Маңызды семинар өтті

Әл-Фараби атындағы Қазақ ұлттық университеті ЖОҒАРЫ ОҚУ ОРНЫНА дейінгі ДАЙЫНДЫҚ кафедрасында 2024 жылы 3 қазанда «Ғылыми және (немесе) ғылыми-техникалық жобалар бойынша гранттық қаржыландыруға арналған конкурстың талаптары» атты тақырып аясында ғылыми семинар өтті. Семинардың мақсаты – кафедраның ОПҚ құрамына конкурстың талаптарын таныстыру мен ғылыми жобаларды жасауға байланысты қажетті мәліметтер мен кеңес беру.

Семинардың спикері ЖОҒАРЫ ОҚУ ОРНЫНА дейінгі ДАЙЫНДЫҚ кафедрасы меңгерушісінің ғылыми-инновациялық қызмет пен халықаралық байланыс жөніндегі орынбасары, PhD Амангелді Нұргүл. Семинар барысында спикер ғылыми жобалар бойынша гранттық қаржыландыруға арналған конкурстың талаптарына толықтай шолу жасады, сонымен қатар жобаның жасау барысында қандай мәселелер басты назарда болу керек екендігіне тоқталды. Семинарда қозғалған мәселеге орай қатысушылар тарапынан спикерге сұрақтар қойылды. Семинарда ағымдағы жылы 2025-2027 жылдарға арналып жарияланған конкурстағы өзгерістер қызу талқыланды. Семинар қатысушылар мазмұнды пікір алмасқан, ақпараттық мәні зор, мағыналы шара болды.