«Мамандықтар әлемі» ортақ тақырыбы бойынша жиынтық бағалау

4.3.1.1* Мәтінді іштей, түсініп және қажетті ақпаратты тауып/ шолып/ белгі қойып оқу

4.3.4.1* Мұғалімнің қолдауымен мәтін мазмұнын және кейіпкерлердің іс-әрекетін бағалауға бағытталған сұрақтарға жауап беру

4.4.5.2 Сөзге қосымшалар жалғау кезінде үндестік заңын сақтау

4.5.1.2* Көптік/ тәуелдік/ септік/ жіктік жалғаулы сөздерді ауызша/ жазбаша тілде қолдану

1-тапсырма

Мәтінді оқы. Тапсырмаларды орында.

Бір күні тышқан нан дүкеніне кіреді. Сөреде жаңа піскен нан көп екен. «Нан қайдан шықты екен?» - деп ойлайды тышқан.

— Нан, нан, сен қайдан шықтың? - деп сұрайды.

— Сатушыдан сұра, - дейді нан. Тышқан сатушыға келеді.

— Сатушы, сатушы, нан қайдан шығады?

— Наубайшыдан сұра, - дейді сатушы.

Тышқан наубайханаға келеді.

— Нан қайдан шығады? - дейді тышқан бір наубайшыға келіп.

— Диірменшіден сұра, - дейді ол. Тышқан диірменшіге келеді.

— Диірменші, диірменші, нан қайдан шығады? - деп сұрайды.

— Комбайншыдан сұра, - дейді диірменші.

Тышқан егінде жүрген комбайншыға келеді.

— Комбайншы, комбайншы, нан қайдан шығады? - деп сұрайды.

— Көктемде егін егіледі. Егіншілер оны күтіп, баптайды. Көп еңбек етеді. Нан еңбек арқылы табылады, - дейді комбайншы.

— Ой, бұл қиын ғой. Ал мен еңбексіз де нан таба аламын, - дейді тышқан.

а.Мәтінде қандай мамандық атаулары кездеседі ретімен белгілеп көрсет (1,2,3...)

ә.Мәтін бойынша 1сұрақ құрастыр және жауап бер.

2-тапсырма

Көп нүктенің орнына тиісті қосымшаны қойып жаз.

Мен – инженер........ (-мын, -мін). Менің жұмыс (-ым, -ім) шығармашылықты

қажет етеді. Инженер..... (-дың, -дің) жұмысы әр түрлі. Инженер. (-лар, -лер)

жерден алтын таба..... (-ды, -ді), жаңа жобалар жасай (-ды, -ді). Сондықтан

инженердің жұмыс.... (-ы, -і) өте қызықты. Маған менің жұмыс ...... (-ым, -ім) ұнайды. Сіздің инженер болғы....... (-ңыз, -ңіз) келе ме?