«Шұғылалы Шуым» атты жастар арасында аудандық квест ойынының

ЕРЕЖЕСІ

Жалпы ереже

«Шұғылалы Шуым» атты жастар арасында аудандық квест ойыны (бұдан әрі – квест) Қазақстан Республикасының «Мемлекеттік жастар саясаты туралы» Заңын, жастардың интеллектуалдық деңгейін арттыру, өлкенің тарихы мен мәдениетін терең білуге тәрбиелеу мақсатында «Халықаралық студенттер күніне» орай өткізіледі.

Байқаудың ұйымдастырушысы: Шу ауданы әкімдігі ішкі саясат бөлімінің «Жастар ресурстық орталығы» КММ – сі.

І. Ойынның мақсаты мен міндеті

1. Жастар ауданның тарихын зерттейді, әртүрлі қызықты жұмбақтарды, логикалық есептерді, локацияларды анықтау және логотапсырмалардың жауаптарын шапшаң шешуге үйрету арқылы зияткерлік қабілеттерін дамыту;

2. Жастардың коммуникативтік және шығармашылық қабілеттерін шыңдау, білімін арттыру;

3. Жастар арасында қойылған міндеттерді орындау кезінде креативті ойлау қабілеттерін қалыптастыру және тәжірибе алмасу;

4. Тапсырмаларды орындауда жаңашылдық, зияткерлік, шапшаңдылық және мәдениеттілікті қалыптастыру.

ІІ. Ойынның талаптары мен шарттары

2.1 Ойынға жас шамасы 14 пен 29 жас арасындағы Қазақстан Республикасының азаматтары өтініш беру арқылы қатыса алады, оның ішінде әр өңірден ( қала, ауылдық округ ) ЖРО қызметкері, мемлекеттік қызметкер, және міндетті түрде 1 жас волонтер, 1 студент қатысады.

2.2 Ойынға команда болып қатысады, әр команда құрамы 3 адамнан болуы тиіс.

2.3 Қатысушылардың ыңғайлы спорттық киімдері болу қажет.

2.4 Әр команда өзінің логотипі мен ұрандарын пайдалануға рұқсат беріледі.

2.5 Байқауға қатысу үшін осы Ережеге қоса берілген 1 – қосымшаға сәйкес өтінім формасын толтырып, көрсетілген мерзімге дейін құжаттар ұсынылуы қажет.

2.6 Қатысушы команда жетекшісі команда құрамы, атауы туралы құжаттар топтамасын ұйымдастырушыларға ұсынуы керек.

ІІІ. Ойынның өткізілу мерзімі

2022 жылдың 11-ші қарашасына дейін zhastarortalygy06@mail.ru электронды мекенжайына толтырылған өтінім және жеке куәлік көшірмесі тапсырылуы қажет. Байланыс телефоны:, +7 708 809 02 98 , +7 707489 26 40 .

Ойын 2022 жылдың 15-ші қараша күні Шу ауданында өтеді.

IV. Қорытынды

Квест ойынының жеңімпаздарына жалпы номинациялар бойынша диплом және жүлделі сыйлықтар тағайындалады.

Аудандық жастар

арасындағы квест ойынының

ӨТІНІМ ПАРАҒЫ

1. Ойынға қатысушы команда атауы:

2. Өңір (қала, ауылдық округ) атауы:

3. Команда мүшелерінің аты-жөні және қызметі:

____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

4. Байланыс ақпараттары (мекенжайы, телефоны, электронды поштасы, әлеуметтік желілердегі аккаунттары):

________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

Толтырылған күні: «___» қазан 2022 жыл.

Команда жетекшісінің қолы: ________________