Білім беру саласы: Қатынас 

 Ұйымдастырылған оқу қызметі:Тіл дамыту 

Тақырыбы: Мамандықтың бәрі жақсы 

Мақсаты:1. Балалардың әртүрлі мамандықтар туралы білімдерін толықтыру.

2. Сурет бойынша қойылған сұрақтарға толық жауап беруге дағдыландыру арқылы зейіндерін дамыту.

3. Үлкендердің еңбегін бағалауға тәрбиелеу және мамандық таңдауға қызығушылықтарын тудыру.

Көрнекілігі: Түрлі мамандықтар иелері бейнеленген суреттер, құралдар.

Әдіс-тәсілі: Әңгімелеу, сұрақ-жауап, дәптермен жұмыс, дидактикалық ойын

Шаттық шеңбері:

Достар бірге жүреміз,

Бірге ойнаймыз, күлеміз.

Бірге балық аулаймыз,

Міне, біздер қандаймыз!

Орман, көлге, шыңға біз,

Саяхатқа шығамыз.

Бөлінбейді іргеміз,

Әрқашан да біргеміз!

Әрқашан тілектес,

Досыңа көмектес!

-Балалар, қазір бізде қандай сабақ ?

Балалар қимыл қозғалыс арқылы өлең жолдарын айтып шығып, Дөңгелене тұрып Е.Өтетілеуұлының «Достармен бірге» өлеңін қимыл-қозғалыспен орындайды.

Тәрбиеші: Балалар бүгін бізге қонақтар келіпті, қане қарайықшы. Олай болса бүгінгі тіл дамыту сабағымызды бастайық.
(есік қағып қоян кіреді)
- Қоян сізге не болды?
- Мен балаларыма дүкеннен сыйлықтар алып келе жатыр едім, мені машина қағып кетті.
- Балалар, қоянға қалай көмектесеміз?
- Қоянды кім емдеп жазады?(дәрігер)
- Балалар қоянның сіздерге алып келген тапсырмасы бар. Қоянның көңіл күйі жақсы болу үшін, тапсырмасын орындайық.
- Ал, балалар мен сендерге жұмбақ жасырайын.
Ал мына жұмбақтардың шешуін табыңдаршы?
1. Алып жатқан жан – жақты,
Үйлерді кім тұрғызды. (Құрылысшы)
2. Өміріңді күзеткен
Ысқырығы күшті адам. Ол кім? (милиционер)
3. Өскен шашты жаратпайтын
Қайшысы бар жалаңдайтын. (шаштараз)
- Жарайсыңдар балалар жұмбақтарды өте жақсы шештіңдер.
- Балалар қандай жұмбақтар шештіңдер (құрылысшы, милиционер, шаштараз). Бұл сөздер нені білдіреді?Балалар, мына суреттерде кімдердің және нелердің суреттерін көріп отырсыңдар?

-Олар не істейді ?

-Яғни, халыққа қызмет етеді. Оларды біз мамандық иелері дейміз. Тағы да қандай мамандық иелерін білесіңдер ?

- Сендердің ата-аналарың қандай мамандық иелері екенін білесіңдер ма?

-Мына суреттерге қарап, мамандық иелерін атап, қандай қызмет атқаратындарын айтып беріңдерші ?

Сергіту сәті:

Терезені ашайық,
Таза ауа жұтайық.
Тез – тез, тез – тез отырып,
Орнымызды табайық.

Жұмбақ шешіп көрейік

1.Бір керуен жүреді екен қатар түйе,

Аузынан жалын шығар будақ күйе.-Ал, балалар, пойызды кім айдайды ?

Д/ ойын: «Кімге не керек ?»

Балалар мұғалім, дәрігер, құрлысшы, спортшыға қажет құралдарды тауып қоюы керек. Балаларды тапқырлыққа үйрету.

-Тамақ пісіреді, сабақ береді, үй салады, көлікті жүргізеді.

-Балалардың жауаптары тыңдалады.

-Балалардың жауаптары тыңдалады.

-Егінші, дирменші, сатушы, кітапханашы, есепші, әнші, биші жайында әңгіме құрастырады.

«Кімге не керек?» дидактикалық ойынын ойнайды

Күтілетін нәтиже: Біледі: мамандықтардың түрлерін біледі, атқаратын қызметтерін таниды.

Меңгереді:  сыйластықты, ұқыптылық туралы, жауапкершілікті сезіну туралы түсінеді.