Махамбет Өтемісов атындағы Батыс Қазақстан университеті

Филология факультеті

«Шет тілдері мен әдебиеті мұғалімдерін дайындау» БББ

6В01705 «Шетел тілі: екі шетел тілі»

Портфолио

Пәні: Оқыту мен критериалды бағалаудағы жаңа тәсілдер

Тақырыбы: «Критериалды бағалаудың оқушы мотивациясына әсері»

Орындаған: Габдуллиева Н.А. ИЯ-45

Тексерген: Турганалиева Г.Г.

Орал, 2025ж

С тудент өзі туралы

Аты жөні: Габдуллиева Назерке Арманқызы

Туған айы, күні, жылы: 28 маусым 2005 жыл

Туған жері: БҚО, Шыңғырлау ауданы, Шыңғырлау ауылы

Орта білімі: Орта білім:«Шыңғырлау орта жалпы білім беретін мектебі» коммуналдық мектеп мекемесі

Білім ордасы: М.Өтемісов атындағы Батыс Қазақстан университеті

Факультеті: Филология

Мамандығы: Шет тілі:екі шет тілі мұғалімі

Курс: 4

Тобы: ИЯ-45

Мақсаты: Критериалды бағалау жүйесінің оқушылар мотивациясына әсерін анықтау, оның оқу үдерісіндегі тиімділігін көрсету сонымен қоса білім алушылардың оқу белсенділігін арттырудағы рөлін талдау және сараптау.

Өмірлік ұстанымы: «Education is the key to success.»

«Білім -табыстың кілті.»

Менің өмірлік ұстанымым – білім алу арқылы жетістікке жету. Себебі білім – болашаққа апарар жарық жол. Адам тек үздіксіз оқып, өзін дамытқанда ғана армандарына қол жеткізе алады. Білім маған сенімділік, жаңа мүмкіндіктер және дұрыс шешім қабылдауға жол ашады. Сол себепті мен әрқашан жаңа нәрсені үйренуге ұмтыламын.

Менің ойымша, әр адам үшін ең құнды нәрсе – ол білім. Себебі білім адамды еркін, саналы әрі табысты етеді. Білімнің арқасында адам өз армандарын жүзеге асырып, қоғамға пайдалы тұлға бола алады. Сондықтан мен үнемі үйренуге, даму жолында алға ұмтылуға тырысамын.

Жоспары:

• Критериалды бағалауға шолу

• Критериалды бағалаудың тарихы мен маңызы

• Негізгі идеялары мен мақсаты

• Күтілетін нәтижелер мен жұмыс жоспары

• Критериалды бағалауды зерттеуге арналған ұсынылатын іс-әрекеттер және жеке пікір

• Глоссарий

• Қолданылған оқу материалдары

Студенттің жеке жұмыстары:

• Эссе

• Шығармашылық жұмыстар (әлеуметтік желілер бойынша)

• Коуч жоспары

• Сауалнама

• 4 дағды бойынша тапсырмалар

• Студент жетістіктері

• Рефлексиялық эссе (1000сөз)

Критериалды бағалауға шолу

Критериалды бағалау – бұл оқушының білімін алдын ала белгіленген критерийлер бойынша бағалайтын жүйе. Бұл тәсіл дәстүрлі бағалаудан ерекшеленеді, себебі ол тек ұпай немесе баға қоюға емес, оқушының нақты жетістіктерін көрсетуге және оның оқу процесіндегі белсенділігін арттыруға бағытталған. Критериалды бағалау оқушыға өзінің күшін түсінуге, жетістіктерін бағалауға және өзін-өзі дамытуға мүмкіндік береді.

Осы әдістің басты ерекшелігі – бағалау процесі ашық және түсінікті болуында. Әр оқушы қандай критерий бойынша бағаланатынын біледі, бұл оның мотивациясын арттырады және оқу мақсаттарына жетуге ынталандырады. Критериалды бағалау мұғалімге де тиімді, себебі ол әр оқушының білім деңгейін нақты көріп, жеке тәсіл қолдануға мүмкіндік береді.

Шолу барысында әдістің педагогикалық артықшылықтары мен кемшіліктері қарастырылады. Артықшылықтары ретінде оқушы мотивациясын арттыру, сабаққа белсенді қатысу, өзін-өзі бағалау дағдыларын дамыту және білім сапасын жақсарту саналады. Кемшіліктері ретінде мұғалімге көп уақыт қажет болуы, критерийлерді дұрыс белгілеу қажеттігі және бағалау процесінің күрделілігі айтылуы мүмкін.

