Ана тілі 2-сынып

Сабақтың тақырыбы: Күләш Ахметова. « Астана»

Сабақтың білімділігі: Оқушыларға ақын Күләш Ахметованың өмірі, шығармашылығы туралы айта отырып, туған жерді сүю, қадірлеу екендігін ұғындыра отырып, оқушылардың өз Отанына деген мақтаныш сезімдерін туғызу, білім алуға талаптандыру .

Сабақтың дамытушылығы: Мәнерлеп оқу дағдысын қалыптастыру,тақырып бойынша оқушылардың сөздік қорын молайту.

Сабақтың тәрбиелігі: Болашағымызды жалғастырушы ұрпақтардың бойында Отансүйгіштік сезімдерін молайту, табиғат әсемдігін таныта және оны қорғай білуге тәрбиелеу.

Сабақтың әдісі: түсіндіру, көрнекілік, талдау, жинақтау, ой қозғау, мағынасын ашу.

Сабақтың түрі: танымдық сабақ.

Кіріктіру:дүниетану,математика, қазақ тілі, география.

Көрнекілігі: автордың суреті, слайдтар, карта, сюжетті суреттер, ребустар,.

Сабақтың барысы:

1. Ұйымдастыру кезеңі:

Оқушы қызығушылығын ояту

— Олай болса, балалар бүгінгі сабағымызды бастаймыз.

2.Үй тапсырмасын тексеру.

а) «Ой қозғау»

-«Кімнің мекені жақсы?» мәтінінің авторы кім?
-С.Жүнісов кім ?
- Мәтін неше бөлімнен тұрады?

-Мәтіннен көкейіңе не түйдің?

-Өз туған жерің саған несімен ұнайды?

-Сонымен, бізге таныс үш кейіпкер жақсы мекен,жайлы қоныс тапты ма?

ә) Мәтіндегі кейіпкерлер туралы әңгімелеңдер.

и леуі еңбекқор жаңбырда көп болады қосмекенді

терісі шырыш шыбын- шіркей дән қиқымдарды

жинайды көл

шөп ін

жауы мысық бидай

б) Осы мәтіннің құрылымына құралған сахналық көріністі көрсету.

3. Жаңа сабақ.

1) Сұрақ-жауап

-Жақсы балалар үй жұмысына жақсы дайындалып келген екенсіңдер,«Кімнің мекені жақсы?» мәтінінде айтылып отырған негізгі ой не?(туған жер,туған ел)
-Ендеше біздің туған жеріміз,туған еліміз қалай аталады?(Қазақстан)
-Ал Қазақстан туралы не білеміз? Қазақстан қандай ел?(тәуелсіз,егеменді ел)
-Дұрыс айтасыңдар, Еліміз егемендігін қашан алды? (1991 жылы 16 желтоқсан)
- Қазақстан Республикасының Президенті кім?(Н.Ә.Назарбаев)
-Жақында қандай мереке келе жатыр?(1желтоқсан-алғашқы президент күні)
- ҚР рәміздері қай жылы қабылданды?(1992 жылы 4 маусымда қабылданды.)

- Рәміздерге не жатады? (Ту, Елтаңба, Әнұран.)

- Қазақ елінің Ата - Заңы қай жылы қабылданды? (1993 жылы 28 қаңтарда қабылданды. Одан кейін 1995 жылы 30 тамызда өзгертулер мен толықтырулар еңгізіліп қайта қабылданды.)

2) Ребустарды шешу.

-Ребустардың шешуіндегі екі қала туралы не білесің?

3) Картамен жұмыс

4) Астанаға саяхат

«Бәйтерек» монументі.
Монумент ұзын темірлі құрылымдардан, ең шыңында шишадан түзілген керемет үлкен шардан тұрады. Құрылым биіктігі 105 метр, салмағы 1000 тоннадан асады. Заманауи қаланың көркем бейнесін ашып отырған көрініс кешені 97 метрді құрайды. Ол ел ордасы Алматыдан Астанаға 1997 жылы ауысты дегенді білдіреді.

