Ана тілің - арың бұл (мәнерлеп оқу сайысы)

Мақсаты: Оқушыларға мемлекеттік тілдің өркендеп, оянуына, мемлекеттік тілімізді сүюге, мемлекеттік тілді аяққа баспай, мәртебесін биік ұстау жөнінде, әр ұлттың өзіндік ерекшеліктері, салт - дәстүрі, діні, тіл ерекшелігі болатынын түсіндіру. Оқушылардың ой - өрісін, дүниетанымын кеңейту, сөздік қорын молайту.

I - жүргізуші: Дина
Қайырлы күн! Ана тілін ардақ тұтар тіл жанашырлары!

II - жүргізуші: Мейіржан
Армысыздар, өрлі де, асқақ рухты тәуелсіз елдің жас ұландары!
Қазақстан Республикасы халықтарының тілдер күніне арналған мәнерлеп оқу сайысын ашық деп жариялаймыз!

(Әнұран)
І – жүргізуші: Дина
Қайта туды қазағымның ай – күні,
Күннен – күнге асар ма екен айбыны?
Жетпіс жылда өтті талай кешуден,
Қатар көріп шаттық, табыс, қайғыны.
ІІ - Жүргізуші: Мейіржан
Жеңістер мен жеңілістен тұратын,
Өмір – күрес, жеткізе ме мұратын?
Жеңбедім, жеңілдім деп ренжімеген,
Қатысу да бір жеңіс, жан болсаң сен ұғатын
Енді ортаға әділқазылар алқасын шақырайық,

І– жүргізуші: Дина
Қазақпын мен, қазақтың бөлшегімін,
Қажеті не басқаның өлшемінің.
Қазақ деген жалғыз ұлт мен боламын,
Енді міне жетеді көпке үнім - дей келе, мәнерлеп оқу сайысына қатысушыларды таныстыра кетейік. Бұл сайыс 2-4 сыныптар арасында өтеді.

Олар:.....................
Музыка қойылады.

ІІ – жүргізуші: Мейіржан

Сайысымыз 2 кезеңнен тұрады:
І кезең. Кез - келген бір ақынның өлеңін мәнерлеп жатқа айтып беру керек.
ІІ кезең. Мақал - мәтел сайысы. (бұл сайыста әр қатысушы берілген уақыт ішінде көбірек мақал - мәтел айту керек. Қай қатысушы көбірек айтады, сол жеңімпаз)

І – жүргізуші: Дина

І кезең.
Ерлік, елдік, бірлік, қайрат, бақ - ардың,
Жауыз тағдыр жойды бәрін не бардың.
Алтын күннен бағасыз бір белгі боп,
Нұрлы жұлдыз, бабам тілі, сен қалдың.
( Әр қатысушы шығып өлеңдерін оқиды.)
ІІ – жүргізуші: Мейіржан
ІІ кезең. Десек те, жаңа өмір, жаңа заман,
Жақсы ғой бірін - бірі бағалаған.
Түйсіксіз тайлақтардан сақта, Құдай,
Тайраңдап алды - артына қарамаған.
Қарағым, ата - бабаң момын халық,
Өтіпті бір - бірінің жолын бағып,
Өсиетін бабаңның орындай сал,
Одан ешкім кетпейді тоныңды алып. - деп Мұқағали ағамыз айтқандай, ендігі кезекті мақал - мәтел сайысына берейік.
Мұғалім: Тіл – ұлттың жаны, халықтығының асыл белгісі, намысы,тыныс-тіршілігінің көзі, Ата Заңымен қорғалатын, еркіндігінің үні. Оны сендер де құрметтеп, қорғай біліңдер. Ынтымағы жарасқан халықтардың бесігі болған шуақты Қазақстанның бақытты да парасатты, білімді де, еңбекқор ұл-қызы болып өсе беріңдер! 

І – жүргізуші: Дина

Музыкалық ән шашу «Анамның тілі» сахнада Талғат Адина

ІІ – жүргізуші:
Енді ортаға әділқазылар алқасын шақырайық, сайыстың шешімін оқысын.

1 - жүргізуші: Дина
Демеңіздер біз өнерді аяп қалдық
Мезгілде біраз жерге таяп қалды.
Қош болып тұрыңыздар көріскенше
Осыменен байқауымыз аяқталды!
Назарларыңызға көп рахмет!