Қазіргі білім беру жүйесінде критериалды бағалау заманауи оқыту әдістерімен үйлесіп, оқушының дамуына, оқу процесіндегі белсенділігіне және мұғалім мен оқушы арасындағы өзара сенім мен қарым-қатынастың нығаюына ықпал етеді.

Критериалды бағалаудың тарихы мен маңызы

Критериалды бағалау жүйесі ХХ ғасырдың ортасынан бастап педагогикада кеңінен қолданылды. Оның дамуы әсіресе білім беру саласындағы әдістемелік жаңалықтармен байланысты. Алғашында бағалау тек оқушының алған ұпайлары мен баға дәрежесіне негізделсе, уақыт өте келе білім сапасын нақты көрсету, оқушының күшін, білімі мен дағдыларын бағалау қажеттілігі туындады. Сол кезде критериалды бағалау пайда болып, оқушының жетістіктерін алдын ала белгіленген критерийлер арқылы өлшеуге мүмкіндік берді.

Бұл әдістің педагогикалық маңызы зор. Біріншіден, ол оқу процесін ашық және әділ етеді, себебі әр оқушы қандай критерий бойынша бағаланатынын біледі. Екіншіден, критериалды бағалау оқушы мотивациясын арттырады, себебі ол тек баға үшін емес, өз жетістігін көру үшін оқуға ынталанады. Үшіншіден, мұғалімге әр оқушының оқу деңгейін нақты бағалауға, жеке әдістемелік қолдау көрсетуге және оқу процесін жетілдіруге мүмкіндік береді.

Қазіргі заманда бұл тәсіл білім сапасын арттыру, оқушының белсенділігін және өзін-өзі бағалау дағдыларын дамыту үшін маңызды құрал ретінде қолданылады. Критериалды бағалау тек білімді өлшеудің тәсілі емес, сонымен қатар оқыту мен тәрбиенің тиімділігін арттыратын әдістемелік механизм болып табылады.

Негізгі идеялары мен мақсаты

Негізгі идеялары:

• Оқушының білімін, дағдыларын және жетістіктерін алдын ала белгіленген критерийлер бойынша әділ бағалау.

• Оқу процесін ашық етіп, әр оқушыға өз оқу деңгейін түсінуге мүмкіндік беру.

• Оқушы мотивациясын арттыру және өзін-өзі бағалау дағдыларын дамыту.

Мақсаты:

• Оқушының өз жетістіктерін нақты көруін қамтамасыз ету.

• Мұғалімге оқу нәтижелерін объективті бағалап, қажетті түзетулер енгізу.

• Оқу процесін жоспарлау және жетілдіруде тиімді әдістемелік құрал ретінде қолдану.

Күтілетін нәтижелер мен жұмыс жоспары

Күтілетін нәтижелер:

• Оқушылардың өзін-өзі бағалау дағдылары қалыптасады.

• Сабаққа белсенді қатысу деңгейі артады, мотивациясы күшейеді.

• Мұғалім мен оқушы арасындағы кері байланыс жақсарып, оқу процесі тиімдірек болады.

• Бағалау әдістерінің ашықтығы мен әділдігі оқушының сенімін арттырады.

Жұмыс жоспары:

1. Жоспарлау: Критериалды бағалау критерийлерін анықтау және сабақ жоспарын әзірлеу.

2. Сабақты өткізу: Критериалды бағалау принциптері бойынша оқушылардың белсенділігін бақылау.

3. Бағалау: Оқушылардың жетістіктерін белгіленген критерийлер бойынша бағалау.

4. Талдау: Бағалау нәтижелерін саралап, оқушылардың күшті және әлсіз тұстарын анықтау.

5. Жетілдіру: Талдау нәтижесіне сәйкес сабақ әдістерін және бағалау критерийлерін жетілдіру.

Критериалды бағалауды зерттеуге арналған ұсынылатын іс-әрекеттер және жеке пікір

Ұсынылатын іс-әрекеттер:

• Оқушыларға критерийлер бойынша өзін-өзі бағалау тапсырмаларын беру.

• Тестілер, эсселер, практикалық жұмыстар арқылы оқушылардың білімін өлшеу.

• Топтық және жеке кері байланыс ұйымдастыру, пікірталас жүргізу.