«Хан шатыры»
Астанадағы «Хан шатыры» - Елбасының идеясы бойынша ағылшын сәулетшісі Норман Фостердің сызған жобасы. Кешеннің төбесінде үлкен антенна бар. Бұл антенна - сәукеленің үкі тағатын жері, эстетикалық жағынан сымбаттылық береді. Бұл-100 метрлік ғимараты «Sembol» деген түрік фирмасы салған.

«Тәуелсіздік Сарайы»
Тәуелсіздік Сарайы 3 қабаттан тұрады. Бірінші қабатта ескі мен жаңаның үйлесімділігі бойынша жасалған бірнеше зал бар. Мәселен, 3082 адамға арналған Конгресс-залы, 268 орындық Рәсімдеу залы, 220 орындық Баспасөз орталығы мен 678 адамға арналған сахна мен мейрамхана орналасқан. Екінші қабат қолөнер және этнография, археология және антропология галереясына арналған. Оның ішіндегі археология залында Алтын адам, Сармат батыр, Барел аттары, құпия жазулары бар тастар сияқты сирек кездесетін ежелгі жәдігерлермен таныс боласыз. Үшінші қабатта Астана қаласы тарихының мұражайы орналасқан. «Астана-2030» макет залы елорданың 2030 жылға дейінгі даму көріністерін көресіздер.

4. Топқа бөлу

1-топ «Бәйтерек»

2-топ «Хан шатыры»

3-топ «Тәуелсіздік сарайы»

3) Шығармашылық жұмыс.

1-топ

–Астана бұрын қалай аталды?

1. Астананың бұрынғы атауы. «Қараөткел» деп аталған.
2. Бөгенбай батыр соғыстан жаралы болып осы өткел арқылы еліне өткен екен.
3. Сондықтан Есіл өзеніндегі бұл өткел Қараөткел деп аталған.

4. Ертеде Нияз деген Абылай ханның батыры осы Қараөткелге жерленіпті.
Зираты ақ тастан қаланған екен. Сондықтан бұл жер Ақмола атанған.
5.1961 жылы тың игерушілер қаланы Целиноград деп атаған.
6.Қазақстан егеменді мемлекет болғаннан кейін бұрынғы атауымен
Ақмола деп аталған.

7.1997 жылы 10 желтоқсанда Ақмола Астана деп жарияланды.

2-топ

-Астанада қандай атақты адамдар дүниеге келген?

1. Астанада ақын Сәкен Сейфуллин, Палуан Қажымұқан, ұшқыш Талғат Бигелдинов туған.

3-топ

-Жаңа бас қала туралы не білеміз?

1.Астана Қазақстанның солтүстігінде, Есіл өзенінің бойына орналасқан.

2. Еліміздің орта тұсында тұр .Көп ұлтты өңір. Тоғыз жолдың торабында тұр.
3. 1998 жылы 6 мамырда Елбасының жарлығымен Қазақстан Республикасының астанасы Астана қаласы болып аталды және Елорданың атауы Астана болып өзгертілді. 1998 жылы 10 шілде де Қазақстанның жаңа Елордасы – Астананың тұсауы кесілді.
4. Астана болған 13 жылда 647 тұрғын үй кешені, 87әкімшілік ғимарат, 30-дан аса денсаулық сақтау нысаны салынды. 37 мектеп пен балабақша, 18 мәдениет ошағы, 24 спорт сарайы пайдалануға берілді. 51 өндірістік кешен тұрғызылып, 20 саябақ ел игілігіне жарауда. 20-дан астам көпір іске қосылған.

5. Мағынаны тану

Күләш Ахметованың өміріне тоқталу.

Күләш Ахметова (25.4.1946 жылы туылған, Қырғызстан, Талас ауданы Киров ауылы) — ақын. Жамбыл медициналық училищесін, Қазақ мемлекеттік университетін бітірген (1973). “Қазақстан пионері” газетінде, “Жалын” баспасында бөлім меңгерушісі,редактор болып қызмет істеді. Алғашқы өлеңдері училищеде оқып жүрген кезінде жариялана бастады. Азаматтық үнінің айқындығымен, нәзік сыршылдығымен ерекшеленетін Ахметова шығармалары туған елді сүю, адалдық, достық, махаббат сезімдерін арқау етеді. Замандастың көңіл-күйі, жан әлеміндегі құбылыстар, әйел тағдыры — ақынның лирикалық толғаныстарының арқауын құрайды.

