөбежайы
Психологтың ашық ұйымдастырылған оқу қызметі « Балдырған» 2 кіші тобы
Өткізген психолог: Б.Т.Усенгалиева Уақыты: 20 ақпан 2018 жыл
Тақырыбы: Көңілді түстер Мақсаты: Балаларға негізгі төрт түстерді топтастыруға үйрету: қызыл, сары, көк, жасыл. Балалардың коммуникативтік- ақпараттық құзіреттілігін молайтып, ой- түйсігін, қиялын дамыту. Сенсорлық ойлау қабілетін дамыту.Әдіс- тәсілдер: сұрақ- жауап, көрсету.Дидактикалық құралдар: шарлар, түрлі- түсті үйлер, пішіндер, әр түске боялған күріш, күннің ,кемпірқосақтың суреттері, жемістер.Блингвистикалық компонеті: Қызыл - красный, Көк – синий Сары - желтый, Жасыл – зеленыйСәлеметсіздер ме балалар!Шаттық шеңбері : Көкке шуақ шашылыпҚұтты қонақ келіпті,Төріме міне еніпті.Амандасу үлкенгеТәрбиенің басы ғой.Ал,кәнеки бәріміз,Сәлем дейік үлкенге.Сәлеметсіздерме қонақтар Балалар сіздер менің түстер әлеміме қош келдіңіздер! Мен осы түстер әлемінің еркесімін. Менің атым Еркетай.Балалар қараңыздаршы , бізге бүгін Күн күлімдеп тұр, күннің түсі қандай?- сары, жаңбырдан кейін кемпірқосақта шығып қалыпты, балалар қараңыздаршы кемпірқосақтың түстері қандай? Иә ол әртүрлі көк, сары, қызыл, жасыл т.б.Сендерді бүгін өзімнің түстер әлеміме саяхатқа апарамын. Онда көптеген түстердің тапсырмаларын орындауымыз керек. Менімен саяхатқа шыққыларын келеме?
Дидактикалық ойындар :1 . Қызыл түсті сандықша тапсырмасын орындайық:«Тышқанды жасыру»Мақсаты: Балаларда 4 түс туралы( «қызыл», «сары», «жасыл», « көк», ) түсінік қалыптастыру.Көрнекі құралдар: 4 түсті қағаз (20х15) Ақ шаршы (18х8)Ортасында орналастырылған. Ақ шаршыда тышқанның ұясы салынған. 4шаршы – есіктер (10х10) Мысық жұмсақ ойыншық.Балаларға таратылатын құралдар: жоғарыдағыдай өлшемі кішірек заттар: түрлі - түсті қағаздар (10х8) ақ шаршы(5х5), түрлі - түсті қағаз шаршылар (Ойын барысы:Психолог балаларға «жасыр» ойынын ойнаймыз дейді. Алдыменойын ережесімен танысайық. Менде тышқандардың іні бар. Тақтаға 3 інді қояды да, қасына 4 түсті шаршы қояды. Мінекей балалар көрдіңдер ме?- Тышқандар терезелерінен қарап тұр. Осы тышқандарды тығу үшін шаршыларды қолданып терезелерді жабамыз, есік түсі үй түсімен сәйкес болу керек. Әйтпесе мысық тышқандарды ұстап алады. Тақтаға үш баланы шақырып, терезелерді жабуын сұрайды.Егер қателескені болса кері шақырып дұрыстатқызады. Осы кезде мысық шығады. Таба алмаған соң кетіп қалады.Сергіту жаттығуы:Бойды сергек тік ұстаЕмін еркін тыныста. Оң қолыңды соз алғаҚол ұшына қарада,Үшбұрыш сал ауадаСол қол босқа тұрмасынШеңбер жасап тынбасын.2. Жасыл түсті сандықшада Түрлі- түсті боялған күріштердің арасынан Еркетайдың тарағы мен айнасын тауып беру.3. Сары сандықшадаТүрлі- түсті түстерді көлеміне байланысты ілу.«Кемпірқосақ»Мақсаты: Балаларды түстер жүйесімен таныстыру. Спектрдегі түстердің орналасуымен таныстыруКөрнекіліктер: «Кемпірқосақ» суреті.