Математиканың маңызы

Еліміздің ертеңі білімді азамттың қолында екені өздеріңізге белгілі. Бүгінгі білімді шәкірт ертеңгі ел тұтқасын ұстайтын азамат. Яғни өмірдің өзі математикасыз, есепсіз болмайтыны туралы, оны қалай оқып білу керектігі, оқушылардың қызығушылығын қалай арттыруға болатындылығы жайлы айтқым келеді. Қайда болмасын сандармен кездесеміз. Мысалы: сабақ кестесінде, асханада, дүкенде, аялдамада….т.б. Егер адамзаттың математикалық ашылуларына анализ жасасақ, көптеген таңғажайып ашылулар түрлі ауа райы құбылыстарын зерттеуден және шарасыз ақиқатқа көз жеткізуге талпынудан туындаған. Мұның бәріне адамзат мұқият саралау мен ақпаратты сараптау арқылы қол жеткізген. Қазіргі уақытта математикалық ойлау адамзаттың көптеген саласында қолданысқа ие: метематикалық және статистикалық формулалар саяси зерттеулерде, ежелгі артефактардың түпнұсқалылығын анықтау мен мерзімін нақтылауда, көлік магистральдарының жұмысын сараптауда, және тіпті агроөнеркәсіп саласында тұрақты өніммен қамтамасыз ету стратегиясын құруда да пайдаланылады. Математика саласының дамуына біздің елдің математиктері де зор үлес қосуда . Әлемнің шешімін таппаған жеті есебінің бірін біздің елдің математигі Мұқтарбай Өтелбаев шешкен. Ал Асқар Жұмаділдаев жаңа алгебра ойлап тапқан. Математика адамдарға ой салу арқылы толғандырады,адамдардың ойын жетілдіреді. Басқа ғылымдар да адамның ойын жетілдіреді, алайда кеңдік, тереңдік,жүйелілік тұрғысынан алғанда оларды математикамен теңестіруге келмейді. Математика адамдарды ойшыл,салмақты болуға,ақыл парасаттылыққа жетелейді..Математиканың бір бұтағы болған математикалық логика арнаулы ой қорыту формасын зерттейді.

Математика-жаратылыстық ғылымдардың құралы.Кез келген жаратылыстық ғылым, мысалы физика, химия,астрономия тағы сол сияқты ғылымдардың қалыптасуы мен дамуы түгелдей математикамен тығыз байланыста болады.

Бүгінде математиканың адамзат үшін маңызы зор, сондықтан математикалық терминдермен ойлау әр саналы адам үшін маңызды жетістік.