Ұзақ мерзімді жоспар тарауы: 6.3С Координаталық жазықтық

Мектеп: №94 жалпы білім беретін мектеп

Күні:

Мұғалімнің аты жөні: Ашен Л.А.

Сыныбы: 6 «А»

Қатысқандар саны:18

Қатыспағандар саны:

Сабақтың тақырыбы:

Координаталық жазықтық. Тікбұрышты координаталар жүйесі

Осы сабақта қол жеткізілетін оқу мақсаттары (оқу бағдарламасына сілтеме)

6.3.1.1

координаталық жазықтық ұғымын меңгеру;

6.3.1.2

тік бұрышты координаталар жүйесін салу;

6.3.1.3

(х;у) реттелген сандар жұбы тікбұрышты координаталар жүйесінде нүктені беретінін және әрбір нүктеге нүктенің координаталары деп аталатын бір ғана реттелген сандар жұбының сәйкес болатынын түсіну;

6.3.1.4

координаталар жүйесінде нүктені оның координаталары бойынша салу және координаталық жазықтықта берілген нүктенің координаталарын табу;

Сабақ мақсаттары

Барлық оқушылар: координаталық жазықтықты біледі;

Басым бөлігі: нүктенің координатасының жазылу реттілігін біледі, берілген нүктенің координаталарын табады;

Кейбір оқушылар: нүктенің жазықтықтағы орнын анықтау арқылы фигуралар салады

Бағалау критерийі

• Координаталық жазықтық ұғымын біледі;

• Тік бұрышты координаталар жүйесін салады;

• (х;у) реттелген сандар жұбы тікбұрышты координаталар жүйесінде нүктені беретінін біледі

• Координаталар жүйесінде нүктені оның координаталары бойынша салады және координаталық жазықтықта берілген нүктенің координаталарын табады;

Тілдік мақсат

Пәнге тән лексика мен терминология:

• абсцисса осі;

• ордината осі;

- координаталық жазықтық;

- декарттық координаталар жүйесі;

- ширек (т.с.с)

Диалог пен жазу үшін пайдалы сөздер мен тіркестер:

- абсцисса осі мен ордината осі ... деп аталады;

- координаталары бар жазықтық ... деп аталады;

- нүктенің абсциссасы мен ординатасы ... деп аталады;

Құндылықтарға баулу

• Жақсы қарым-қатынас орнату, ынтымақтастық дағдысын қалыптастыру;

• Өмір бойы оқуға дайын болу;

• Бір-бірінің ойларын бағалау, құндылықтарды дарыту жұптық және топтық жұмыстар арқылы жүзеге асырылады.

Алдыңғы білім

Координаталық сәуле, бірлік кесінді, перпендикуляр түзулер, нүкте

Пәнаралық байланыстар

География, бейнелеу

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

5 минут

3 минут

1.Ұйымдастыру кезеңі:

Сәлемдесу, сабақ мақсатын жариялау, күтілетін нәтижемен таныстыру.Психологиялық жаттығу шаттық шеңбер бойында жасату,белсенді оқыту тәсілдерінің бірі «Атом-молекула әдісімен» топқа біріктіремін, топ басшысын анықтаймын.

1 топ, 2 топ, 3топ

Үй тапсырмасы

1. Өтілген материалдарды еске түсіру мақсатында «Plickers» бағдарламасы арқылы оқушылар жеке жұмыс орындайды. Әр оқушы сұрақтардың дұрыс нұсқасын тауып, «пликерс» парақшаларын көтереді. Соңында жауаптары рейтинг бойынша көрсетіледі. Сол бойынша қалыптастырушы бағалау жүргізіледі.

1.Тік бұрыш жасап қиылысатын түзулер ... деп аталады.

А) параллель В) перпендикуляр

С) қиылысатын түзу D) кесінділер

2. Екі перпендикуляр түзу қандай бұрышты құрайды?

А) тік бұрыш В) сүйір бұрыш

С) доғал бұрыш D) жазыңқы бұрыш

3. Бір жазықтықта жататын және қиылыспайтын екі түзуді ... деп атайды

А) параллель В) перпендикуляр

С) кесінді D) нүкте

4. Параллель түзулерде жататын кесінділер ... деп аталады.