Толық аяқталмаған кемпірқосақ қағаздары. Жапсыруды аяқтауға арналған жеті түсті жолақшалар. Жапсыру құралдары.Ойын ережесі: Балалардан жауыннан кейінгі шығатын кемпірқосақты кімнің көргенін, онда қандай түстер бар екенін сұрап, ойын құралдарын тақтаға іледі, түстерді толық атын атап орналастырады. Жеке балалардың алдарына ойын құралдары үлестіріліп балалар өз бетімен жұмысты үлгіге қарай отырып орналастырады4. Көк сандықшада «Әжеме жеміс шырынын» дайындау.«Кім тез жинайды?» ойыны Ойының тәрбиелік мәні: Көкіністер мен жемістер жайындағы балалардың білімін тиянақтау (жинақтау). Бейнелеу іс-әрекеті барысында пішін, көлем, түс, салыстырмалы көлем сияқты мәселелерді қабылдауын қалыптастыру. Балалардың есте сақтауын дамыта отырып, зейінділікке, ұқыптылыққа, шапшаңдыққа баулу. Қажетті көрнекіліктер: Көкөністер мен жемістердің ұсақ суреттері Екі банка .Ойын ережесі:а) Көкөністер, жемістер жайында әңгіме (түр, түс, көлем, пішін, т. б);ә) Үстелдің екі шетіне қойылған екі банкаға жемістерді бір бөлек, көкөністерді бір бөлек, бір-бірлеп жапсыру тапсырылады.Ойынға басшылық: Ойын барысында көкөністер мен жемістер жайында қысқаша әңгімелеп, балалардан қайсысы көкөністерге, қайсысы жемістерге жататынын сұрайды. Балалар жартылай шеңбер жасай отырғызылады. Психолог ойынға қажетті көрнекіліктерді алдын ала үстел үстіне қояды. Берілетін тапсырма: көкөністерді жинап, бір банкаға, жемістерді жинап, екінші банаға салу керек. Екі бала шығады. «Бір, екі, үш» деп санау арқылы немесе санамақпен ойын басталады. Кім бұрын араласып жатқан жемістер мен көөністерді шатастырмай дұрыс жинаса, сол жеңіске жетеді. Енді жиналған көкөністер мен жемістерді қайта жайып қою үшін балалар бір-бірлеп келіп, сипаттап айтып, орнына қояды. Оны басқа балалар орындайды.Мысалы: Мынау – алма. Ол қызыл, домалақ пішінді, дәмі тәтті т. б. Көкөніске немесе жеміске жататынын сұрап, психолог жауаптарын толықтырып отырады. Ойын балалардың жемістер, көкөністер жайында өлең, тақпақтар айтуымен аяқталады. Балалардың шапшаңдығы, зейінділігі, ұқыптылығы ескеріліп, ойынға қатысқандары мадақталып отырылуы керек. Бұл әдіс балалардың қызығушылығын арттырып, зейінділікке ынталандырады. Шаттық шеңбер::Біз балдырған тең басқан,Дос құшағын кең ашқан,Тілегіміз тыныштық,ашық болсын көк аспан,Мықты болсын іргеміз,Бәрімізде біргеміз. Балаларды қызмет үрдісіне психологиялық-педагогикалық сүйемелдеу: Балалар қызметінің нәтижелерін талдау:Қане, балалар шеңберге тұрайықшы. Балалар бүгін біз сары, жасыл, көк, қызыл түстерімен таныстық. Балалар сіздер менің түстер әлемімнің тапсырмаларын жақсы орындап бітірдіңіздер. Саяхатымызда аяқталды. Сіздерге бүгінгі саяхатымыз ұнады ма?Сіздерге түстер әлемінің сыйлығы бар. (түрлі- түсті шарлар сыйлау).
ҚР Білім және Ғылым министірлігінің стандартымен жасалған
22 Маусым 2018
1329
4 рет жүктелген
