Ұйымдастырылған оқу іс-әрекетінің конспектісі

Топ \ Группа: «Балапан»

Өткізу күні \ Дата проведения: 28.09.20

Тәрбиеші \ Воспитатель: Шукеева Д.С

Өтпелі тақырыбы\ Сквозная тема: «Менің отбасым» (өткенді пысықтау)

Білім саласы \ Образовательная область: «Коммуникация»

Бөлімдер \ Раздел: «Сөйлеуді дамыту» «Көркем әдебиет»

Тақырып \ Тема: «Менің отбасым»

Мақсат \ Цели:

Тәрбиелеуші: Отбасында үлкендерді сыйлап, кішілерге қамқор болу сияқты әдептілік қағидаларын сақтай білуге тәрбиелеу

Оқытушы: Балаларға отбасы және отбасы мүшелері туралы түсінік беру.

Дамытушы: Сөйлем құрап айтуға, дыбыстарды анық, таза жеткізе білуге дағдыландыру.

Сөздік жұмысы \ Словарная работа: Отбасы, мүше, шаңырақ.

Ресурстармен қамтамасыз ету \ Ресурсное обеспечение: суреттер: «Отбасы мүшелерінің», сергіту сәті: «Отбасы мүшелер», үлестірмелі суреттер.

Көптілділік: Отбасы-семья-family.

1. Ұйымдастырушы бөлімі:

Қайырлы таң көк аспан

Қайырлы таң жер ана

Қайырлы таң достарым

Сәлем, сәлем, сәлем.

Негізгі бөлімі:

-Әңгіме жүргізу.

-Балалар, біздің шаттық шеңберіміз неге ұқсайды?

-Иә, біздің шаттық шеңберіміз киіз үйге ұқсайды. Жоғарыдағы күмбез шаңырақ деп аталады. Шаңырақ-отбасының белгісі. Әр адам, үлкен болсын, кіші болсын өз үйін жақсы көреді, себебі ол үйде оның отбасы тұрады. Отбасы дегеніміз бір үйде тұратын адамдар тобы.Отбасы мүшелері: әке, ана және олардың балалары.Отбасының болуы- үлкен бақыт.Барлығымыз бірге қайталайық.

Отбасы – ол бақыт,

Отбасы – ол ата-анаң,

Отбасы – туыстарымыз,

Отбасы – ол шаңырақ.

– Әр адамның өз үйі болады. Онда оның отбасы мүшелері тұрады.

Олар: ата, апа, әке, ана, әпке, аға, іні, қарындас т.б.

Сергіту сәті: «Отбасы мүшелері»

Суреттпен жұмыс. Отбасы бейнеленген суреттен оныңмүшелерін айтқызу.

– Мына отбасында ат, әже бар екен, балалар, тағы кім бар екен ?

– Төрде кім отыр?

– Дұрыс айтасыңдар. Атаның оң жағында әже шай ішіп отыр.

– Шайды кім құйып беріп отыр?

– Барлығымыздың үйімізде анамыз, әкеміз, атамызбен әжеміз бар гой? Үлестірмелі материялмен жұмыс. «Менің отбасым» Берілген суреттің ішінен (анасын) отбасы мүшелерін табу.

– Отбасы мүшелерін сыйлау керек. Үлкеннен бұрын сөйлемейміз. Жол береміз. Үлкенге ізет, кішіге қамқорлық корсетеміз.

Ойын: Кім тез табады?

Шарты: текшеде отбасы мүшелерінің суреті корсетілген.

Қорытынды бөлімі:

- Не істедіңдер?

-не салған қиын болды? Балаларды мадақтау.