мақала: Туризм саласы

Мақала

Тақырыбы: «Туризм саласы».

Орындаған: «Туризм» мамандығының 2 курс студенті Бақыт Бибігүл.

Туризм саласы

Туризм (франц. tourіsme, tour – серуендеу, жол жүру) – адамның жан рахаты үшін, емдік-сауықтыру, жұмыс бабымен өзге елге немесе ел ішінде саяхат жасауы, өз еркінше көңіл көтеру мен демалу үшін, тәуекел жасау үшін, көріп қызықтау үшін, саяхаттап баруы. Жақын жердегі қысқа мезетті орындалатыны - серуен делінсе, алыс жерге аттанған ұзақ мерзімдісі - саяхат делінеді.

Туризм саласы қазіргі таңда қарқынды дамып жатқан салалардың бірі. Әлемдік өндірістің әрбір 9-шы жұмыс орнын туризм қамтамасыз етеді.

Туризмнен түскен табыс мұнай, өнімдері және автомобиль экспорты табысынан кейін тұрақты 3-ші орында келеді.

Қазақстандағы туризм саласының қарқынды дамуының бір дәлелі, салынып жатқан жаңа ғимараттар мен ескі ескерткіштердің реконструкциядан өтуі, сонымен қатар, 2017 жылы өткен «Экспо-2017 Болашақ энергиясы көрмесі» де туристтерді біздің елімізге жиілеп келуіне өз үлесін қосты. Қазақстанда туризм саласында қызмет ету үшін сапалы білім беру ордаларын дұрыс таңдаған абзал! Сіздерге Тараз Сервис және Технология колледжін ұсынғым келеді. Бұл колледжде Туризм саласын тереңінен зерттеп, сонымен қатар еліміздің туризм саласын жақсарту мақсатында өз үлестеріңізді қосқыларыңыз келсе, біздің колледжге оқуға шақырамын!

Туристерді жағымды пікір ғана емес, қайта тұмса табиғат, тылсым құбылыс, ғажайыптар, тәуекелдер, бұрын-соңды болмаған жаңалықтар, басқа да оларды өз елдерінде бола бермейтін ерекше жағдай мен көңіл күйлер шақырады. Сондықтан туризмді дамыту үшін туристік өңір туралы романтикалық (бәлкім тылсым, бәлкім қорқыныш, бәлкім таңғажайып) түсініктердің қалыптасуына айырықша мән беру керек.

Әрине, туристердің бәрі де тек көңіл ашумен шектеледі деуге болмайды, турист өзінің туристик сапарында емдік-сауықтыру мақсатында, құлшылық ету мақсатында және тағы неше-түрлі мақсаттармен шығатын адамдар да туристтер қатарына жатады.

Қорытындылай келе, туризм – тек демалу ғана емес, жан рахатымен сергіп, ауруын жазып, құлшылық жасап, туыстарына қонаққа да баруы туризм саласына кіреді. Туризм саласы Қазақстанда жақсы дамып жатқан салалардың бірі.