Коронавирус індеті

Елімізде болып жатқан төтенше жағдайларға байланысты халқымызға тек сабырлы болуын айта аламыз. Бұл бір қазақ халқына жіберген құдайдың сынағы болар , бұл сынақтан да аман-есен өтерміз деген сенімдіміз. Коронавирус деген сөзді естісек, жүргіміз бір селк етіп, дірілдеп қоя береі хақ. Осы бір індеттен қаншама қазақ бауырларымыз азап шегуде. Коронавирус ауруының пандемиясы  2019 жылы, желтоқсан айының ортасында орталық  Қытайда орналасқан Хубэй провинциясына кіретін Ухань қаласында басталды. Covid-2019 – коронавирустың осы уақытқа дейін анықталмаған жаңа түрі. Осыдан кейін Қытай ғалымдары коронавирустың жаңа түрін анықтады  SARS-CoV-2. Вирус Қытайдың бірнеше әкімшілік аймақтарында анықталған.Қалыпты жағдайда Covid-2019 жұқпасынан кейін асқыну қаупі жоқ. Бұл вирус: 65 жастан асқан адамдарға ,бес жасқа дейінгі балаларға, жүкті әйелдерге, иммунитеті әлсіз не жүрек, өкпе, бүйректің созылмалы аурулары бар адамдарға қауіп туғызуы ықтимал.Инфекция ауру жұқтырған адамнан келесі адамға жөтелгенде не түшкіргенде науқастың мұрнынан, аузынан бөлінетін ұсақ тамшылар арқылы беріледі. Бұл тамшылар заттардың бетіне, есік тұтқасына түседі. Ол заттарды ұстаған адам қолын жумастан көзіне, мұрнына немесе аузына тигізсе, ауруды жұқтырады. Сондықтан, коронавирусқа шалдыққан адамнан 1 метрден асақашықтықта жүру маңызды. Қазіргі уақытта ғалымдар вирустың заттардың бетінде қанша уақыт тіршілік ететінін анықтауда. Вирус бір сағаттан бірнеше күнге дейін өміршеңдігін сақтай алады деген болжам бар. Сондықтан, вирусты өлтіру және олардың адамға жұғуына жол бермеу үшін қарапайым дезинфекциялаушы заттарды қолдануға болады.Осы індеттің салдарынан қанша адам қаза болды, осы бауырларымызды еске алу 13 шілде Ұлттық аза тұту күні болып жарияланды. Олай болса барымызда бағалап, бір-бірімізді құрметтейік ағайын!

Кентау көпсалалы колледжі

Информатика пәнінің оқытушысы

Ботабекова Асия Ердебековна