Арифметика математиканың,

ал математика ғылымдардың патшасы,

дегендей, әрбір өскелең жастың ішкі резервін, талантын, дарынын тәрбиелеу, еліміздің үлкен тірегі болатын жас ұрпақтың терең білімді, жан – жақты дамыған зерек болуы – заман талабы. Осыған байланысты оқушылардың шығармашылықпен айналысуына сыныптан тыс пәндік сайыстар өткізудің тигізер септігі мол.

Міне, мектебімізде жыл сайын өткізілетін, дәстүрге айналған «МИФ» екі жетілігі өткізіліп, қорытындыланды. Биылғы жылғы ерекшелікке тоқталсам, бастауыш сынып оқушыларында ортаға алып, 2 – 4 сыныптар ішінде «Тапқыр математик» сайысы өткізілді.Соның ішінде «Тапқыр математик» атағына 2 сыныптан Даурембеков Дархан, 3 сыныптан Жансұлтан Жангүлсім, 4 сыныптан Таипова Римма ие болды. Дәстүрге айналған интеллектуалды ойындар, 5 – 6 сыныптар арасында «Озық ойлы оқушы». Жеңімпаз топ: Барыс тобы, ал «Озық ойлы оқушы» - 5 сыныптан Серикбаев Базан. 7 – 9 сыныптар арасында «Математикалық карусель», атап өтсек: 1 орын: Евклид тобы (Топ басшысы: Таипов Д.), 2 орын – Аристотель тобы (Топ басшысы: Мухамедиева М.), 3 орын – Пифагор тобы (Топ басшысы: Досмаилова А. ). 10 сынып оқушыларына арналған «Алтын қақпа» интеллектуалды ойын жүргізіліп, нәтижесінде Игисинова Гульдана «МИФ үздігі», ал Таипова Рузанна «Білгір оқушы» номинацияларына ие болды. Биылғы түлектеріміз үшін, 2008 жылдан бастау алған «ХХІ ғасыр көшбасшысы» атты интеллектуалды сайысы бой алды. Осы жылы Мухамедиева Назира «ХХІ ғасыр көшбасшысы» атанды. Сонымен қатар, жалпы 5 – 11 сыныптар аралығында өткізілген «Математикалық викторина» жылдам сұрақтар сайысында 9 сынып оқушысы Аушев Дидар топ жарып, жеңімпаз атанды. Математика, физика және информатика пәндерінен ашық сабақтар көрсетіліп, қабырға газеттері жарық көрді.

Сонымен қатар, биылғы жылдың ерекшелігі: мектебімізге осы оқу жылынан еңбек жолын бастаған информатика пәні мұғалімі Амиржанова Айгеримнің ұсынысы бойынша, оқушыларды пәнге деген қызығушылықтарын арттыру мақсатында 5 – 11 сыныптар аралығында алғаш рет «Күлегеш» атты видео сайыс жарияланған болатын. Шығармашылық тапсырмаға барлық сыныптар ат салыса қатысты. Әрине, бұл оңай болған жоқ, бірақ ізденіс пен талаптану және еңбектену нәтижесінде барлық сыныптар өз өнерлерін ортаға салды. Бұл түсірілімдерге де, әрине, мектеп ұжымы ат салыса қатысты. Белгіленген күні жалпы мектепішілік көрсетілім ұйымдастырылып, «Ең үздік күлегешті» ашық дауыс беру көмегімен анықтады. Орта буынға жаңа табалдырық аттаған, 5 сынып оқушылары «Мен ертен мектепке келмеймін» атты күлегешпен барша көрерменнің назарын аударып, жүлделі І орынды иеленді.

Өзімнің пайымдауымша, екі апта бойы өткізілген сайыстарға қатысқандар да, көрермендер де жақсы әсер алды. Олар интеллектуалды тұлға бола білуді, алғыр болуды, шешімдерді қабылдай алуды үйренді.

Бір сөзбен айтқанда МИФ екі жетілігі балалардың аталған пәндерге деген қызығушылықтарын оятып, одан әрі талпындыра түсті.

Айгерим Амиржанова

Көктал орта мектебінің

математика – физика пәндерінің мұғалімі

Әулиекөл ауданы