"Күз аруы" сайыс. Балабақшаға арналған

Күз аруы

Сабақтың мақсаты: балабақшада алтын күз мерекесін атап өту. Балалардың шығармашылығын арттыру. Көпшілік алдында өз-өздерін ұстай білуге, әдептілікке үйретіп, мәдениеттілікке тәрбиелеу.

Көрнекілігі: Әдемі безендірілген зал, көрме, балалар шығармашылығы, суреттер.

Өту барысы:Күзде жауын. Бұлт тұман.

Сары жапырақтар жауады!

Сары құйын ұйытқыған

Сапырады ауаны.

Тапталады табанға

Судыр-судыр жапырақ

Өрттей сары баяуға

Малынғандай атырап.

-міне, біздің өлкемізге де «Алтын күз» келіп қалыпты. Айналаның барлығыда сары түске боялып, құстар да туған өлкелерін қимай қоштасып, адамдар мен жануарлар қызу еңбекке кіріскен. Ал, біздің балабақшада бүлдіршіндер күз мерекесін атап өтуде. Олай болса «Күз аруы» атты мерекелік байқауымызға қош келдіңіздер.

Жүргізуші: Әділ қазы береді,

Өздеріңе билікті

Өнерде кім жеңеді

Сол алады сыйлықты.

Бүгінгі сайыстың әділ бағасын беріп,сайыстың жеңімпазын анықтайтын әділ қазылар алқасымен таныс болыңыздар:

Сайысымыздың бөлімдерімен таныса отырайық:

1. Тегін білу тектілік. Таныстыру

2. Өнерлі –өрге жүзер. Өз өнерін көрсету

3. «Кім жылдам?» жеміс жинау

4. «Талаптыға нұр жауар». киім бүктеу

5. Қыздарға әсемдік жарасады. Сән үлгісі

Жүргізуші:Балғын жүзі албырап,

Қанатын жаңа қаққан

Қарсы алайық аруларды

Сайысуға дайын тұрған. Қошеметпен қыздарымызды шақырайық

1.Қанатқызы Айдана

2.Маратқызы Іңкәр

3.Шалқарқызы Айана

4.Нұрсұлтанқызы Дариға

5.Бағдатқызы Ақжүніс

6.Өркенқызы Раян

Жүргізуші: Білім, ғылым, өнерге,

Қанат қағар кездерің.

Ата салтын ертеңге ,

Жеткізетін өздерің.

Бірінші бөлім таныстыруға кезек берейік.

Айдана: Әке-шешем мақтаған,

Менің атым Айдана

Тақпағым бар жаттаған,

Осы күнге сақтаған.

Өзім жап-жас болсам да,

Таудай үлкен талабым.

Өнерімді көріңдер,

Көріп баға беріңдер.

Іңкәр:Таныстырсам өзімді

Маратқызы Іңкәрмін

Бұл сайысқа қатысып,

Талаптанып келдім мен.

Айана:Менде шықтым ортаға

Қанатымды кең жая

Алдарыңа кеп тұрған

Шалқарқызы Айана

Дариға:Ашып өмір есігін

Тербетті анам бесігін

Әдемі, ақылды қыз болдым

Дариға менің есімім

Раян:Мен боламын Өркенқызы Раян

Сайыста бүгін «Күз аруы» болайын.

Топ намысын алып шығып сайыса

Бас жұлдені ұтып бүгін алайын.

жүргізуші:Рахмет, қыздар. Енді сайысымыздың келесі бөлімі өнерге береміз

Құлақтан кіріп бойды алар ,

Әсем ән мен тәтті күй.

Көңілге түрлі ой салар ,

Әнді сүйсең, менше сүй.

Ақ көйлегім үстімде,

Би билесем «Айгөлек»

Қой демейді ешкім де,

Шаршамаймын дөңгелеп.

Қызыл гүлім-ай. Дариға, Іңкәр, Айана, Айдана

Аққу биі. Ақжүніс.

