Материалдар / Мақала "ҚАЗАҚ ТІЛІ САБАҒЫНДА ИННОВАЦИЯЛЫҚ ТЕХНОЛОГИЯЛАРДЫ ҚОЛДАНУДЫҢ МАҢЫЗДЫЛЫҒЫ"

Мақала "ҚАЗАҚ ТІЛІ САБАҒЫНДА ИННОВАЦИЯЛЫҚ ТЕХНОЛОГИЯЛАРДЫ ҚОЛДАНУДЫҢ МАҢЫЗДЫЛЫҒЫ"

Материал туралы қысқаша түсінік

тәжірибе алмасу

Сергазинова Гульнара Орынбасаровна

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

22 Желтоқсан 2017

1052

2 рет жүктелген

Қазақ тілі Мақала Барлық сыныптар

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Серғазинова Г.О.«№42 орта мектеп» КММӨскемен қаласыҚазақ тілі мен әдебиет пәні мұғалімі

ҚАЗАҚ ТІЛІ САБАҒЫНДА ИННОВАЦИЯЛЫҚ ТЕХНОЛОГИЯЛАРДЫ ҚОЛДАНУДЫҢ МАҢЫЗДЫЛЫҒЫ

Еліміздің Білім туралы заңында және 2015 жылға дейінгі білім беруді дамыту тұжырымдамасында мемлекеттің бәсекеге қабілеттілігі ең алдымен халықтың білімділік деңгейімен анықталады делінген. Сондықтан да дамудың ең биігінен көріну үшін алдымен білім беру сапасын көтеру, оқушының тұлғалық құзыреттілігін дамыту барысында білім жүйесі түпкілікті өзгеріп, оның маңыздылығы артуда.Бүгінгі білімнің мақсаты – жылдам дамушы ортада өмір сүруге қабілетті, өзіндік дамуға даяр, өзін таныта алатын және өзі үшін де, қоғам үшін де мүмкіндігін пайдаланатын жоғары білімді, шығармашыл, құзыретті тұлғаны қалыптастыру. Қоғам тұлғаны қаншалықты жетілдірсе, жетілген тұлға соншалықты дәрежеде дамиды. Сондай дәрежеге жеткізу үшін оқушының бойында мықты білім болуы керек. Ол білімді беретін ұстаздың өзінің теориялық білімі терең, шығармашыл, жан-жақты дамыған жаңашыл болғанда ғана жүзеге асады. Олай болса оқушыны өз ұстазына іспеттес, ойлау қабілеті жоғары, өз ойын еркін жеткізе алатын, адамдармен қарым-қатынас жасай алатын, қоғамда өз орнын анықтайтын тұлға дәрежесіне дейін жеткізіп үйрету қажет. Оқушы қазіргі уақытта алған білімін іс-тәжірибеде қолдана алатындай, оны іске асыра алатындай болуы үшін оқыту үрдісін жаңаша ұйымдастыру керек. Ол үшін оқытудың арнайы принциптерін сақтап, оны жүйелілікпен орындау қажет. Оның біріншісі – пәнаралық байланысты сақтау. Сонымен бірге, тағы ерекше принциптердің бірі – сабақтың әр кезеңінде оқытудың түрлі әдістері мен формаларын қолдану. Принциптің тағы бірі – адамгершілік пен сабақтастық және бірлестік. Сабақта мен өзім білім баспалдағының бағыттаушысы, жетекшісі ретінде болуға тырысамын. Осы принциптер сабақта озық жаңа технологияны қолданғанда, соның ішінде модулдік, даралап-саралап оқыту, проблемалық және интерактивті оқыту технологияларын пайдаланғанда іске асады. Қай технологияны қолдансам да сабақта негізгі құзыреттіліктер коммуникативті, ақпараттық және проблеманы шешу құзыреттіліктері айқын көрінеді. «СТО» технологиясын қолданғанда менің қызметімде оқушылырдың өз беттерімен оқуы, талдауы, бір-біріне түсіндіруі және басқаны тыңдай білуі, ең негізгі сабақта өздерін бағалауы мен шығармашылық қабілеттері шыңдала түседі. Олай болса оқушы алған білімін өз тәжірибесінде қолдана алады және білімнің керек екенін түсінеді. Бұл технологияның оқушыға тигізер тағы бір пайдасы – танымдық