Тақырыбы: Елбасы – ел тірегі

Мақсаты: білімділік: балаларға Елбасымыз Нұрсұлтан Назарбаевтың әлемнің аса ірі мемлекеттері мойындаған саяси саңлақ, дара тұлға екендігін таныту

дамытушылық: оқушылардың ой-өрісін дамыту,ұрпақтан ұрпаққа жалғасып келе жатқан ұлттық мәдениетімізге құрметпен қарап, егеменді елімізге деген сүйіспеншілігін, патриоттық сезімін ояту

тәрбиелік: балаларды өз Отанын сүюге, елордасы Астанасын мақтаныш етуге тәрбиелеу

Көрнекілігі: Н.Ә.Назарбаевтың портреті, Қазақстанның картасы, еліміздің рәміздері, нақыл сөздер, кітап көрмесі.

Барысы: 1.Ұйымдастыру кезеңі

Қазақстан Республикасы әнұранын айту.

Мұғалім сөзі:

Құрметті ұстаздар, ата-аналар, кішкентай бүлдіршіндер бүгінгі біздің «Елбасы –ел тірегі» атты ертеңгілігімізге қош келдіңіздер!

Жайнай өсті, Астана

Бәйтерегі көк тіреп

Болды Астана бас қала,

Іске асты көп тілек.

Әсем үйлер самсаған,

Көшелері көсілген

Тұрды қала аңсаған,

Сарыарқаның төсінен

Ағады ерке Есілі,

Астанадан нәр алып.

Кеткен қала есімі,

Жер шарына таралып.

2. Биыл, міне қазақ елі тәуелсіздігін алғанына 22 жыл толып отыр. Бұл уақыт ішінде нелерді бастан кешіріп, нендей қиындықтар көргеніміз тарихтан мәлім. Ендеше осы тәуелсіздігіміз баянды болсын! Бүгінгі тәрбие сағатымыз Еліміздің тұңғыш Президенті Нұрсұлтан Әбішұлы Назарбаевқа арналады. «Елбасы –ел тірегі» деп аталады. Тұңғыш президентіміздің өмір жолы қиын да қайталанбас көп қырлы. 1940 жылы 6 шілдеде Алматы облысының Қарасай ауданындағы Шамалған селосында дүниеге келді. Қазіргі атауы -Үшқоңыр. Әжесі Мырзабала да немересінің азамат болып қалыптасуына ерекше еңбек сіңірді. Мырзабаланың ұлы, Нұрсұлтан Назарбаевтың әкесі –Әбіш 1903 жылы Алатаудың бөктерінде,Назарбай бидің шаңырағында өмірге келді. Әбіш Назарбаев көңілді, қадірлі адам болды. Ол тек қазақ тілінде ғана емес, орыс және балқар тілдерінде де еркін сөйлейтін. Әбіш Назарбаев 1971 жылы қайтыс болды. Назарбаевтың анасы Әлжан 1910 жылы Жамбыл облысы Қордай ауданы Қасық ауылындағы молданың отбасында дүниеге келді. Балалар, ерте есейген Сұлтан мектепті бітіре салысымен Кеңес Одағындағы Қарағанды металлургия комбинатында жұмыс істеді.

Мұғалім сөзі: Үлкен өмірге қадам басқан Нұрсұлтан Әбішұлы Қарағанды металлургия зауытында шойын құюшы, домна пешінің көмекшісі қызметін атқарды. 1967 жылы Қарағанды металлургия комбинаты жанындағы жоғары техникалық оқу орнын бітіреді. Келесі слайдтан елбасымыздың қызмет еткен кезеңдерін тамашалай аламыз! (Алғаш қызмет еткен Теміртау, Қарағанды қалаларындағы металлургия комбинатының суреттері көрсетіледі)

Мұғалім сөзі:1991 жылы 1-желтоқсанда жалпыхалықтық сайлау өтті. 1991 жылы 1 желтоқсанда Н.Ә.Назарбаев Қазақстан Республикасының президенті болып сайланды. Елбасымыз еліміз үшін қандай игі істер атқарды? -1991 жылы 16 желтоқсанда Егеменді ел болып, тәуелсіздікке қол жеткіздік.

