Күн тәртібі, таңғы жаттығу және серігу

Тақырыбы: Күн тәртібі, таңғы жаттығу және сергу

Мектеп:№

Уақыты:

Мұғалімнің аты – жөні:

Сынып:

Қатысқандар саны:

Қатыспағандар:

Осы сабақты меңгеруге көмектесетін оқу мақсаттары

1.3.2.2. жаттығуларды орындау кезінде денені ширатып шынықтырудың маңызын сипаттау.

Сабақтың мақсаты

Барлық оқушылар орындай алады:

Қолдарға арналған тапсырмамен жүру,жүрелей отырып және жартылай отырып жүру, көзді жұмып жүру.

Ұжым болып зал ішінде қауіпсіз жұмыс істеу.

Педагогтің нұсқауы бойынша шеңберді сапты қайта құру.

«Ми гимнастикасы» элементтерін орындау.

Оқушылардың көпшілігі орындай алады:

Өз іс-қимылын команданың басқа мүшелерінің іс-қимылымен үйлестіру.

Басына дорба қойып, бөрене үстімен жүру.

Тура бағытта оң немесе сол аяқ күмбезінің ішкі жағымен доп жүргізу.

Кейбір оқушылар орындай алады:

Бөрене үстімен жүрген кезде тепе – теңдікті сақтау.

Топта көшбасшы рөлін атқару.

Допты біркелкі және бірізді жеңіл соққылау.

Тілдік мақсаттар

Оқушылар дене әрекеті мен дене беленділігінің денсаулық үшін маңызын, жаттығу жасау кезінде жаттығулар кезектілігін түсінеді.

Кеңістік пен ресурстардың бөлінуін көрсету.

Пәндік лексика және терминология:

Қозғалыс, қозғалыс белсенділігі, аяқты айқастыра адымдап жүру, жүрелеп және жартылай отырып жүру, ширығу, босаңсыту, бөрене, футбол.

Талқылауға арналған сұрақтар:

Ойынның күн тәртібіндегі орны қандай?

Үзідісте демалу үшін қандай ойындарды қолдануға болады?

Тепе – теңдікте жаттығу жасаған кезде тәуекелдерді қалай азайтуға болады?

ЖДЖ орындаған кезде жаттығулардың қандай кезектілігі қолданылады?

Неліктен спорт ойындары алдында ширығу қажет?

Неге екенін айта аласыңдарма?

Неліктен көбірек жүру керектігін айта аласыңдар ма?

Неліктен қимыл – қозғалыс белсенділігінің денсаулықтың құрамдас бөлігінің бірі болып табылатындығын айта аласыңдар ма?

Неліктен бөрене үстінде жүрген кезде қолды жан – жаққа жазып жүру керек екендігін айта аласыңдар ма?

Неліктен оң немесе сол аяқтың ұшы жерге бағытталып , доп ойыншының алдында болуы тиіс екенін айта аласыңдарма?

Алдын – ала оқыту

Баяу қарқынмен жүгіру. Кең және қысқа адыммен жүгіру. «Лифт» тынысты қалпына келтіру. Құрсауды пайдаланып, организмге ең жоғары және ең төмен жүктемемен жаттығу жасау. Орыннан биіктікке секіру.

Жоспар:

Уақыт шеңбері

Жоспарланған іс - әрекет

Ресурстар

0-3 минут

4-6

(Ұ, С) Қозғалыс белсенділігінің адам денсаулығына әсері туралы әңгімелейді.

Біреуден сапқа тұру, әдеттегі жүріс, қолдарға арналған тапсырмамен жүру.

Жүрелеп және жартылай жүрелеп жүру.

Көз жұмып жүру – 4 м.

Жүрістің әрбір түріне сәйкес қол амплитудасын қолдануға назар аудартады.

Кең, бос кеңістік.

7 – 15

16 – 24

25 – 30

Жалпы дамыту жаттығулары. Оқушыларға машықтану кезінде пайдалануға болатын жаттығуларды өздігінен ойлап табуды ұсынады. Жаттығуларды орындау кезектілігін назар аударады.

(Т,К) Басына дорба қойып, қолдарын жан – жаққа жазып, бөрене үстімен жүру. Дене мен басты ұстау қалпына (басты төмен еңкейтсе, дорба құлап түседі) назар аудартады. Оқушылармен тапсырма орындаған кезде қателіктерді талдайды.

Қауіпсіздік ережесі: қажеттілігне қарай қолдау көрсетіп сақтандырады.

(Ұ) Футбол – тура бағытта оң немесе сол аяқ күмбезінің ішкі жағымен доп жүргізу. Доп кез – келген аяқ табанының ортасында болуы тиіс. Допты жеңіл соққылай отырып, аяқты біркелкі әрі бірізді қозғалту қажет.

Допты соққылап қозғалту үшін оң немесе сол аяқтың ұшы жерге қарай бағытталуы ал доп ойыншының алдында болуы тиіс.

«Энергетикалық есінеу» жаттығуы

Өздеріңнің есінегендерді елестетіңдер. Саусақ ұшымен бет жақтарының екі жағындағы кез – келген ширыққан жерлерді басыңдар. Ширығуды жұмсақ жоятындай терең есінеу дыбысын шығарыңдар.

Кең , таза кеңістік

Беті тегістелген бөрене. Оқушылардың жартысына арналған салмағы 100 г құм салынған дорбалар.

Футбол доптары қашықтықты белгілеуге арналған конустар.

Қосымша ақпарат

Саралау – Сіз қалай көбірек қолдау көрсетуді жоспарлайсыз? Қабілеті жоғары балалардың алдына қандай міндет қоюды көздейсіз?

Бағалау – балалардың материалды меңгеру деңгейін қалай тексеруді жоспарлайсыз?

Пәнаралық байланыс

Денсаулық пен қауіпсіздікті тексеру

АТК – мен байланыс

Құндылықтармен байланыс

Жүріс түрлерінің әрқайсысына арналған қол амплитудасын қолдану. Бөренеде жаттығу орындаған кезде қателіктерді анықтау.

Көшпелі сатымен еңбектеген кезде аяқ – қол қимылын үйлестіреді. Жүргізген кезде допты біркелкі және бірізді жеңіл соққылайды.

«Дүниетану» пәнімен байланыс.