коррекциялық сабақ "Жыл мезгілдер" Қыс

Сабақ тақырыбы

“Жыл мезгілдері” Қыс.

Сабақтың мақсаттары

Балаларға табиғаттағы құбылыстар жөнінде жалпылама және нақты түсініктерді қалыптастыру. Жылдың төрт мезгілін айыра білу дағдыларын бекіту.
Дамытушылық: Балалардың сөздік қорын, ауызекі сөйлеу мәдениетін жетілдіру. Есте сақтау қабілетін арттыру. Зейінділікке, ұстамдылыққа, тапқырлыққа баулу.
Тәрбиелік: Балаларды табиғатты қорғауға, оның сұлулығын сезіне білуге
тәрбиелеу.

Бағалау критерилері

Жыл мезгілдерін атайды

Сөздік

қыс-зима, көктем-весна, жаз-лето, күз-осень

Денсаулық және техника қауіпсіздігінің сақталуы

Қыста мұз тайғақта абайлау

АКТ қолдану дағдысы

Жыл мезгілдеріне байланысты слайдта суреттер көрсету.

Алдыңғы меңгерілген білім

Жылдың төрт мезгілдері болатынын біледі.

Сабақ барысы

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақтың басы

Ұсақ қол моторикасын дамыту

Сабақтың соңы

Күнделікті сөздер

-Амандас

-Па-па-па

-Сен қалай естисің?

-Мен жақсы естимін!

-Сен қандай оқушысың?

-Мен жақсы оқушымын!

Шаттық шеңбері

Қандай керемет қыс күні,

Қонады қардың ұшқыны.

Қараңдар, достар, қараңдар,

Ақ көрпе жапқан бар аңғар. 

Жасасын достық деген үн

Аймақты түгел бөлесін. 

Қызығушылығын ояту

- Балалар айтыңдаршы қазір жылдың қай мезгілі?
Бұлтты айдай желдеткен,
Нөсерлеткен, селдеткен,
Шалшық кешіп ойнайтын,
Қай мезгіл деп ойлайсың? (Көктем)
(Слайдтан көктем мезгілінің суреті шығады, сурет арқылы әңгімелету)
- Көктем мезгілінің айларын атап бер?
- Көктемде табиғатта қандай ерекшеліктер болады?
- Көктемде қандай мерекелер бар?
- Сендер шаршап қалған шығарсыңдар, орнымыздан тұрып сергіту жаттығуын жасайық.
(Музыкамен сергіту жаттығу)
- Енді келесі өлеңді тыңдаймыз.
Қойының толы жеміске,
Көк майсалы егісте,
Көбелек қуып ойнайтын,
Қай мезгіл деп ойлайсың? (Жаз)
(Слайдтан жаз мезгілінің суреті шығады, сурет арқылы әңгімелету)
- Қараңдаршы балалар, суретте не көріп отырсыңдар?
- Жазда табиғатта қандай өзгерістер болады?
- Жаз айларын кім біледі?
\Балалардың жауаптары\
- Ал енді соңғы жұмбақ.
Жиып - теріп болатын,
Қамбаға астық толатын,
Қызыл қырман ойнайтын,
Қай мезгіл деп ойлайсың?(Күз)
(Слайдтан күз мезгілінің суреті шығады, сурет арқылы әңгімелету)
- Ал күз айларын кім біледі?
- Күзде табиғатта қандай ерекшеліктер болады?

- Қыс айларын білеміз бе?

(Слайдтан қыс мезгілінің суреті шығады, сурет арқылы әңгімелету)

Балаларға қыс туралы сұрақтар қою.

- Қыста қандай өзгерістер болады?
- Қыс мезгілі ұнай ма?
- Сендер қандай ойын ойнайсыңдар?
- Қыста қандай мереке бар?
- Қыс туралы кім тақпақ біледі.

Жұмбақтардың жауабын табу

1. Аяз қысып,

Өрнек сызып,

Терезені торлайды.

Қарға омбығып,

Бет домбығып,

Сырғанап балалар ойнайды. /Қыс

Кластер әдісі

Қыс мезгілінің табиғи ерекшеліктері, қысқы ойындарды анықтау

қар жауып мұз қатады

Қыс суық қарлы, аязды

коньки шаңғы мен сырғану

шана Қар атысу

“Қыс” сурет бойынша мәтін құру

Топтастыру стратегиясы

Жыл мезгілдеріне суреттерді топтастыру

Пазл жинау әдісі

Тыңда-қайтала

Дұрыс айт

Баспалдақ әдісі бойынша кері байланыс жасау

Біледі

Білгім келеді

Түсінбедім

Жыл мезгілдерінің суреттері

Дәптермен жұмыс

Баспалдақ