Латын графикасына көшу – қазақ тілінің белесі ,Қостанай қаласы М.Хәкімжанова атындағы №20 мектебінің қазақ тілі мен әдебиетінің мұғалімі Маликова Акмарал Мугайдаевна.

«Ұлттың сақталуына да,жоғалуына да себеп болатын нәрсенің ең қуаттысы – тілі»А.Байтұрсынов.
Еліміздің рухани жаңғыруының алтын арқауы – тіліміздің табиғи болмысын сақтап қалуға белсенді ат салысу- әрбір қазақ тілі мен әдебиет пәнінің мұғалімдері үшін маңызды іс болуы тиіс. Қазақстан – біртұтас мемлекет. Қазақстан Республикасының Президенті Н.Назарбаев өзінің 2014 жылдың 17 қаңтарындағы «Қазақстан жолы – 2050: Бір мақсат, бір мүдде, бір болашақ» атты кезекті Жолдауында: «Біз үшін болашағымызға бағдар ететін, ұлтты ұйыстырып, ұлы мақсаттарға жетелейтін идея бар. Ол – Мәңгілік Ел идеясы.Тәуелсіздікпен бірге халқымыз Мәңгілік Мұраттарына қол жеткізді.Қазақтың Мәңгілік Ғұмыры ұрпақтың Мәңгілік Болашағын баянды етуге арналады. Ендігі ұрпақ – Мәңгілік Қазақтың Перзенті. Ендеше, Қазақ Елінің Ұлттық Идеясы – Мәңгілік Ел!» – деп нақты белгілеп берді [11]. Және осы жолдауда ана тіліміздің Мәңгілік Елімізбен бірге Мәңгілік тіл болғанын, енді оны даудың тақырыбы емес, ұлттың ұйытқысы ете білгеніміз жөн екенін көрсетті. Ал Мәңгілік Ел болу үшін де латын әліпбиі ауадай қажет. Ескеретін бір мәселе, латын әліпбиі бір ғана қазақ халқының әліпбиі емес, Қазақстанды мекендейтін барлық халықтардың әліпбиіне айналуы тиіс. Қазақстан Республикасының Президенті Н.Ә. Назарбаев ««Мәңгілік Ел» патриоттық актісі Құжатында – Қазақстан халқының тарихи тағдыры мен жалпы мүдделері, біздің елімізді дамытудың базалық құндылықтары көрінетін «Мәңгілік Ел» жалпыұлттық идеясының жеті мызғымас тұғырын, жеті құндылығын ұсынды. «Мәңгілік Ел» жалпыұлттық идеясындағы басты құндылықтардың бірі- тарихтың, мәдениет пен тілдің ортақтығы. Осы жылдың сәуір айында «Егемен Қазақстан» газетіне Елбасының «Болашаққа бағдар: рухани жаңғыру» бағдарламалық мақаласы жарияланды. Онда көтерілген көкейтесті мәселенің бірі – латын әліпбиіне көшу. Бүкіл қазақстандықтар мақаланы қызу талқылап, ондағы айтылған мәселелерге өз ой-пікірлерін қосты. Президенттің Қазақстанның үшінші жаңғыруы – қайта түлеудің айрықша маңызды екі процесін – саяси реформа және экономикалық жаңғыруды қолға ала отырып, әлемдегі ең дамыған отыз елдің қатарына қосылу мақсатын тағы бір рет айқындап берді.«Еліміз мықты, әрі жауапкершілігі жоғары біртұтас ұлт болу үшін болашаққа қалай қадам басатынымыз және бұқаралық сананы қалай өзгертетініміз туралы көзқарастарымды ортаға салсам» деген елбасы сөзі бүгінгі уақыт пен кеңістік шеңберіне дәл келген сияқты.[1, 1-бет]. ХХІ ғасырдағы Ұлттық сананы жаңғыртудың бірнеше бағытын атап берді.