Тақырыбы:Мәнерлеп оқу сайысы

Мақсаты: Оқушылардың екпінді дұрыс қоя білу, оқу мәнерін меңгеру, дауысты өлеңнің ой - мазмұнына сай баяу, жігерлі оқу немесе тілек, сұрақ, көңіл күйді көтеріңкі үнде оқи білу машықтарын байқау, бағалау.
Балалардың дүниетанымын дамыту, өлең сөзге деген қызығушылықтарын арттыру. Сөйлеу мәдениетін қалыптастыру.
Сабаққа қажет құрал - жабдықтар, көрнекіліктер: балалар ақын – жазушыларының кітаптарынан көрме,портреттері, нақыл сөздер.
Сайыстың барысы:

Армысыздар көрермен қауым. Бастауыш сыныптар арасында
«Туған өлкем мақтанышым » атты мәнерлеп оқу сайысына қош келіпсіздер. Қазақ халқымыз Отан отбасынан басталады дейді. Әр адам өз Отанын сүйіп, құрметтеуге тиіс. Қазақ елінің маңдайына біткен біртуар азаматтары туған еліне, жеріне деген сезімдерін жыр шумақтарымен білдірген. Болмасаң да ұқсап бақ дегендей біздің бүлдіршіндерімізде өз Отанына, туған еліне деген сүйіспеншіліктерін ағаларының, апаларының жырларын жаттап, елжанды болып өсіп келе жатқандықтарын дәлелдемек. Сіздердің алдарыңызда кішкентай өнерпаз ұл - қыздарыңыз «Туған өлкем мақтанышым» көркемсөз байқауына қатысып өз бақтарын сынамақ.

Ал келіңдер, келіңдер
Бір біріңе еріңдер
Көркем сөзбен көмкеріп
Сайысқа қатысып көріңдер - деп қатысушы оқушыларымызды қарсы алайық!

4 - сынып оқушылары

3 - сынып оқушылары

2 - сынып оқушылары

Оқушылар кезекпен шығып, дайындаған өлеңдерін оқиды.
Жүргізуші: Алдымен бүгінгі мәнерлеп оқу сайысының басты ережелеріне тоқталып өтсек,
1. Өлеңнің тақырыбы айқын болуы шарт.
2. Өлең жатқа әрі мәнерлеп оқылуға тиісті (сахнаға кітап немесе қағаз - парақшалармен шығуға рұқсат етілмейді).
3. Өлең оқыған оқушының жүріс - тұрысына, сахнадағы мәдениетіне, дауыс мәнері мен ырғағына назар аударылады.

Олай болса, сайыстың аты сайыс демекші, өлеңдерді мәнерлеп оқитын оқушыларға әділ бағасын беретін қазылар алқасымен таныстырып қойғанымыз жөн болар. Сонымен,
1. Қазақ тілі мен әдебиет пәнінің мұғалімі Нарынбаева Раушан апайларың
2. Бастауыш сынып мұғалімі Қосжанова Ұлболған апайларың

Жеңістер мен жеңілістен тұратын,
Өмір – күрес, жеткізе ме мұратын?
Жеңбедім, жеңілдім деп ренжімеген,
Қатысу да бір жеңіс, жан болсаң сен ұғатын
Енді ортаға әділқазылар алқасын шақырайық, сайыстың шешімін оқиды.
Әділ қазылар сөз кезегі өздеріңізде.
Марапаттау
Осымен «Туған өлкем мақтанышым» атты сайысымыз өз мәресіне жетті.
Бейбіт таңдар арайланып атады
Туған жерді аймалайды шапағы
Байтақ елім Қазақстан
Ең бақытты балалардың Отаны
Қымбатты балалар, қонақтар! Талапты бүлдіршіндеріміздің болашағы жарқын, атар таңы арайлы болсын! Сәт сапар тілейміз!

мәнерлеп оқу сайысы

Өткізген: Жухина Ж.Қ.

Қосжанова Ұ.Қ.

2014-2015 оқу жылы.