«АЛМАТЫ ОБЛЫСЫ БІЛІМ БАСҚАРМАСЫНЫҢ ІЛЕ АУДАНЫ БОЙЫНША БІЛІМ БӨЛІМІ» МЕМЛЕКЕТТІК МЕКЕМЕСІНІҢ «№17 ОРТА МЕКТЕП» МЕМЛЕКЕТТІК КОММУНАЛДЫҚ МЕКЕМЕСІ

ЭССЕ

ТАҚЫРЫБЫ: «МҰҒАЛІМ-ӘЛЕМДЕГІ ЕҢ ҮЗДІК МАМАНДЫҚ»

ДАЙЫНДАҒАН: ГЕОГРАФИЯ ПӘН МҰҒАЛІМІ

БУКЕНБАЕВ Д.С.

БОРАЛДАЙ КЕНТІ,2024 Ж

Эссе тақырыбы:

«Мұғалім-әлемдегі ең үздік мамандық»

Ұстаз – ұлы есім, ұлық маман иесі. Өйткені ұстаз жаратылысынан өзіне айтылғанның бәрін жете түсінген, ешнәрсені ұмытпайтын, алғыр да аңғарымпаз ақыл иесі, мейлінше шешен, өнер – білімге құштар, аса қанағатшыл, жаны асқақ және жақынына да, жат адамдарға да әділ, жұрттың бәріне жақсылық пен ізгілік нұрын төгетін, қорқыныш пен жасқануды білмейтін батыл, ержүрек жандар. Мамандық таңдау - өте жауапкершілікті қажет ететін маңызды іс және адам өзінің қызығушылығына, қабілетіне, бейімділігіне, жүрегінің қалауына сүйенуі керек. Әрбір адамның болашағы таңдаған мамандығына тікелей байланысты. Өз ісін жақсы көріп, үлкен жауапкершілікпен атқарғанда ғана адам өзін бақытты сезінеді. 

«Армансыз адам- қанатсыз құспен тең» -дегендей, өзім армандаған бір мамандықтың иесі болдым. Жас жеткіншектер мамандық таңдауда қателеспеуі керек. Мамандықты дұрыс таңдай білген адам: «Мамандығым – мақтанышым»- дей отыра, сол мамандықтың қыры мен сырын меңгеріп, шыңына жете білу керек. Мамандық- жай күнелту, ақша табу емес. Әр адам өз мамандығына рухани күш алып, еңбектің рахатын көреді. Адам атақ-абыройға кенеледі. Кез келген адамнан шеберлікті, қажымас қайратты, еңбектенуді керек етеді. «Ұялмаған әнші болады; Ерінбеген етікші болады»,- деген халқымыздың даналық сөзі бар. Тіпті етікші болсаң да, өз ісіңнің шебері бол. Өмірдегі көп мамандықтардың ішінде жан-жақты білімділікті, икемділікті , шеберлікті, ерекше шәкіртжандылықты, мейірімділікті қажет ететін мамандық та – ұстаздық мамандық.Белгілі бір мамандық иесі болу әрбір азаматтың арманы. Маман иесі болған соң, әрбір адам өз мамандығы бойынша қызмет етіп еліміздің экономикасын дамытуға халықтың әл-ауқатын жақсартуға өз үлесін қосу керек.  Қазіргі жастар мамандық таңдауда жаңылмай, өз өмірінің бір кірпішін дұрыс қалауы керек.

Халқымыздың ғасырлар бойы армандап, сан ғасырлар тоғысында қол жеткізген бақыты – тәуелсіздігіміз. Барлығымыз бірге күш жұмсап, ел ертеңіне сеніммен қарайық, жаңа табыстарға жетейік, сіздерге әрқашан да шығармашылық табыстар тілеймін, береке- бірлігіміз жараса берсін аяулы да ұлағатты әріптестер!