• Оқушылардың мотивациясын арттыру үшін жетістіктерін көрнекі түрде көрсету.

• Сабақ соңында қысқаша рефлексия жүргізу: оқушы өз жетістіктері мен қиындықтарын бағалайды.

Жеке пікір:

Менің ойымша, критериалды бағалау тек бағалау бұл оқушылардың білімін әділ әрі тақты бағалаудың тиімді тәсілі. Бұл әдіс оқушыға өз күшін түсінуге, оқу процесінде өзін жауапкершілікпен сезінуге мүмкіндік береді. Сонымен қатар,критериалды бағалау арқылы оқушы өз жетістігін түсініп,қай бағытта даму керек екенін біле алады. Бұл жүйе оқыту мен бағалауды бір-бірімен тығыз байланыстырады және оқушыны алға жетелейді.

Глоссарий

1. Критериалды бағалау – оқушының білімін алдын ала белгіленген критерийлер бойынша өлшеу жүйесі.

2. Мотивация – оқушының оқу процесіне деген ішкі ынтасы мен әрекетке бейімділігі.

3. Өзін-өзі бағалау – оқушының өз білімін, дағдыларын және жетістіктерін өздігінен бағалау процесі.

4. Оқу нәтижесі – сабақтан кейін оқушының алған білім, дағды және құзыреттерінің жиынтығы.

5. Кері байланыс – мұғалім мен оқушы арасындағы ақпарат алмасу арқылы оқу процесін жетілдіру.

6. Мұғалім – білім беру процесін ұйымдастырып, оқушыларға бағыт көрсететін тұлға.

7. Оқушы – білім алушы, оқу процесінің белсенді қатысушысы.

8. Критерий – бағалауда қолданылатын нақты өлшемдер немесе талаптар.

9. Тапсырма – оқушының білімін тексеруге немесе дағдыларын дамытуға арналған оқу элементі.

10. Прогресс – оқушының уақыт өткен сайын білім мен дағдылардағы жетістігі.

Кілт сөздер:

Критериалды бағалау, мотивация, өзін-өзі бағалау, оқу нәтижесі, кері байланыс, мұғалім, оқушы, критерий, тапсырма, прогресс.

Қолданылған оқу материалдары:

1. Black, P., & Wiliam, D. Assessment and Classroom Learning. – London, 1998;

2. Критериалды бағалау жөніндегі педагогикалық нұсқаулықтар;

3. Wikipedia: Criterion-referenced assessment;

4. Заманауи білім беру әдістемелері мен зерттеулері.

Студенттің жеке жұмыстары

Эссе «Критериалды бағалау: оқушы мотивациясын арттырудағы рөлі»

Шығармашылық жұмыстар бойынша Facebook әлеуметтік желісіне

«Критериалды бағалау – оқушы мотивациясының кілті» тақырыбына жарияланған мақала:

КОУЧ ЖОСПАРЫ:

Коучингтің мақсаты: Мұғалімдерге критериалды бағалаудың мәнін түсіндіру, оны сабақта тиімді қолдану арқылы оқушылардың мотивациясын арттыру жолдарын үйрету.

Кіріспе кезеңі (20-30 минут)

• Қатысушыларды сәлемдестіру және таныстыру.

• Критериалды бағалаудың анықтамасы мен маңызын түсіндіру.

• Мотивация және бағалау арасындағы байланысты көрсету.

• Сұрақтар мен пікірлер: қатысушылар өз тәжірибесін бөліседі.

Іс-әрекеттер:

Сәлемдесу және танысу: Коучингке қатысушылармен танысу, олардың бағалау әдістері туралы түсінігін және сабақ барысында оқушылардың мотивациясын арттыру тәжірибесін анықтау.

Тақырыптың маңыздылығы: Критериалды бағалауға қысқаша шолу жасап, оның оқушы мотивациясын арттырудағы және оқу процесіндегі рөлін түсіндіру.

Сұрақтар мен пікірлер: Қатысушыларға «Критериалды бағалау оқушы мотивациясын қалай күшейтеді?» деген сұрақ қойылып, олардың ойлары тыңдалады, тәжірибелерімен бөлісуге мүмкіндік беріледі.

Презентация: Критериалды бағалаудың негізгі принциптері, критерийлерді белгілеу, өзін-өзі бағалау және мотивацияны арттыру жолдары.

Көрнекіліктер: Маркерлер, стикерлер, постерлер.

