Ұлтына, жұртына қызмет ету – білімнен емес, мінезден

Білімді өлсе,

Қағазда аты қалар.

Ұста өлсе,

Істеген заты қалар,-

демекші, «тірі сабақты» шыңдау мақсатында, мектебімізді ғылыми бағытқа бағдар беру үшін, Жанбибі мен Жантөре ұстаздарымыздың, екінші кезеңді «талантты ғалым Серікбол Қондыбайдың» музейінде өткізуді таңдаған екен. Әрине, басында ауылдың музейін менсінбей, бармаушы едік, «қолда барда алтынның қадірі жоқ»,- деген мақалды тілге тиек етіп. Музейдің ішіне кіре сала, басқа бір әлемге кіріп кеткендей, ойыма жаңа идея, сансыз сұрақтар келе бастады. Серікбол Қондыбайдың артында қалдырған рухани мол мұрасын тану үшін, жасалынған ғылыми тұжырымдардың парқын пайымдап, құндылық деңгейінің қаншалықты маңыздылығын сараптап, жете түсінуіміз үшін, ең алдымен, осы мұраларды тудырушы Серікболдың өзінің кім екенін, оның азаматтық болмысын танып білуіміздің, дұрыс түсінуіміз үшін арнайы лекция залында «теориялық сабақ» алдық.

Тірі сабағымыздың екінші сатысы, музейдің әр қабатын аралап, Серікбол Қондыбайдың азғантай ғана өмірінде, ұрпағына қалдырып кеткен алтындай байлығымен танысу болды. Ол этнография мен археология, география мен ономастика, агиография мен теология, эпос пен тарих, мифология мен философия деректерін жалғастыра зерттеп, түріктану мен қазақ тануға мейлінше үлес қосқандығы менің қызығушылығымды одан әрі оятты. Серікбол Қондыбайдың жасаған дүниесімен жеке танысу барысында, барлық пәннен «біріктірілген, кірістірілген» сабақтардың өткізудің құндылығын, «тірі сабақтың өлі сабақтан» айырмашылығын Жанбибі апай нақтылап түсіндірді.

Жантөре мен Жанбибі ұстаздарымыздың «тірі сабақты» жандандырып, оның құндылығын пайымдап, сабағымыздың екінші кезеңінде Серікбол Қондыбайдың музейіне әкелуі, бізді ерекше қуантып қана қоймай, бізге болашағымызға ерекше «жол бастау» жасағандай болды. «Ұлтына, жұртына қызмет ету – білімнен емес, мінезден», - деп Әлихан Бөкейхан атамыз айтқандай, осы ғалым ұстаздарымыздың арқасында, білімімізді шыңдап, болашақ ұрпақты ғылыми жұмысқа бағыттап бастаған жайымыз бар.

Тілекбаева Ардақ Сәтбекқызы - математика пәні мұғалімі