белсенділігі мен пәнге деген қызығушылығы артады. Міне, сондықтан сабақтағы жағымды эмоциялар тұлғаның өзін-өзі дамытуына одан сайын қызығушылығын арттырады. Сонымен қатар, сабақта интерактивті құралдар, интерактивті тақта, электрондық оқулықтар қолдану, виртуалды зертханалық жұмыстар жүргізу оқытудың тиімділігін дамытады. Компьютерді қолдану арқылы оқушылардың қызығушылықтарын дамытуда жағымды жағдай туғызады, танымдық белсенділігін дамытады. Оқушы қосымша тапсырмаларды интернет көзін пайдалана тауып, оны өңдеуге жаттығады. Қазіргі кезде білім саласындағы тағы бір мәселе – оқушының өзінің құзыреттілік деңгейін дұрыс бағалауы. Соған сәйкес әр оқушы өзінің оқу жетістігін дұрыс бағалауы үшін матрицаны ұсындым, онда оқушының білім сапасы тек ББД негізінде ғана емес, қоршаған ортада тұлғалық, дүниетанымдық және азаматтық көзқарастарын қалыптастыруға көмектеседі. Осыдан келіп толық дұрыс білім алған адамның бойында табиғатқа, қоғамға және өзін-өзі тануға деген жалпыадамзаттық, париоттық сезімдер туады. Бүгінгі күнде баламен жұмыс істеу өзімді одан әрі дамытуға жетелейді. Мен ешқашан бір орында тоқтап қалмай, өзім ғылымда, қоғамда болып жатқан өзгерістерді тануға ұмтыламын. Менің педагогикалық қызметімнің ең негізгісі – өзімнің теориялық білімімнің терең болуы мен жаңа озық технологияларды пайдалану, қоғамдағы адамдарға, оның ішінде балаларға деген құрмет пен сүйіспеншілік және өз ісімдегі іскерлік. Әр ұстаз бойындағы ерекшеліктер елімізде әлемдік білім моделін жасағанда ғана көрінетін болады. Қазіргі кезде білім саласында оқытудың заманауи технологиясы жан-жақты қолданылуда. Электронды оқыту әдіс-тәсілдерін мектепке енгізу – жаңа білім берудің басты талабы. Әрі бүгінгі таңда мектепке, мұғалімдерге зор талаптар жүктеліп отыр. Әр мұғалім күнделікті сабақта өз ісін зерттеп, жаңашыл әдіс-тәсілдермен оқушының білім сапасын арттыруы керек. Соңын бірі – ақпараттық технология. Ғалымдар келесі инновациялық технологияларының түрлерін ұсынады: құрылымдық-логикалық технология, интеграциялық технология, ойындар технологиясы, тренингтік технология, сұхбаттық технология, ақпараттық технология. Қазіргі инновациялық технологиялардың жиі қолданылатыны – ақпараттық технологиялар. Оларды пайдалану барысында біз көбінесе компьютерді қолданып, сабақты түрлендіріп, пәнге деген қызығушылықты дамытамызОқытудың техникалық құралдары өте көп. Тек тиістісін таңдап, дұрыс қолдана білген жөн. Мектебімізде осындай техникалық құралдарды пайдалану үшін жақсы жағдай жасалған. Ол үшін компьютер кабинеттері жабдықталды, 8 интерактивтік тақта орнатылды, ғаламторға шығу жолы бар. Қазақ тілі сабақтары мүмкіндігінше мультимедиа кабинетінде өткізіледі. Сабақта компьютерді қолдану мәтіндер мен ақпаратты білуге жол ашады. Тіпті әлсіз оқитын оқушылардың өзі компьютермен жұмыс істеуге қызығады, себебі кейбір жағдайларда компьютер білмеген жерін көрсетіп, көмекке келеді. Интерактивті технологияларды әр сабағымызда пайдалана алсақ, зияткерлік қабілеті дамыған, коммуникативтік дағдылары қалыптасқан, алған білімдерін тәжірибеде пайдалана білетін бәсекеге қабілетті тұлға қалыптастыра аламыз.