Интерактивті тапсырма: Quizizz ойыны (критериалды бағалау, мотивация, өзін-өзі бағалау, кері байланыс бойынша қысқа сұрақтар).

Кері байланыс: Стикерлер арқылы кері байланыс (Қызыл / Жасыл стикерлер)

Құрал: Түрлі түсті стикерлер (сары, жасыл немесе басқа түстер)

Әдіс:

Сары стикер: бағалауда түсініксіз немесе қиын тұстарды белгілеу;

Жасыл стикер: пайдалы, қызықты немесе сабақта қолдануға болатын ойларды көрсету.

Қатысушылар стикерлерді тақтаға немесе постерге жапсырып, бірлескен талқылау жүргізеді.

Күтілетін нәтижелер:

Күтілетін нәтиже:

• Мұғалім критериалды бағалауды дұрыс қолдануды меңгереді.

• Сабақ барысында оқушылардың мотивациясы артып, оқу процесіне белсенді қатысу деңгейі жоғарылайды.

• Оқушылар өз білімін және дағдыларын алдын ала белгіленген критерийлер бойынша бағалай алады.

• Топтық талқылау арқылы мұғалім мен оқушы арасында кері байланыс жақсарып, сабақ әдістерін жетілдіруге жол ашылады.

Сауалнама Google Формасында жасалды https://docs.google.com/forms/d_/e/1FAIpQLSfnVyt4P0CmEGVpdAPhjkxDhSL__PJVa5m7qKGUc9M_Z5jpWw/view.form?usp=dialog

Сауалнаманың мақсаты: Сауалнама арқылы оқушылардың критериалды бағалау жүйесіне деген көзқарасын, сабаққа қатысу белсенділігін және мотивация деңгейін анықтау. Сонымен қатар, бұл ақпарат мұғалімге бағалау әдістерінің тиімділігін талдауға және оқыту процесін жетілдіруге мүмкіндік береді.

Сауалнама ИЯ-45 тобының студенттерінен алынды, сауалнамада 8 сұрақ

Студенттердің өткендері жөніндегі кері байланыстары

4 ДАҒДЫ БОЙЫНША ТАПСЫРМАЛАР

Topic: Zhusipbek Aimauytov and Psychology

1. Listening (Тыңдалым)

Task:
Listen to a short lecture or explanation about criterion-referenced assessment and its impact on student motivation. Take notes on at least three ways that this type of assessment helps students stay motivated and engaged in learning.

Follow-up: Share your notes with a partner and discuss which point you think is the most important and why.

2. Reading (Оқыту)

Task:
Read an article or excerpt about criterion-referenced assessment and student motivation. Summarize the main points in your own words in 5–6 sentences.

Follow-up: Identify one new idea from the reading that you can apply in your own learning or teaching practice.

3. Writing (Жазу)

Task:
Write a short reflection (around 100–120 words) about your personal experience with assessment in the classroom. Explain how clear criteria and feedback could improve your motivation and learning outcomes. Include examples if possible.

4. Speaking (Сөйлеу)

Task:
Discuss in pairs or small groups:

• How does criterion-referenced assessment influence student motivation?

• What challenges might students face when using this type of assessment?

• Share one suggestion on how teachers can make assessments more motivating.

Follow-up: Each group presents one key idea to the class.

ЖЕТІСТІКТЕР:

*Менің ойымша*, әр адам үшін ең құнды нәрсе – ол білім. Себебі білім адамды еркін, саналы әрі табысты етеді. Білімнің арқасында адам өз армандарын жүзеге асырып, қоғамға пайдалы тұлға бола алады. Сондықтан мен үнемі үйренуге, даму жолында алға ұмтылуға тырысамын. *Менің ойымша*, әр адам үшін ең құнды нәрсе – ол білім. Себебі білім адамды еркін, саналы әрі табысты етеді. Білімнің арқасында адам өз армандарын жүзеге асырып, қоғамға пайдалы тұлға бола алады. Сондықтан мен үнемі үйренуге, даму жолында биік жетістектерге ұмтыламын.

