Пәні : информатика

Сыныбы: 11Б

Тексерген:

Бейіндік оқыту ісінің меңгерушісі: Б. Беденова

Күні: 23.11.2018ж

Сабақтың тақырыбы:

Көрмелер жасаудың тиімді тәсілдері.

Сабақтың мақсаты

PowerPoint бағдарламасы жайлы мағлұмат беру.

Сабақтың міндеттері

Білімділік: оқушыларға тақырып бойынша түсінік бере отырып, слайд құру жолдарын үйрету.

Дамытушылық: оқушылардың  білім-білік дағдыларын қалыптастыру, уақытты тиімді пайдалану, білімге деген құштарлығын арттыруға ықпал ету.

Тәрбиелігі: оқушылардың жеке тұлғалық қасиеттерін қалыптастыру, шағын топта жұмыс істеуге дағдыландыру, өзін-өзі бағалауға ықпал жасау.

Күтілетін нәтиже

Компьютерде ақпараттарды ұсыну тәсілдерін біледі, практикада қолдана отырып тақырыптың мағанасын меңгереді

Сабақтың түрі

Аралас сабақ

Сабақтың әдісі:

компьютермен жұмыс, тест, сұрақ -жауап

Сабақтың көрнекілігі және жабдықталуы

компьютер, оқулық,жұмыс дәптері

Пәнаралық байланыс

1. Ұйымдастыру кезеңі.

2. Үй тапсырмаларын тексеру кезеңі.

3. Жаңа білім алу кезеңі

4. Сабақты қорытындылау кезеңі

5. Кері байланыс кезеңі

6. Білімді бағалау кезеңі

Өткен материалдарды қайталау сұрақтары:

      Жаңа сабақты бастамас бұрын ой қозғау мақсатында оқушыларға сұрақ арқылы диалогқа түсіру

Ойлан- тап

Сұрақ- жауап

1. PowerPoint бағдарламасы не үшін қажет?
2. PowerPoint бағдарламасын қалай іске қосамыз?
3. PowerPoint бағдарламасына суретті кірістіру командасы
4. PowerPoint дегеніміз не?

Жаңа сабақ

Көрме жасаудың тиімді тәсілдері.

Microsoft PowerPoint терезесін ашқаннан кейін тапсырмалар аймағында жаңа көрмені жасау үшін бірнеше нұсқалар ұсынылады:

• Жаңа презентация (Новая прзентация)

• Слайд жасақтамасы (Шаблон презентации)

• Автомазмұн шебері (Мастер автосодержания)

Автомазмұн шебері көмегімен:

• Жалпы мәселелер бойынша баяндамалар;

• Қызмет бабы бойынша баяндамалар;

• Сауда-саттық және маркетинг жөнінде есеп –қисаптар;

• Жеке хабарламалар; т.б. тақырыптарда алдын ала дайындалып қойылған презентациялар ішінен өзіңе қажетті презентацияны таңдап құруға болады.

1-ші қадамда: Презентацияның түрін, яғни оның жалпы тақырыптық бағытын таңдаймыз. Келесі қадамға өту үшін тақырыпты таңдаған соң, Ары қарай батырмасын шертеміз.

2-ші қадамда: Презентацияны көрсету тәсілдерін таңдаймыз.

3-ші қадамда: Презентацияның тақырыбын жазамыз. Сонан кейін Дайын батырмасын басамыз. Дайын болған презентацияны өз қажетімізге қарай өзгерте аламыз.

Жаңа презентация  құру қажет болса Пішімдеу құралдар үстеліндегі «Жаңа слайд» әмірін басу қажет. Бұл жерде слайдтар белгіленуінің 27 түрі бар. Мұнда әтін, кесте, диаграмма, графикалық объектілер, дыбыс орналасу схемасы көрсетілген. Осының ішінен өзіңізге қажеттісін таңдап ала аласыз.

Слайд жасақтамасы мен жұмыс жасау үшін тапсырмалар аймағы үстелінде- Слайд жасақтамасы қосымшасын таңдап, барлық безендіру қалпын қолданып көруге болады.

Түстер сұлабасын қолдану үшін тапсырмалар аймағы үстелінде- Түстер сұлабасы қосымшасын таңдаймыз. Осыдан кейін барлық қол жетерлік түстер  сұлабаларын қолданып көруге болады. Сондай-ақ фондық түсті өз қалауыңызша өзгертуіңізге болады. Ол үшін Формат-Фон командасын орындаймыз.Осы терезеден түстің қанықтылығын және  өрнек немесе текстура ішкі беттерінде слайдтағы фонның түрлерін әртүрлі етіп өзгертуге болады. Түс қанығуы өзгерісінің арнайы градиентті құю деп аталатын түрін қолдана отырып, өте әдемі дизайндарды дайындауға болады. Өз қалауыңызша кез-келген түстерді таңдап ОК батырмасын одан кейін Қолдану батырмасын шертеміз.

Сабақты пысықтау

Тапсырма №1

1. PowerPoint бағдарламасын іске қосамыз.

2. Терезенің негізгі элементтерімен танысыңыз.

3. Жаңа презентация құрыңыз.

Сабақты  бекіту  сұрақтары:

PowerPoint бағдарламасында слайдпен жұмыс істеу режимінің 3 түрі бар:

• Қарапайым режим (әр слайдты жеке-жеке көрсетеді)

• Сұрыптау режимі (презентацияның барлық слайдтары тізбектеліп орналасады)

Слайдтарды көрсету режимі (слайдтарды экранда бірінен кейін бірін көрсетеді

Бағалау критерийлері:

Топтағы белсенділігі мен сабаққа қатысуы бойынша бағалау

Үй тапсырмасы:

PowerPoint бағдарламасы тақырыбына реферат жазып келу.