Ұзақ мерзімді жоспар бөлімі:

Көркеи еңбек Мектеп: №36 ЖОББМ

Күні: 24.12.2020 Мұғалімнің аты-жөні: Г.З.Ахметова

Сынып: 3 «А» Қатысқандар саны: Қатыспағандар саны:

Сабақтың тақырыбы:

Адамдардың ежелгі баспанасы. Киіз үй үлгісін жасау.

Осы сабақта қол жеткізілетін оқу мақсаттары (оқу бағдарламасына сілтеме) :

3.2.3.1. ежелгі адамдардың баспаналары туралы айтады, ежелгі баспана үлгісін жасайды.

Сабақ мақсаттары:

Барлық оқушылар: адамдардың ежелгі баспанасы, олардың ерекшелігі туралы айтады.

Оқушылардың көпшілігі: үлгі жасау ретін айтып, оның сыртқы түрін сипаттай алады.

Кейбір оқушылар: оқулықтағы материалға сүйеніп, өз бетінше баспана түрін жасап, әшекейлей алады.

Бағалау критерийлері:

1. Адамдардың ежелгі баспанасы , олардың ерекшелігі туралы әңгімелейді.

2. Үлгі жасау ретін айтып, оның сыртқы түрін сипаттай алады.

3. Оқулықтағы материалға сүйеніп, өз бетінше баспана түрін жасап, әшекейлейді.

Тілдік мақсаттар:

Тірек сөздер: адамдардың ежелгі баспанасы, ежелгі баспана салуға қажетті материалдар, киіз үй, жұмыс істеу реті.

Құндылықтарды дарыту:

Қазақ халқының сәулет өнерін, сәндік қолданбалы өнерін түсініп бағалау.

Пәнаралық байланыстар:

Қазақстан тарихы, қазақ әдебиеті

Бастапқы білім:

Сәулет өнері, сәндік –қолданбалы өнер, дизайн өнері.

Сабақтың жоспарланған кезеңдері:

Сабақта жоспарланған іс-әрекет:

Ресурстар:

Сабақтың басы

5 минут

1. Психологиялық ахуал. Оқушылармен амандасып, сабаққа жақсы ахуал орнату. Шығармашылық жағдай жасау.

Мейірімді жүрекпен,

Ақпейілді тілекпен,

Амандасып алайық,

Бір жадырап қалайық!

2. «Төрт сурет, бір сөз» әдісі өткен тақырыпты еске түсіру

-Балалар, 4суретті қандай бір сөзбен айтуға болады?

-Дұрыс. Сәулет өнері.

- Сәулет өнері дегеніміз не?

(Білім алушылардың жауаптары)

«Төрт сурет, бір сөз» әдісі арқылы жаңа тақырыпты ашу.

-Балалар, 4 суретке қандай тақырып қоюға болады?

-Дұрыс. Баспана.

Сабақтың ортасы

25 минут

Бейнефильм көру.

Ертеде адамдар өздерін жабайы аңдар мен қолайсыз ауа райынан сақтайтын баспаналар тұрғызған. Алғашқы баспаналар үңгірлер болды, одан кейін басқа да құрылыстар бой көтерді.

Ежелгі адамдар баспана жасау үшін ағаш бұтақтарын пайдаланған. Бұтақтардаң басын қосып ұстін аңның терісімен жапқан. Осындай баспана күрке деп аталады.

Көшпелі өмірге бейімделген баспананың жетілдірілген түрі-

киіз үй.

Ол көшіп қонуға ыңғайлы, қыста жылы, жазда салқын болды.

Киіз үйдің негізі 3 бөліктен тұрады: үйдің сүйектері, үйдің киіздері, бау-шулары.

Киіз үйді құрайтын негізгі қаңқасын «сүйегі» деп айтады. Оларға кереге, уық, шаңырақ жатады.

Киіз үйдің ішін 4 бөлікке бөледі: төр, оң жақ босаға, сол жақ бсаға, ошақ. Ошақ қасиетті орын болып саналады. Мұнда от жағылып, қазанда ас әзірленеді.

