Латын әліпбиіне көшу- қазақ тілінің болашағы

Латын әліпбиіне көшу- қазақ тілінің болашағы

“Қазақстан – 2050” Стратегиясында латын әліпбиіне 2025 жылы толық көшетініміз туралы нақты белгіленген.

Латын әліпбиі – мемлекеттік тілдің қолданылу аясын кеңейтуге зор ықпал етеді. Бүгінгі таңда латын әліпбиі үлкен беделге ие болып, қолданыс аясы да зор екендігін танытып отыр. Жер бетінде латын әліпбиі барлық салада қолданылатыны байқалады. Барлық дүкендер, мекемелер, дәрі-дәрмек атаулары, математика, физика, химия формулалары, көптеген терминдер, мамандықтарға қатысты ғылыми әдебиеттер т.б латын әліпбиімен байланысты екенін байқауға болады.

Жазу - әрбір халықтың рухани, мәдени өсуін, даму деңгейін көрсететін әлеуметтік мәні зор құбылыс. Ол өткен мен бүгінді, бүгін мен келешекті жалғастыратын алтын көпір. Осы жазуымыз аға ұрпаққа білім беріп, оларды талай биіктерге жетеледі, қазақтың әдебиетін, мәдениетін, ғылымын көтерді, егеменді мемлекетімізге де қызмет етіп келеді. 

Латын әліпбиіне көшудің артықшылықтары да бар, кемшіліктері де бар. Артықшылықтары туралы айтсақ, бұл – заман талабы. Біз ХХІ ғасырда өмір сүріп жатырмыз, ал дүниедегі адамдардың көбі латын әліпбиін қолданады. Бәріміз интернетті пайдаланғанда да бұл мәселемен кездесеміз. Төл әріптері бар қазақ әліпбиі жиі оқылмайды. Соған байланысты қиыншылықтар да пайда болады. Сондықтан латын әліпбиі бұл жерде пайдалы болатын шығар.
Ал екінші жағынан оған, мүмкін, дайын емеспіз. Өйткені латын әліпбиіне көшуді мектеп жасынан, балабақша жасынан бастауымыз қажет. Өйткені ересек адамдарға аса қиынға соғады.

Қостанай қаласының 16 орта мектебінде 9-10 сынып оқушылардың арасында «Латын әліпбиіне көшу- заман талабы» деген пікірталас өткізілді. Оқушылар өз пікірлерін дәлелдеп, бір-біріне өз ойларын айтты. Осы пікірталасқа 46 оқушы белсенді қатысты. Оқушылардың ойынша, латын әліпбиіне көшу қазіргі заманда өте тиімді.

Қазақ тілі мен әдебиеті мұғалімі:

Садуева Күнсулу Сагидолловна