Рефлексиялық эссе

Критериалды бағалау – жалпы білім беру процесіндегі ең маңызды әдістердің бірі. Ол тек оқушының білім деңгейін анықтау үшін емес, оның оқу мотивациясын арттыруға, өзін-өзі бағалау дағдыларын қалыптастыруға және сабаққа белсенді қатысуға ықпал етеді. Критериалды бағалаудың мәні оқушыға нақты, әділ және түсінікті кері байланыс беруден тұрады, бұл оның өзін-өзі дамытуына, оқу процесінде жауапкершілік алуға мүмкіндік жасайды. Мен өз тәжірибемде осы әдісті қолдану арқылы оқушылардың белсенділігі мен мотивациясын арттыруға болатынына сенемін. Эсседе мен критериалды бағалаудың теориялық негіздерін талдай отырып, оның оқушылар мен мұғалімге әсерін өз тәжірибеммен байланыстыра отырып көрсетемін.

Критериалды бағалау дәстүрлі бағалау жүйесінен негізгі айырмашылығы бар. Дәстүрлі бағалау көбіне ұпай немесе баға қоюға негізделсе, критериалды бағалау әр оқушының нақты жетістіктерін өлшейді. Бұл әдіс ашық және әділ бағалау жүйесін қалыптастырады. Оқушы өзіне қойылған критерийді біліп, өз жетістіктерін анық көре алады, бұл оның мотивациясын арттырады. Сонымен қатар, мұғалім әр оқушының деңгейін нақты көріп, кері байланыс беріп, қажет болған жағдайда жеке бағытта жұмыс жасауға мүмкіндік алады.

Мен өз тәжірибемде байқағаным, оқушы өз күшін түсінген сайын сабаққа деген қызығушылығы артады. Критериалды бағалау арқылы сабақ тек баға үшін оқитын орын емес, керісінше, белсенді оқу процесіне айналады. Бұл тәсіл оқушыны өз оқу жолының иесі ретінде сезінуге үйретеді. Критериалды бағалау мұғалім мен оқушы арасындағы байланысты нығайтады. Мұғалім нақты критерий арқылы кері байланыс береді, ал оқушы өз прогресін көріп, өз жетістігін бағалай алады. Бұл екі жаққа да сабаққа деген қызығушылықты арттырады.

Біріншіден, мұғалім оқушының күшті және әлсіз тұстарын анықтай алады. Екіншіден, оқушы өз білімін бағалауға қатысады, бұл өз кезегінде оның мотивациясын күшейтеді. Үшіншіден, сабақтағы кері байланыс тиімді болса, оқушы өз қателіктерін түсініп, оларды түзетуге тырысады.

Менің тәжірибемде, критериалды бағалауды қолданған кезде оқушылар сабаққа белсенді қатыса бастады. Олар өздерінің неге баға алғанын түсінеді, бұл олардың жауапкершілігін арттырады. Мұғалім де өз әдіс-тәсілдерін жетілдіруге мүмкіндік алады. Критериалды бағалаудың негізгі артықшылықтарының бірі – оқушы мотивациясын арттыру. Өзін-өзі бағалау дағдылары дамыған кезде оқушы өз күшін, қабілетін және жетістіктерін түсіне бастайды. Бұл оқушыға тек бағаланушы емес, белсенді қатысушы ретінде әрекет етуге мүмкіндік береді. Менің тәжірибемде, өз жетістігін көрген оқушы сабаққа белсенді қатысады, жаңа тапсырмаларға қызығушылықпен кіріседі. Сонымен қатар, өз деңгейін бағалау арқылы оқушы қай тұстарын жақсарту керегін біледі. Мұғалім үшін бұл сабақты тиімді жоспарлауға, әр оқушыға жеке көмек көрсетуге мүмкіндік береді. Мен сабақтарымда критериалды бағалауды қолданғанымда, оқушыларға нақты критерийлер көрсетемін. Мысалы, эссе жазғанда, әр критерий бойынша (мазмұн, грамматика, логика, қорытынды) бағалау жүргізіледі. Оқушы қай бөлімде жетістігі барын және қай бөлікті жақсарту керегін көреді. Тағы бір мысал, топтық жобаларда критерийлерді алдын ала түсіндіру арқылы әр топ өз жұмысының сапасын бақылап, жетілдіреді. Нәтижесінде, оқушылар өздерінің белсенділігін сезінеді және бір-біріне қолдау көрсетеді. Әрине, кейбір қиындықтар да баржәне болады да. Критериалды бағалау көп уақыт алады, мұғалімге әр оқушыға жеке кері байланыс беру қажет. Кейде оқушы критерийді дұрыс түсінбеуі мүмкін, бұл мотивацияға кері әсер етуі мүмкін. Сол себепті, мұғалім алдын ала критерийлерді түсіндіруі, сабақта мотивацияны арттыру үшін нақты мысалдар көрсетуі керек. Менің ойымша, қиындықтарға қарамастан, критериалды бағалау әдісін дұрыс қолдану оқушы мотивациясын арттыруда тиімді құрал болып табылады.