Жүргізуші:Рахмет, қыздар.

Пісіп тұрған алмамын.

Тамсандырар бал дәмім

Жерге сілкіп түсірме

Ісіп кетер маңдайың

Келесі кезең «Кім жылдам» деп аталады. Яғни алма жинау. (Жерге алмалар төгіледі. Үлкен қолқап киген қыздар алманы тереді)

Жүргізуші: Әке көрген оқ жонар,

Шеше көрген тон пішер.-демекші қыздарымыздың ептілігін байқайтын кезең «Кім епті ?» деп аталады. Киім бүктеу

Жүргізуші:Жапырақтар боянып,

Сылдырлап жерге түседі.

Қызанақтар қызарып,

Күзге қарай піседі.

Кезекті бүлдіршіндерімізге берсек.

Алихан:Күздің қазан айында

Алма, алмұрт піседі

Жапырақтар сарғайып,

Сыбдыр-сыбдыр түседі.

Нұрымжан:Қуаныштың ағайын

Қоңырауын қағайын

Қуандырып біздерді

Өлкемізге күз келді.

Мерей:Айнала сары ала

Қырманға дән тола

Жемістер пісіпті

Қоймаға түсіпті.

Санжар:Доп-домалақ сары

Ішінде бар дәні

Қызығасың көріп

Оның аты өрік.

Сергіту сәті: Ата-аналар қатысады.Таратылған алмаға сұрақтар жапсырылған. Соған сәйкес жауап береді

Сіз балаңызды еркелеткенде қандай сөздер айтасыз?

Балаңыздың ен жақын досын білесіз бе?

Балаңыздың қандай іс-әрекетіне қуанасыз?

Балаңыз шектен шығып бұзық болса, қандай шара қолданасыз?

Балаңыздың әрекетіне қуанған сәтіңіз?

Үйде балаңызға қаншалықты уақытыңызды бөлесіз?

Балаңызды қуанту үшін сіздің әрекетіңіз?

Балаңыз қандай мультфилм жақсы көреді?

Балаңыздың ұнататын тағамы?

Жүргізуші:Сайсымыздың соңғы бөлімі сән үлгісіне кезек келді.

Көйлек киіп әдемі,

Тамсандырам елімді.

Түрлі –түсті сән көйлек,

Көз тартады, не керек?

Қыздарымызды ортаға шақырамыз.(әуен ырғағымен қыздарымыз ортаға шығады)

Жүргізуші: Енді сайысымыздың жеңімпаздарын анықтау үшін сөзді әділ қазыларға береміз.

Жүргізуші:Түсті алтын жапырақ,

Ағаштардан үзіліп.

Ұшты ұзақ сапарға,

Тырналар тізіліп.

Берекесін сыйлауға

Өлкемізге күз келді

Жемістерін жинауға,

Шақырады біздерді.

Көрінеді шалғайдан

Бел-белестер сарғайған

Сары жапырақ төгілген,

Тоғайдағы көрдім мен.

Құрметті ата-аналар , ұстаздар, бүлдіршіндер көптен күткен алтын күзімізде әр отбасында байлық пен береке мол болсын. Қыздарымыздың жеңісі құтты болсын. Осыменен «Күз аруы» байқауымыз өз мәресіне жетті. Сау болыңыздар!

Сіз балаңызды еркелеткенде қандай сөздер айтасыз?

Балаңыздың ен жақын досын білесіз бе?

Балаңыздың қандай іс-әрекетіне қуанасыз?

Балаңыз шектен шығып бұзық болса, қандай шара қолданасыз?

Балаңыздың әрекетіне қуанған сәтіңіз?

Үйде балаңызға қаншалықты уақытыңызды бөлесіз?

Балаңызды қуанту үшін сіздің әрекетіңіз?

Балаңыз қандай мультфилм жақсы көреді?

Балаңыздың ұнататын тағамы?