«Шығармашылық шеберхана»

Оқушылардың өздік жұмысы.

Тапсырма. Ақ немесе түсті қағаздан киіз үй үлгісін жасау.

Қауіпсіздік ережелері:

1. Қайшымен жұмыс жасағанда абай болу.

2. Қайшымен қағазда қиғанда мұқият болу.

3. Қайшымен қағазды қиып болғаннан кейін қайшыны өзінен алшақ қою.

Жұмысты орындау реті:

1. Ақ қағаздан ұзындығы 20 см, ені 8 см жолақша қиып алу.

2. Жолақшаның екі ұшын желімдеп, біріктіру.

3. Цилиндр тәріздес бұйымның төменгі жағынан ортасына дейін екі қиық жасау. Ортасында пайда болған жолақшаны орап үстіне қарай көтеру.

4. Ұзындығы 20 см, ені 1 см жолақша қиып алу. Оны екіге бөлу.

5. Екі қысқа жолақшаларды айқастырып, киіз үйдін үстіне күмбез тәріздес етіп жабыстыру.

6. Түсті қағаздан ою қиып алу. Оюды сықырлауықтан жоғары жабыстыру.

Дескрипторлар:

1. Ежелгі адамдардың баспанасы туралы айтады.

2. Киіз үйдің үлгісін жасау ретін айтады, сыртқы түрін сипаттайды.

3. Киіз үйдің үлгісін өз бетінше жасайды, әшекейлейді.

ҚБ. «Шапалақ» әдісі.

3 шапалақ - «Маған ұнады. Жұмысым сәтті шықты»

2 шапалақ- «Орындадым, бірақ қиын болды»

1 шапалақ- «Жұмысымды аяқтаған жоқпын»

Презентация

Презента

ция

Ақ қағаз, түсті қағаз, желім, қайшы, сызғыш, қарындаш

Сабақтың соңы

5 минут

«Миллион кімге бұйырады?» викторина ойыны.

1. Ежелгі адамдардың алғашқы баспанасы. (үңгір)

2. Ағаштың бұтақтарынан жасалған баспана. (күрке)

3. Көшпелі өмірге бейімделген баспананың жетілдірілген түрі. (киіз үй)

4. Киіз үйдің негізі 3 бөліктен тұрады? (3)

5. От жағылып, қазанда ас әзірленетін киіз үйдің бөлігі. (ошақ)

ҚБ. Ауызша мақтау.

Рефлексия. Балалар, бүгінгі сабақта біз ежелгі адамдардың баспанасымен таныстық және көшпенді өмірге ыңғайлы баспананың түрі-киіз үймен таныстық. Киіз үйдің үлгісін қағаздан жасап, оны әшекейледік.

Сабаққа белсенді қатысқан оқушыларды атау, мақтау.

Оқушылар өз жұмыстарын бағалауы.

Оқу тапсырмасы. «Көшпелілердің негізгі баспанасы-киіз үй» тақырыбына шағын әңгіме құрастыру.

Саралау

Бағалау

Денсаулық және қауіпсіздік техникасын сақтау

Барлық оқушылар: адамдардың ежелгі баспанасы, олардың ерекшелігі туралы айтты.

Оқушылардың көпшілігі: үлгі жасау ретін айтып, оның сыртқы түрін сипаттады.

Кейбір оқушылар: оқулықтағы материалға сүйеніп, өз бетінше баспана түрін жасап, әшекейледі.

1. Оқушылардың мұғалімнің сұрақтарына жауабы.

2. Жұмысты талдап, талқылауға қатысуы.

3. «Миллион кімге бұйырады?» викторина ойыныңа қатысуы.

4. «Шапалақ» әдісі.

5. Ауызша мақтау.

Жұмыс барысында қайшымен жұмыс жасағанда қауіпсіздік ережелерін сақтауды оқушылардың естеріне түстіру.