Білім беруде оқушыны білім ақпаратымен қамтамасыз етіп қана қоймай, олардың бойында бағдарламалық дағдылар мен икемдерді де қалыптастырып, шығармашылықпен жұмыс істеуге үйретуіміз керек. Тиімді әдістердің бірі – электрондық оқулықтармен жұмыс істеу. Компьютермен өткізілген әр сабақтан соң оқушы бақылау жұмысы арқылы өз білімдерін бекітеді. Бала өз білімін өзі тексере алады, өз бетінше оқуға қызығады, өз білімін көтеруге ұмтылады. Компьютерге тест жұмыстарын, тәжірбиелік тапсырмалар әзірлеу дәстүрге айналды. Компьютердің білім беру құралы ретінде кең таралуының негізгі алғы шарттарын ғалымдар төмендегідей саралайды: 1. Компютер шексіз ақпарат әлеміне енуге және ақпаратты жүйелі түрде талдап, сараптауға мүмкіндік береді. Ақпаратты алудағы жоғары жылдамдық адамның ақпараттық мәдениетінің өсуіне жағдай жасайды. 2. Компьютер адамның зерттеу-танымдық әрекетінің әмбебап құралы ретінде ерекшелінеді. 3. Өзге құралдардан компьютердің ерекшелігі – оның қатысымдық құрал бола білуі. Яғни, білімгер ол арқылы қатысымның барлық түрлерін жүзеге асыра алады. Бұл – мәтіндерді оқу, сұхбат жасау, жазу, тыңдау әрекеттері. Тіл үйренуде бұл мүмкіндіктер ең маңызды болмақ. 4. Құрал білімгерлерге өз әрекеттерінің нәтижесін айқын көрсете алады. Білім алуда дұрыс шешім жасай білуге деген оқушылардың өзіндік тәсілін, стратегиясын қалыптастырады. 5. Компьютердің көмегімен жаттығулардың кешенді түрлерін аз уақытта орындау мүмкіндігі туындайды. Техникалық прогресс пен ғылыми ақпарат көлемнің ұлғая түсуі мұғалімнің кәсіби біліктілігі мен тұлғасына қойылатын талаптардың арта түсуіне алып келеді. Бүгінгі таңда мектептің оқу үрдісін жетілдіру үшін инновациялық білім беру технологияларын пайдаланудың тиімділігін өмірдің өзі дәлелдеп отыр. Инновациялық іс-әрекет – дәстүрлі іс-әрекеттен түбірлі түрде ерекшеленіп тұратын индивид қызметінің негізгі түрлерінің бірі. Ол барлық уақытта қарама-қайшылықтар болған жағдайда іске асырылады. Білім берудегі инновациялар арнайы жобаланған, әзірленген немесе педагогикалық бастама ретінде кездейсоқ ашылған жаңалықтар болып табылады. Қазіргі заман талабына сай білім беру саласы да қоғам мүддесіне лайықты болуы керек. Еліміздің ертеңі өскелең ұрпақтың еншісінде, ендеше оларға білім беру ісін әлемдік стандартқа сәйкес етсек қателеспеспіз.

Пайдаланған әдебиеттер:1. Н.Қ. Мухамадиева, Н.Ә. Үстемір «Қазақ тілін оқыту әдістемесі», Алматы, 2002.2. «Қазақ тілі мен әдебиеті орыс мектебінде» журналы, 2009-2010 ж.ж.3. К.Ж. Бұзаубақова. Жаңа педагогикалық технология (оқулық). Тараз. ТарМУ, 2003 ж. 4. Қ. Өстеміров, А. Айтбаева, Қазіргі білім беру технологиялары, Алматы, 2006 ж. 5. Педагогика жаршысы, №4, 2010 ж. 6. Қазақ тілі мен әдебиеті, №5, 6, 2009 ж.7. Ж. Садуова, Инновациялқ технологияларды білім беруде қолдану, Алматы, № 5, 2006 ж.

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!