6а сынып

Ашық сабақтың тақырыбы:

«Малақай киген түлкі»

Сабақтың мақсаты:

Оқушылардың мәтінді дұрыс және мәнерлеп оқытуға үйрету, дүниетанымын молайту, оқушылардың тілін дамыту.Сұраққа толық жауап беруге үйрету, кіріспе әңгіме арқылы оқушылардың ойлау, сөйлеу қабілеттерін арттыру, есте сақтау қабілетін дамыту, сөздік жұмыстар арқылы сөздік қорын байыту;Оқушылардың эстетикалық талғамын тәрбилеу, әдептілікке шақыру, ана тілін құрметтеуге шақыру;

Көрнекіліктер: слайд, түлкінің, малақайдың суреттері, кітап көрмесі, үлестірме қағаздар

Сабақтың түрі: жаңа сабақты түсіндіру

Сабақтың барысы:Ұйымдастыру кезеңі.

-Кезекшілікпен диалог – 2 мин

-Үйге берілген тапсырманы сұрау – 5мин

Көлде нелер бейнеленген?

Екі аққудың өмірі туралы өз сөздеріңмен түсіндіріп көріңдер?

-Яғни, балалар, Аққу – киелі құс. Оны атуға болмайды екен.

Жаңа сабақты түсіндіру. – 28 мин

Мұғалім:

-Балалар, біз бүгін «Малақай киген түлкі» атты ертегімен танысамыз. Әдеттегідей бұл ертегіде түлкінің қулығы суреттеледі. Жалпы түлкіге мінездеме беріп көрейікші. Түлкі қандай аң?

-Қу, алдаушы.

Оқушыларға түлкінің суретін көрсету.

Әдеттегідей, осы ертегіде де түлкінің әрекеті туралы сөз қозғалады.

Ертегіні мұғалім оқып шығады.

Ертегіге салынған суреттерді қарап шығу.

  Малақай - аң терісінен тігілген бас киім.

Осы сөзді сөздік ретінде тақтаға жазып

дәптерлеріне жаздырту.

-Ертегіні оқушылардың оқып шығуы.

-Балалар ертегіні тізбекпен оқып шығады.

-Еламан мұғаліммен бірге ілесе оқыту.

Бұдан әрі оқулықтағы мәтінге берілген сұрақтар мен тапсырмаларға сай жұмыстар жүргізіледі.

Деңгейлік тапсырма:

Мөлдір мен жеке жұмыс жасау. Нүктелерді бастыра отырып малақайдың суретін салу.

Тапсырмалар:

-Жолаушы далада нені көрді?

-Ол не туралы ойлады?

-Түлкі өзін қалай ұстады?

-Малақай түлкінің басында қалай киіліп қалды?

-Осы жерін ертегіден тауып оқу.

-Ат неге қашып кетті?

-Жолаушы немен қалды?

-Енді, балалар, мәтінге сүйене отыра ертегіге жоспар құрамыз.

Жоспар:

Даладағы кездесу.

Түлкі тымақты армандау.

Қуғын.

Шығатын екі жол.

Аттың шошуы.

Ауылға оралу.

Бұл ертегіден қандай сабақ яғни үлгі алуға болады?

Естеріңде болсын, түлкі секілді біреулерді алдап, қулық жасауға, болмайтын іс-әрекеттер жасауға болмайтынын естеріңде сақтаңдар. Ондай жағымсыз қасиеттерден бойларыңды аулақ ұстаңдар.

Қорытынды:

Сонымен, сабағымызды қорытындылай келе, біздер бүгін қандай жаңа сабақпен таныстық?

Дұрыс айтасыңдар. “Малақай киген түлкі” ертегісімен таныстық.

Ертегіде түлкінің алдауына қалған жолаушының басынан өткені туралы әңгіме өрбіттік. Бұл біздің өткеніміз бірінші бөлімі, келесі сабақта екінші бөлімін жалғастырамыз.

- Өмірде түлкі секілді, қулыққа салынып, біреуді алдап, арбауға болмайтынын жандарыңда сақтаңдар.

Үйге тапсырма беру. Жоспар бойынша ертегіні түсініп оқып келу,шама келгенше түлкінің суретін салып келу. -5 минут

Бағалау. – 5 минут