А) тең кесінділер В) перпендикуляр кесінділер

С) параллель кесінділер D) ұқсас кесінділер

5. Перпендикуляр түзулерде жататын кесінділер ... деп аталады.

А) тең кесінділер В) перпендикуляр кесінділер

С) параллель кесінділер D) ұқсас кесінділер

2. Үйге берілген тапсырма тексеріледі: «Ротация» әдісі негізінде оқушылар бір-бірінің, яғни қасындағы коршісінің үй тапсырмасын тексереді, қиындықтар туралы, жетістіктер туралы айтады. Интербелсенді тақтада есептердің шығарылу жолдары мен жауаптарын көрсетемін, ал оқушылар өз есептерін сол жауаптармен сәйкестендіреді.

« Бас бармақ» тәсілі арқылы бір-бірлеріне кері байланыс жасатамын

Түрлі - түсті қағаздар.

«Plickers» бағдарламасы

«пликерс» парақшалары

Ортасы

15 минут

10 минут

_{Тақырыпқа шолу:}

_{«Түйінді сөздер » әдісі арқылы}

жаңа тақырыптың ішінен түйінді сөздерді әр топқа бөліп беремін. Оқушылар топ болып бірігіп сол сөздердің анықтамасын, мағынасын ашып, басқа топтарға түсіндіреді.

1 топ: тік бұрышты координаталар жүйесі

2 топ: координаталық жазықтық

3 топ: координаталық ширек

Б елсенділік танытып отырған оқушыларға ынталандырушы «Көңілді смайликтер» беремін, бағалау парағы.

_{Оқулықпен жұмыс.}

_{Белсенді оқытудың «Ойлан-жұптас-бөліс» тәсілін қолдана отырып әр топ оқушылары жеке жұмыс жасайды, кейін жұптасып шығарады да, шыққан жауапты топта талдайды. Барлығы болған соң есеп тақтада орындалады.}

_{1 тапсырма}

_{№1079. Нүктелерді координаталарымен жазыңдар.}

Дескриптор: Білім алушы

- координаталық жазықтықтағы нүктелердің координаталарын табады;

- нүктелерді координаталарымен жазады.

_{2 тапсырма}

_{№1080. Координаталық жазықтықтан: А(-2;4), В(-1;-3),}

_{С(-1;5), D(1;-3) Е(-5;2), К(0;-1) нүктелерін белгілеңдер.}

Дескриптор: Білім алушы

- координаталық жазықтықты салады;

- координаталық жазықтықта нүктелердің орнын табады және белгілейді.

_{3 тапсырма}

_{№1081. Ұштарының координаталары бойынша АВ, СD және ЕҒ кесінділерін сызыңдар. 1) А(3;1), В(-3;3);}

_{2) С(-2;-3), D(4;-1); 3) Е(1;3), Ғ(3;-4).}

Дескриптор: Білім алушы

- координаталық жазықтықты салады;

- координаталық жазықтықта нүктелерді белгілейді;

- кесінділерді сызады.

4 тапсырма Сергіту есептері. Сурет салу сайысы

1-Топ. (-4,5;3,5), (3,5;4), (-3;5), (-1,5;5), (-1;4), (-1,5;0,5),

(-1;0), (1;1), (4;1), (5;0), (7;1), (6;-2), (4;-4), (0;-4), (-2,5;-3),

(-3,5;0), (-3;2), (-3,5;0), (-3;2), (-3,5;3), (-4,5;3,5) және (-2,5;4).

2-Топ. (0;0), (-1;1), (-3;1), (-2;3), (-3;3), (-4;6), (0;8), (2;5), (2;11), (6;10), (3;9), (4;5), (3;0), (2;0), (1;-7), (3;8), (0;-8), (0;0).

3-Топ. А) (-7;0), (-5;2), (7;2), (9;5), (10;5), (10;1), (9;0) Ә) (0;2), (5;6), (7;6), (4;2) Б) (0;1), (6;-3), (8;-3), (4;1), (0;1) Нүктелерін координаталық жазықтықта белгілеп, оларды жазылу ретімен қос.

