Коучинг жоспары

Тақырыбы: «Идеядан нәтижеге: Ғылыми жобаның құпиялары»

1. Мақсаты:

• Мұғалімдерге ғылыми жоба жұмыстарының негізгі кезеңдерін үйрету.

• Ғылыми жобаларды тиімді жоспарлау және орындау дағдыларын дамыту.

• Ғылыми шығармашылыққа қызығушылықты арттыру және оқушылармен жұмыс істеуде жаңа тәсілдерді қолдануға ықпал ету.

2. Топқа біріктіру:

• Мұғалімдерді 10-15 адамнан тұратын 3-топтарға бөлу.

• Бөлу тәсілі: әр қатысушыға сабақ беретін пәнінің бағыты бойынша алдын-ала ғалымдардың (Абай, Қаныш,Қастеев) нақыл сөздері мен суреттері таратылады. Бір кейіпкерді таңдаған, бағыты бір мұғалімдер бір топқа бірігеді.

• Қоғамдық-гуманитарлық бағыт- Абай Құнанбаев

• Жаратылыстану-математика бағыты- Қаныш Сәтбаев

• Эстетикалық-шығармашылық бағыт- Әбілхан Қастеев

3. Топтық тапсырма:

Тапсырма 1:

1. Әр топ өзіне берілген тақырыптар арасынан ғылыми жобаның тақырыбын анықтайды.

2. Жобаның негізгі зерттеу сұрағын құрастырады.

3. Жобаның мақсаттары мен міндеттерін жазады (5-7 минут).

Тапсырма 2:

1. Жобаны іске асыру үшін қажет кезеңдерді жоспарлайды (идеядан нәтижеге дейінгі қадамдар).

   • Ақпарат жинау

   • Эксперимент жүргізу (егер қажет болса)

   • Нәтижелерді талдау

   • Қорытынды жазу

2. Топ мүшелері өздерінің рөлдерін анықтайды (жетекші, аналитик, дизайнер т.б.).
   (10 минут)

Тапсырма 3:

• Әр топ өз жобаларын слайд арқылы 2-3 минутта қорғайды (жобаның тақырыбы, мақсаты, кезеңдері).

• Қалған топтар ұсыныстар мен пікірлер береді.

4. Қорытынды:

• Тренерлер барлық топтың жұмыстарын талқылай отырып, жобаның сәтті болуы үшін қандай критерийлерді ескеру керектігін атап өтеді:

  • Жобаның өзектілігі

  • Зерттеу сұрағының нақтылығы

  • Нәтижеге бағытталған жоспардың болуы

  • Практикалық құндылығы

5. Кері байланыс:

• Коучинг соңында қатысушыларға рефлексия парағын тарату:

  • Маған бүгінгі коучингте ең пайдалы болғаны...

  • Мен үшін қиындық тудырған нәрсе...

  • Мен болашақта өз жұмысымда қолданғым келетін тәсілдер...

• Қатысушылар өз ойларын ауызша да айтып, жазбаша да қалдыра алады.

Ұсыныс: коучингтің соңында мұғалімдерге ғылыми жобаларға арналған әдістемелік нұсқаулық немесе шаблон ұсыну.