Критериалды бағалау оқушының жеке дамуына үлкен әсер етеді. Әр критерий бойынша баға беру оқушыға өзінің күшті және әлсіз тұстарын анық көруге мүмкіндік береді. Бұл тәсіл оқушының өзін-өзі талдау дағдыларын дамытып, өз мақсаттарын нақты қоюға көмектеседі. Өз жетістіктерін көрген оқушы мотивацияланып, жаңа тапсырмаларға қызығушылықпен кіріседі. Критериалды бағалау топтық жобаларда да тиімді. Оқушылар алдын ала белгіленген критерийлер бойынша өз топтарының жұмысын бағалайды, бір-біріне кері байланыс береді. Бұл сабақта ынтымақтастықты дамытады және сыныптағы жалпы мотивацияны арттырады. Сонымен қатар, мұғалім топтық жұмыстың сапасын нақты көріп, қосымша қолдау көрсетуге мүмкіндік алады.

Бұл әдіс мұғалімге сабақты жоспарлау және жетілдіруде тиімді құрал болып табылады. Критериалды бағалау нәтижелері бойынша мұғалім әр оқушыға жеке тәсіл қолдана алады, сабақтағы қиындықтарды анықтап, оларды түзету жолдарын қарастырады. Сонымен қатар, мұғалім сабақтағы әдіс-тәсілдерді өзгертіп, олардың тиімділігін арттыра алады.

Критериалды бағалау оқушының өзін-өзі бағалауға үйренуін ғана емес, сонымен қатар психологиялық тұрғыдан сенімділігін арттырады. Баға қою кезінде ашық критерийлерді қолдану оқушыға әділдік сезімін береді, ол өз күшіне сеніп, сабаққа белсенді қатысады. Бұл әсіресе төмен мотивациясы бар оқушылар үшін маңызды, себебі олар өз жетістіктерін көріп, оқу процесіне деген қызығушылықтарын жоғалтпайды.

Менің ойымша, критериалды бағалау әдісін қолдану арқылы біз оқушыларды тек бағаланатын тұлға ретінде емес, өз оқу процесінің белсенді қатысушысы ретінде тәрбиелей аламыз. Әр сабақ – бұл оқушы үшін өзін-өзі жетілдіру мүмкіндігі, ал мұғалім үшін – сабақ әдістерін жетілдіру алаңы. Критериалды бағалау сабақтарды тиімдірек етіп қана қоймай, оқушы мотивациясын арттырып, ұзақ мерзімді білім сапасын жақсартуға мүмкіндік береді.

Критериалды бағалау оқушы мотивациясын арттыруда, өзін-өзі бағалау дағдыларын қалыптастыруда және сабаққа белсенді қатысуын ынталандыруда маңызды рөл атқарады. Менің тәжірибем көрсеткендей, бұл әдіс тек бағалау үшін емес, оқушылардың оқу процесіне қатысуын белсенді етуге, олардың өз күшін түсінуіне мүмкіндік береді.

Цитата: “Assessment is for learning, not just of learning.” – Black & Wiliam.
Бұл сөздер бағалаудың тек оқушыны бағалау үшін емес, оның оқу процесінде белсенді қатысуын, өзін-өзі жетілдіруін қамтамасыз ету үшін қолданылуы керегін білдіреді. Менің ойымша, критериалды бағалау арқылы біз тек баға қоюдан гөрі, оқушыны белсенді, саналы және өз білімін бақылауда ұстайтын тұлға ретінде тәрбиелей аламыз.

Мен өз тәжірибемде осы әдісті қолдануды жоспарлап отырмын, себебі ол оқушылар мен мұғалім арасындағы байланысты нығайтып, сабақ сапасын арттыруға мүмкіндік береді. Оқушылар өз жетістіктерін көріп, мотивацияланып, белсенді қатысады, ал мұғалім сабақтарды жетілдіріп, әдіс-тәсілдерді тиімді қолдана алады. Критериалды бағалау – бұл тек бағалау әдісі ғана емес, сонымен қатар оқу процесін дамытудың және оқушы мотивациясын арттырудың маңызды құралы.