Дескриптор: Білім алушы

- координаталық жазықтықты салады;

- координаталық жазықтықта нүктелерді белгілейді;

- берілген нүктелерді қосып сурет сызады.

Үлестірмелер, оқулық, жұмыс дәптері

Тақта, маркер

Атамұра баспасы,

Математика 6,

жұмыс дәптері

Аяқталуы

5 минут

2 минут

Өтілген тақырып бойынша білімдерін жинақтау үшін «Сұрақты қағып ал» тәсілі арқылы доп лақтырып бір оқушыға сұрақ қоямын, оқушы сұраққа жауап беріп, келесі оқушыға сұрақ қояды.

Сұрақтар өтілген тақырып аясында қойылады:

1. Тік бұрышты координаталар жүйесі дегеніміз не?

2. Координата басы дегеніміз не?

3. Координаталық жазықтық дегеніміз не?

4. Нүктенің координаталары дегеніміз не?

5. Абсциссалар осі дегеніміз не?

6. Ординаталар осі дегеніміз не?

Үй тапсырмаларын орындауға бағыттау Атамұра, №1083, 100 бет.

Оқушылар сабақ соңында өз ойтолғаныстарын білдіру арқылы бүгінгі тақырып бойынша «Аяқталмаған сөйлемдер» арқылы рефлексия жасайды:

Бүгінгі сабақта мен: ................................................ үйрендім.

Бұған дейін мен: .................................................. білуші едім.

Топпен жұмыс жасау кезінде: ..................................түсіндім.

Бүгінгі тақырып бойынша: ..........................түсініксіз болды.

Саралау – Сіз қандай тәсілмен көбірек қолдау көрсетпексіз? Сіз басқаларға қарағанда қабілетті оқушыларға қандай тапсырмалар бересіз?

Бағалау – Сіз оқушылардың материалды игеру

Денсаулық және қауіпсіздік техникасын сақтау

Саралаудың тапсырмалар, дереккөздер тәсілдері арқылы оқушылардың қажеттіліктеріне қарай тапсырмалар жасалады, дербес қолдау көрсетіледі. Жіктеу тәсілінің джигсо тәсілі арқылы бөлінген топтарға дайындаған үлестірме материалдарды үлестіремін. Әрбір тапсырма оқушылардың жас ерекшеліктеріне сәйкес, әрі оқу бағдарламасына сай дайындалды. Бұл тәсілдер оқушыға мақсаттарға жетуге ықпал жасайды.

«Атом-молекула» әдісі, «Plickers» бағдарламасы, «Бас бармақ» тәсілі, «Түйінді сөздер» әдісі, «Көңілді смайликтер» әдісі, _{«Ойлан-жұптас-бөліс» тәсілі,} «Сұрақты қағып ал» тәсілі, «Аяқталмаған сөйлемдер» арқылы рефлексия

Сабақ кезінде қарастырылатын әр түрлі жұмыс түрлері оқушылардың қимыл қозғалыс қозғалыс жасауына мүмкіндік береді.

Сабақ бойынша рефлексия

Сабақ мақсаттары немесе оқу мақсаттары шынайы, қолжетімді болды ма?

Барлық оқушылар оқу мақсатына қол жеткізді ме? Егер оқушылар оқу мақсатына жетпеген болса, неліктен деп ойлайсыз? Сабақта саралау дұрыс жүргізілді ме?

Сабақ кезеңдерінде уақытты тиімді пайдаландыңыз ба? Сабақ жоспарынан ауытқулар болды ма және неліктен?

Жалпы бағалау

Сабақта ең жақсы өткен екі нәрсе (оқыту мен оқуға қатысты)?

1:

2:

Сабақтың бұдан да жақсы өтуіне не оң ықпал етер еді (оқыту мен оқуға қатысты)?

1:

2:

Осы сабақтың барысында мен сынып туралы немесе жекелеген оқушылардың жетістіктері/ қиыншылықтары туралы нені анықтадым, келесі сабақтарда не нәрсеге назар аудару қажет?