-1998 жылы 10 маусымда Астана еліміздің бас қаласы болды. –Дұрыс, балалар, Астанамыз елбасы мен дана ағаларымыздың арқасында күннен күнге көркейіп, әсемденіп келеді.

3. - Балалар, біз қай елде тұрамыз?

- Қазақстан елінде тұрамыз.

- Біздің елордамыз, бас қаламыз қай қала?

- Астана қаласы.

- Елбасымыз кім?

- Нұрсұлтан Әбішұлы Назарбаев.

- Балалар сендер Астана туралы тақпақ білесіңдер ме?

Айым: Астана – арман қала,

Бағы бір жанған қала

Тұрады ол жап-жас болып,

Мен үлкен болғанда да

Гүлден: Отанымның төрінде

Сарыарқаның өрінде

Ту ұстаған – Астанам

Әсем қалам, бас қалам!

Мансұр: Желбірейді шалықтап,

Қазақстан жалауы

Көкте қыран қалықтап,

Қанат қағып барады.

Шұғыла: Шырқап көкке аспан

Болашаққа бас қадам

Қазақ рухын биіктет,

Ей, бас қала – Астанам!

4. Елордамыз Астана несімен көрікті?

- «Бәйтерек», Ақ орда, Министрлер үйі, «Қазақ елі» монументі, «Думан» ойын- сауық орталығы, «Хан шатыры» - осының бәрі Елордамыздың ажарын ашып, көрік беріп тұр. Елбасының көптеген жетістіктерін білдік. Сонымен қатар Елбасымыз бірқатар ғылыми,

қоғамдық-саяси еңбектердің авторы.

Ән: «Жас дәуірдің түлегіміз ».

5. – Балалар, мынау қандай карта?

Қазақстан республикасының картасы

Осы картадан Қазақстан елінің қандай қалаларын білесіңдер?

Жарайсыңдар, балалар.

Біздің еліміз қандай мемлекет?

Егеменді, тәуелсіз мемлекет.

6. Балалар, Отан, туған жер туралы қандай мақал-мәтел білесіңдер?

1. Отан оттан да ыстық

2. Отансыз адам- ормансыз бұлбұл

3. Отан үшін күрес, ерге тиген үлес

4. Туған жер-алтын бесік.

7. - Балалар, мынау не?

- Бәйтерек.

Бәйтеректің қай жерде орналасқанын көру үшін, біз қаламыздың әдемі ғимараттарын тамашалайық. (слайдтан Астана қаласының көрінісі көрсетіледі.)

• Балалар, мынау біздің Есіл өзені. Ал, мынау Ақорда. Онда біздің елбасымыз Нұрсұлтан Әбішұлы Назарбаев президенттік қызметін атқарады.

• Ал, мынау біздің Астана қаласының жүрегі – Бәйтерек.

• Бәйтерекке барып көрдіңдір ме?

• Қаламызда тағы қандай әсем ғимараттар бар екен?

• Хан шатыры. Думан ойын-сауық орталығы бар.

Сергіту сәті.

Жоғары қарап күн көрдім.

Төмен қарап жер көрдім,

Оңға, солға бұрылып,

Егеменді ел көрдім.

Балалар, біздің бір ғана отбасымыз бар. Ол- тәуелсіз Қазақстан. Тәуелсіздік алғаннан кейін еліміздің рәміздер дүниеге келді.

8. Қорытынды. Отан дегеніміз не? (топтастыру)

Астана

Отан

Туған жер

Орман, көл

отбасы

балабақша

ауыл

достар

• Жарайсыңдар, балалар Астана туралы, Отанымыз туралы көп тақпақ біледі екенсіңдер. Балалар, алдымызда қандай мереке келе жатыр екен?

- Балалар, елбасымыз кім екен?

- Нұрсұлтан Әбішұлы Назхарбаев.

Ертеңгілігіміз «Туған жер» әнімен аяқталады.