Макала "Тәтті демалыс"

Қарағанды облысының білім басқармасы

КММ «Даму мүмкіншілігі шектелген балаларға арналған балалар үйі»

Тәрбиешілер: Жумагазина Жупар Сакеновна

Саменбаева Озипа Полатовна

Ашықбаева Меруерт Сарсеновна

Мақала

«Тәтті демалыс» балалық тәттілермен есте қалады.

Балалығымыз көбіне тәттілермен есте қалып, тәттімен өсеміз. Тәттіні жақсы көрмейтін бала бар ма? Міне даму мүмкіншілігі шектелген балалар үйінде де осы дәстүр сақталған. Тәрбиеленушілердің өз білімін жетілдірудің негізгі формасы – үйірме. Балалардың өзі қызығатын саласында практикалық жұмыспен айналысатын бірлестік. Егер үйірменің жұмысы қоғамдық пайдалы тапсырмаларды орындаумен, қоршап тұрған өмірмен, өндіріспен байланысты болса нәтижелі болады. Балалар үйінде көптеген үйірмелер бар, соның бірі «Ас адамның арқауы» атты үйірме.

2021 жылдың қазан айында балалар үйінде «Аяла» қорының демеушілік көмегінің арқасында «Аспазшы» және қонақ күту бөлмелері ашылды. Бұл бөлмеде барлық жағдай жасалған. Тағамның түрлерін жасайтын барлық құрал – жабдықтар бар. Бұл аспаз бөлмесінің көмегі зор. Тәрбиеленушілердің болашақ кәсіби бағдар, яғни «аспазшы» мамандығына тікелей жол, әрі қазіргі заманның талабына сай қосымша табыс табудың көзі ретінде қарастыруға болады. Бұл мамандықтың жақсы жақтары аспазшы жұмысы әр кез сұранысқа ие және әрқашан тұрақты табыс табу мүмкіндігі бар.

Сонымен қатар жақсы аспазшы ұқыпты, зейінді, жинақы болу керек, есте сақтау қабілеті жақсы болу қажет. Осы бағдар жөнінде көптеген әңгіме жұмыстары жүргізіліп, сынып шеберлер өткізіледі. Кәсіби бағыт бойынша, Қарағанды қаласының Қарағанды сервис және тамақтану колледжімен біріккен жоспар жұмысы бойынша, тәрбиеленушілермен іс – шаралар өткізіледі. Колледждің студенттері үстелді сервировкалау, ыдысты дұрыс қолдану, салфетканы әшекейлеп қою және тамақ түрлерінен сынып шеберлерін көрсетеді.

Аптаның демалыс күндері, яғни сенбі, жексенбі күндері балалар тәрбиешінің бақылауымен аспаз бөлмесінде түрлі тағамдар: олар ұннан жасалатын, тәтті пирогтар, торттың әр түрі, пирожкилер, бауырсақ, бутербродтар, блины түрлері, шелпек т.б, және көкініс түрлерінен жасалатвн түрлі салат түрлері, сонымен қатар еттен жасалатын ыстық тағамдар түрлері тәрбиеленушілермен бірге дайындалады. Балалар үлкен қызығушылықпен тағам әзірлеуге көмектеседі. Демалыс күндері жақындағанда, интернет желісі арқылы түрлі рецептерді қарап, соның ішінен таңдағандарын әзірлейді.

Балалардың туылған күнін де, осы аспаз бөлмесінде тағамдарды дайындап, қонақ бөлмесінде өткізеді. Балалар өздері дастарханды жайып, ыдыстарды қойып, салфеткаларды әдемілеп, үстелді әшекейлейді. Осы жерде колледж студенттерінің берген сабақтары тәрбиеленушілердің керегіне жарайды. Осы іс – шаралардың ұйымдастырылуының арқасында, тәрбиеленушілер болашаққа тәжірбие сабақ алып, керектеріне жаратады деп сенеміз.