Түркістан қаласы №21 колледж орыс тілі мен әдебиет пәнінің оқытушысы

Тогайбекова Баглан

Сабақ жоспары:

Сабақтың тақырыбы: Мамандығым мақтанышым.

Білімділік: мамандық әлемі және оның ерекшеліктері туралы дүниетанымын кеңейту; әр мамандықтың қызығы мен қиындығы болатындығын жете ұғындыру
Дамытушылық: оқушылардың өмір туралы, мамандықтар туралы көзқарасын дамыту, таңдаған мамандығының өз бейімділігі мен қабілетіне сәйкес келуін нақтылау, өз - өзін танудың жалпы әзірлігін қалыптастыру, оларды өз пікірін еркін айтуға, басқаның пікірін сыйлай білуге, жүйелі ойлауға баулу
Тәрбиелік: оқушылардың қоғамға деген азаматтық позициясын қалыптастырып, отансүйгіштікке тәрбиелеу
Міндеті:
Оқушыны өзінің қабілетін, бейімін, қызығушылығын мамандыққа сай тани білуге үйрету;
Оқушылардың бағдары мен құндылықтары туралы мәлімет беру;
Оқушылардың құптап отырған мамандықтарына бағыт беру.
Әдіс - тәсілдері: «Ми шабуылы», психологиялық тест, дидактикалық ойындар, тренигтер.
Көрнекілік: мамандық туралы суреттер, мамандық аттары жазылған карточка, плакат, слайд көрсету.

Сабақтың түрі: сұрақ-жауап,

Сабақ жоспары:

Кіріспе

Сергіту: Тренинг

1. Менен сұрақ, сенен жауап.

2. Шебердің қолы алтын.

3. Өз мамандығынды таңда.

4. Өнерлі шебер.

5. Мақал-мәтел.

6. Психологиялық сәт.

7. Мамандықтар әлемінде.

1 Жүргізуші:

Қайырлы күн, құрметті қонақтар, ұстаздар, оқушылар. Бүгінгі ұйымдастырылып отырған «Мамандығым мақтанышым!» атты сабағымызға қош келдіңіздер!
Әр адам өз қабілетіне, икемділігіне қарай сәйкес мамандық таңдауы тиіс. Бүгінгі танда нарықтық экономиканың өсудегі жоғарғы қарқынын жалғастыра алатын серпінді дамып келе жатқан кадрлар даярлау мәселесі алға қойылған.

2 Жүргізуші:

Қазақ Елінің жастары білімді, көзі ашық, көкірегі ояу болуға ұмтылулары керек. Себебі, жаңа дәуірде тек бәсекеге қабілетті, аса білімді, сауатты адамдар ғана табысқа жетеді. Ел жастарында осындай қасиеттер болса, кез-келген мемлекеттің болашағы жарқын болары анық. Ел Президенті Нұрсұлтан Назарбаев өзінің «Болашаққа бағдар: рухани жаңғыру» атты мақаласында осылайша Қазақ Елінің болашағын білікті жастармен байланыстарынын ерекше атап өтті.

1 Жүргізуші:

Алдымен мынадай тренинг ұйымдастырып жіберейік. Әр студент орнынан тұрып өз тілектерін айтады, яғни осы студенттердің айтылған жақсы тілектері тобымызға, сыныбымызға қатысып отырған адамдарға жақсы көңілмен таралады деп білеміз.
(студенттер тілектерін бірінен соң бірі айтып жалғастырады)

2 Жүргізуші:

І. Кезең  «Менен сұрақ, сенен жауап»

1. Жақсы маман болуы үшін адам нені білуі және нені үйренуі қажет?

2. Адам бірнеше мамандықты меңгерсе, оның өмірі қандай болады деп ойлайсыңдар?
3. Қай уақытта адам өз еңбегінің жемісін көре алады?

4. Адамның қандай қасиеттері кәсіби түрде қажет?

5. Адам кәсибі жұмыста қалай табысқа жете алады?

6. «Маман иесі» дегенді қалай түсінуге болады?

7. Сіздің алдағы уақытта қойған мақсаттарыңыз бар ма?

1 Жүргізуші:

II. «Шебердің қолы алтын» - өндірістік оқыту сабағында жасаған бұйымдарын таныстыру.

Елбасымыздың жобаларының бірінде орта және шағын кәсіпкерлікті дамыту жұмыстары қолға алынып, жұмыстар жүргізіліп жатыр. Қолынан іс келетін адам шағын кәсіпкерлікті ашуға толық мүмкіншілігі бар. Тек еріншектікке жол бермеу керек.

