Мақала "Үш тілділік заман сұранысы"

Үштілділік жаңа заман сұранысы

Бүгінгі мақаламды үштілділік жайлы жазып отырмын. Кез келген мемлекет үшін тіл – халықтың аса құнды, баға жетпес мұрасы және тәуелсіздіктің нышаны болып табылады. Тіл – тәуелсіз елдің мәдениеті мен салт-дәстүрінің мәйегі. «Әрелдің салты басқа...» демекші, елді ел қылатын, ұлтты басқа ұлттан ерекшелейтін де осы тіл болмақ. Әр-ұлт өз тіліне дініне құрметпен қарайтыны сөзсіз. Біздің еліміз көп ұлтты мемлекет. Сондықтан көп тілді мемлекет деуге болды. Қазіргі кезде заман сұранысына байланысты ағылшын тілін үйрену міндет болып тұр.

Ағылшын тілінің маңыздылығы жайында елбасы: «Ағылшын тілінің қажеттілігі әлемге тән қажеттілік, бүгінгі күн талабы. Ал орыс тілін жақсы білу – біздің байлығымыз». «Жаңа әлемдегі жаңа Қазақстан» атты Жолдауында: «Қазақстан бүкіл әлемде халқы үш тілді пайдаланатын жоғары білімді ел ретінде танылуға тиіс. Бұлар: қазақ тілі - мемлекеттік тіл, орыс тілі - ұлтаралық қатынас тілі және ағылшын тілі - жаһандық экономикаға ойдағыдай кірігу тілі» деп мәлімдеді.

Олай болса бүгінгі таңда ағылшын тілін үйренбейінше алға басу да жоқ. Қарапайым тілмен айтқанда қазір әлем өте жылдам қарқынмен даму үстінде. Сағат санап жаңа технологиялар көбейуде. Ал жаңа технологияның тілі ағылшын тілі, осы бағытта Ақсу қара металлургия колледжінде «Үштілділік заман талабы» колледжішілік жоспар бойынша жұмыс жүргізілуде. Жұмыс жоспарының мақсаты заманауй білікті кадрлар дайындау. Осы бағытта оқытушылардың ағылшын тілі біліктілікін арттыру көзделуде. «Жұмыла көтерген жүк жеңіл» - дегендей ата-аналар болып, ұстаздар болып болашақ жас ұрпағымыздың білікті де білімді үштілді меңгерген азамат болып қалыптасуына ат салысайық. Болашақ бүгіннен басталады. Болашағымызды бұлыңғыр етіп алмайық. Тіл үйрену айтуға қиын көрінуі мүмкін. Бірақ технологияның күшімен сізде ынта болса бір аптаның ішінде-ақ үйреніп аларыңыз сөзсіз. Еліміздің дамуына бірлесе отырып үлес қосайық!

Майтах Алтай, Ақсу Қара метталургия колледжінің

ағылшын тілі пәні оқытушысы