Мамандығым – мақтанышым !

Өмірде мамандықтың түрі көп. Әр мамандықтың өзіндік ерекшелігі бар. Дәрігер адамдарды емдесе, мұғалім оларды оқытады, құрылысшы үй салса, тігінші киім тігеді. Адамдар мамандықты жүрегінің қалауы бойынша таңдауы керек. Өйткені, әрбір адамның болашағы таңдаған мамандығына байланысты. Өз ісін жақсы көріп, үлкен жауапкершілікпен атқарғанда ғана бақытты болады. Ал жүрегі қаламаған мамандық иелері көп қиындықтарға кездеседі. Менің мамандығым – «Шаштараз өнері және сәндік косметика»өндірістік оқыту шебері, қиындығы мен қызығы мол осы мамандықты бала күнімнен армандадым.

Шаштараздықтың қашан пайда болғаны әлі күнге дейін анықталған жоқ. Алайда шаш қоюдың киінуден бір шама бұрын басталып, адамзат баласымен бірге өркендеп, өзгере отырып, ұзақ жолдан өткенін нық сеніммен айтуға болады. Біздің бабаларымыз сонау көне заманнан-ақ әдемі шаштың адамға қайталанбас керемет ажарды тек шаш ғана бере алады. Бұған дәлел адамдардың ғасырлар бойы шашқа деген құштарлығының сарқылмауы. Қазіргі заманғы шаш жасау үлгілері сан алуан стильдер мен бағыттардың көптігімен сипатталады. Адам үшін ең сәнді үлгі – ол оның ішкі жан дүниесін ашып, құнды қасиеттерін көрсете білетін үлгі. Мен өз мамандығымды жандандыра отырып үйрету әрбір балаға үйретуде әр шаштараз оқытушысының міндеті деп білемін.

Мемлекетке әр мамандық қажет. Алайда оны дұрыс таңдау – бағыңың ашылғаны. Шын мәнінде халқыңа пайдалы азамат болуға тырысу маңызды, керісінше халқың саған пайдалы болуы емес. Өз ісіңнің білгір маманы болғанға не жетсін.

Дәл қазір шаштараз маманы ретінде «Тараз сервис және технология колледжінде» дәріс беремін. Әр бір алдыма келген білімгерді өзінің ынтасына қарай бағыт – бағдар беру арқылы үйретемін. Көптеген түлектер тәрбиелеп, қазір сол түлектерімнің өздерінің шаш кесу мамандықтары бойынша жұмыс жасап жатқандырына қуанамын. Бұл мен өзімнің мамандығымның жеңісі мен жемісі деп білемін.

Қорыта айтқанда Елбасымыздың тапсырмасымен кәсіптік – техникалық білім беру жүйесін жаңғыртуға әрдайым мақсат - теория мен тәжірибені ұштастырып, кәсіби білікті маман дайындау. Сол себепті, Қазақстанның жас азаматтары білімді, еңбекқор, бастамашыл болуы тиіс. Егер шеберліктің шыңына жете білсең, іздеген мамандықтың бәрі жақсы.

«Тараз сервис және технология колледжі»

өндірістік оқыту шебері

Исатаева Гулжан Белкожаевна

Тараз қаласы