6. Оқулықпен жұмыс

А) Осы екі қаланың аттары қатар аталатын белгілі ақын Күләш Ахметованың «Астана»өлеңін оқу.

Ә) Өлеңді мәнерлеп оқып, мағынасын ашу.

1-топ (1-ші шумақ)

Бұл жерде ақын ауыз бірлікке,бейбітшілікке,егеменді ел болуға Отаныңды,еліңді қорғауға шақырып тұр.

2-топ (2-ші шумақ)

Алматы бас қала болған кезде де біз біраз жетістіктерге жеткенбіз.Ең бастысы тәуелсіздікке қол жеткізгенбіз.
3-топ (3-шумақ)

Ақын өлеңдегі Алматы мен Астана сөздерін адамның көз жанарына теңеген,себебі Алматы мен Астана да Қазақстан Республикасының құтты мекені десек те артық айтқандық болмас.Алматы бұрыңғы тарихы бар астана болса,Астана қазіргі бас қала.

7. Сиқырлы сандықша. Дәптермен жұмыс.

Саф – таза ауа.

Өзек – адамның мүшесі.

Ұлылық – үлкендік.

Түп қазық – берік орныққан.

8. Постер қорғау

Өлеңдегі ақын ойын сызбаға сүйеніп түсіндір.

1-топ 2-топ 3-топ

9. Вен диаграммасы

Алматы Ұқсастығы Астана

Алғашқы бас қала Мәдени орталығы Тәуелсіздік монументі

Медеу мұзайдыны монумент «Бәйтерек» монументі бар.
Алатау тауы Зәулім үйлер Бас қала

Апорт алмасы өзені бар Есіл өзені
«Тәуелсіздік монументі»

10. «Күн шұғыласы » ойыны.

А стана деген сөзді айтқанда көз алдыңа нені елестетесіңдер?

Астана

11.Сабақты қорытуды сатылай комплексті талдау технологиясы бойынша жүргізу.

« Астана» өлеңі.

Анықтамасы:

Астана – бас қала.

Мекен – жайы:

Солтүстік Қазақстан, Есіл өзенінің бойында.

Қашан құрылды:

1998 жылы 6 мамырда Елбасының жарлығымен Қазақстан

Республикасының астанасы Астана қаласы болып аталды және Елорданың

атауы Астана болып өзгертілді. 1998 жылы 10 шілде де Қазақстанның жаңа

Елордасы – Астананың тұсауы кесілді.
Жер көлемі:

Астана — Қазақстан Республикасының елордасы. Астанада 808 429 адам

тұрады. Қазір қаланың аумағы 200 км² алып жатыр.

Қорытынды пікір:
-Тәуелсіздігіміздің тірегі, еліміздің жүрегі-Астанамыз асқақтай берсін!

«Астана – халқымыз үшін тәуелсіздік пен өсіп-өркендеудің алтын тұғыры.

Президенттің перзентіндей болған Астанаға Елбасының идеялық еңбегі ғана

сіңген жоқ, қаланы жасыл желекке көмкерген бас бағбаны да, ажарын сәнді

еткен бас сәулетшісі де Мемлекет басшысы болды. Сондықтан да Елбасы

мен ел орда – егіз ұғым. Уақыттан оза шапқан бүгінгі Астана - тұтас еліміздің

ертеңге деген үкілі үміті мен сенімінің көрінісі, арманы мен тілегінің кепілі».

12.Үйге тапсырма.

«Астана »өлеңін мәнерлеп оқу.

1-топ. Күләш Ахметова өмірі туралы мәнжазба жазу.

2-топ. Астана туралы ұнаған сурет салу.

3-топ. Ақынға ілесіп суреттен алған сезімді өлеңмен жеткізіп көру.

13. Оқушыларды бағалау.

БАҒАЛАУ ПАРАҒЫ

__________________________________________

Топтың аты

__________________________________________

Топ басшысының аты–жөні