2 Жүргізуші:

III. «Өз мамандығынды таңда» -үш тілде мамандық атауларын табу.

«Адам өз өмірінде екі нәрсені таңдауда қателеспеуі керек: біреуі – жар таңдау, екіншісі – мамандық таңдау» деп М. Мақатаев атамыз айтқандай, мамандық таңдау – жасөспірім кездегі адам өміріндегі ең маңызды шешімдердің бірі.

1. тігінші- швея-tailor

2. кондитер-кондитер-pastry cook

3. аспаз-повар- cook

4. ағаш ұстасы-плотник-carpenter

5. дәнекерлеуші-сварщик-welder

6. газ дәнекерлеуші-слесарь-gas fitter

7.ЭЕМ операторы-ЭВМ оператор-computer programmer

8. электромонтер-электрик-electrician

9. автомеханик-автомеханик-auto mechanic

10. автоэлектрик-автоэлектрик-auto electrician

1 Жүргізуші:

IV. «Өнерлі шебер» - әр топ студенттері өз өнерлерін көрсету керек.

Ж. Аймауытов айтқандай: «Мамандықтың жаманы жоқ, бірақ, мұның кез келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе» десек, Абай атамыз айтқандай «болмасаң да ұқсап бақ, бір ғалымды сүйсеңіз.

2 Жүргізуші:

V. «Мақал мәтелтер»- үш тілде, студенттер мақалдарды толықтыру керек.

1. Шебердің инесі де алтын, соққан күймесі де алтын.

2. Knowledge is a power.

3. Дело мастера боится.

4. Тігіншіні инесі асырайды.

5. Live and learn.

6. Ата кәсіп балаға нәсіп.

7. Без топора не плотник, без иглы не портной.

8. Хорошая работа два века живет.

9. He works best who knows his trade.

1 Жүргізуші:

VI. Психологиялық сәт, «Психогеометрия» өзін өзі тану.
Студенттер өзіңе ұнаған геометриялық фигуралардың кез - келгенін таңдауы тиіс. Әр фигура қандай да бір адам бойындағы қасиетті, қабілетті білдіреді. Әрқайсысымыз өзімізді танып көрелік.
Квадрат. Сізде төзімділік, шыдамдылық, еңбекқорлық дамыған. Өз айналаңызға адамдарды жинап ұйымдастыру, реттеу және жүйелеу қабілетін баршылық. Сізден үздік администратор шығады.
Зигзаг. Сізде әсемдікті көре білу қабілетіңіз жоғары қалыптасқан, сондай - ақ шығармашылық қабілетңізі, ой - өрісіңіз дамыған. Сізде табиғи өткіройлылық бар, өз айналаңызға қабілетті адамдарды жинай аласыз. Сізді шаблондар, ережелер, нұсқаулар қызықтырмайды. Бастаған істі аяқтауға төзімділіктің жоқтығы бөгет жасайды.
Шеңбер. Сізде адамгершілік жоғары дамыған. Сіз өз әріптесіңізді тыңдай аласыз және оның қайғысы мен қуанышын бірге бөлісесіз, басқаның ауарпатылығына жәрдемдесу қабілетіңіз жоғары қалыптасқан. Сізге жеке адамдар арасындағы кикілжіңдер тән емес, өзіңізді олардан аулақ ұстайсыз .Сізден үздік психолог шығуы мүмкін.
Үшбұрыш. Сізге басқарушылық қасиеті тән. Өз көздеген мақсатынызға қол жеткізуге барлық мүмкіншілігіңізді жасайсыз. Өзіңізге сенімдісіз және жеңіске, жетістіктерге, ұтыстарға оңай қол жеткізесіз. Айтқаныныздан шықпайсыз, абыройлысыз. Сіз қоғамда, өмірде жоғары жетістіктерге қол жеткізесіз, жұмысыңызда жоғарыға көтерілуге бейімділігіңіз бар.
2 Жүргізуші:

VII. «Мамандықтар әлемінде» атты кезеңінде мамандықтар туралы презентация жасау. Яғни колледжде оқып жатқан мамандығына немесе жалпы мамандық туралы толық мағлұмат беру.

1 Жүргізуші:

Түбінде баянды еңбек егін салған,
Жасынан оқу оқып, білім алған.
Би болған, болыс болған өнер емес,
Еңбектің бұдан өзге бәрі жалған.
Көк жүзіне алаулы,
Міндет емес ай болу.
Ең бастысы қалаулы,
Кәсібіңе сай болу!

Осымен « Мамандығым мақтанышым» атты сабағымыз аяқталды. Тыңдағандарыңызға көп рахмет!!!