Вариативтік компонент

Күні:18.10.17ж

Тақырыбы: «Мамандықтың бәрі жақсы»
Мақсаты: Балалардың ойлау қабілетін дамыта отырып, болашақ мамандыққа байланысты ұғымын тереңдету. Мамандық түрлерімен таныстыру.Сурет бойынша әңгіме құрастыруға, жұмбақ шешуге, ойлау, сөйлеу қабілетін дамыту, қызығушылықтарын арттыру, үлкендердің еңбегін бағалап, құрметтеуге тәрбиелеу. Мамандық, тігінші, жүргізуші, дәрігер, шаштараз
Билингвальды компонент: тігінші – портниха, дәрігер – врач, шаштараз – парихмакер, профессия – мамандық
Көрнекіліктер: Мамандық иелері туралы суреттер..
Әдіс-тәсілі:сұрақ-жауап.
Шаттық шеңбер
- Қайырлы таң, көздерім!

-Қайырлы таң, құлақтарым!

-Қайырлы таң, қолдарым!
- Қайырлы таң, аяқтарым!
- Көздерім көріп тұр
- Құлақтарым естіп тұр
- Қолдарым қол соғып
- Аяқтарым топылдатты.Жарайсыңдар балалар!

Суретпен жұмыс:
Бүгінгі оқу қызметінде «Мен өскенде кім болам?» Мамандық түрлерімен танысамыз.
Мамандықтарға дәрігер, мұғалім, шаштараз, аспазшы, тігінші жатады.
- Дәрігер не істейді?
- Дәрігер адамдарды емдейді.
- Аспазшы не істейді?
- Тамақ пісіреді
- Тігінші не істейді?
- Киім тігеді
- Шаштараз не істейді?
- Шаш қияды
(Балаларға сұрақтар қойылып, жауаптары толықтырылады). Сондықтан бізге барлық мамандықтар қажет. Міне, біз қанша мамандық түрлерімен таныстық.

2) Сұрақ – жауап:
- Диас сенің әкең қайда істейді?
- Суреттен көрсетеді.
- Ал, Мадина анасы қайда істейді екен?
- Суреттен көрсетеді.
Осындай әр түрлі мамандықты тану үшін алдымен әдепті, тәрбиелі оқыған үлкен азамат болып өсуіміз керек. Ол үшін бәріне еңбек қажет.

Балалар біз еңбек туралы қандай мақал – мәтел білеміз. (түсіндіру)
Еңбек етсең ерінбей,

Тояды қарның тіленбей.

Еңбек етпеген ішіп жемейді.
Балалар біз суретке қарап «Кім болам?» мамандығына әңгіме құрастырамыз.
Сергіту сәті

Бала, бала балақан,
Кәне, қайсы алақан.
Саусақтарын әйбат,
Былай-былай ойнат.
Топ-топ басайық,
Жалаудан күн жасайық.
Жаса, жаса алтын күн
Жаса, жаса жарқын күн
«Кім жоқ?» ойыны.

Балаларға мамандықтар суреті көрсетіледі. Көздерін жұмуды ұсынып, бір суретті жасырады. Қандай мамандық жоқ екенін табады. (Балалардың ойыны)
- Әр бала өз әке – шешесінің қайда жұмыс істейтінін айтып береді.
- Қалай ойлайсыңдар, мамандықтардың бәрі қажет пе?
Әр баланың жауабы тыңдалады.
Бүгінгі оқу қызметіне жақсы қатысқан балаларды мадақтаймыз.
Күтілетін нәтиже:

Балалар мамандық түрлерін білуі, қажетті құралдарын атай білуі керек
Суретке қарап әңгіме құрауды меңгерді.Үлкендердің, мамандық иелерінің еңбегін бағалай біледі

Тәрбиеші . Ш.Бериккалиева.