«Машамен мультфильмдер әлеміне саяхат»

Шеберлік сағаты

Дайындаған: Тәжірибе жетекшісі

Алматова Г.М.

ҚМ-406

Алматы, 2025 ж

Сабақ тақырыбы: «Машамен мультфильмдер әлеміне саяхат»

Сабақ форматы: Интерактивті квест-сабақ, пікірталас, сұрақ-жауап, практикалық, интерактивті.

Қатысушылар:

• Мұғалімдер

• Студенттер – болашақ балабақша тәрбиешілері

• Барлық қатысушылар балабақша балалары рөлінде тапсырмаларды орындайды

• Бір студент «Маша бейнесінде» болады және барлық аялдамаларды жүргізеді.

Сабақ мақсаты:

• Болашақ тәрбиешілердің шығармашылық, коммуникативтік және ұйымдастырушылық қабілеттерін дамыту;

• Балабақшада мультфильм кейіпкерлері арқылы квест-сабақ ұйымдастыру үлгілерін көрсету;

• Электронды квест, ойын технологияларын тәжірибеде қолдану.

• Жасанды интеллект пен инновациялық технологиялардың қазіргі білім беру, қоғам және кәсіби ортадағы рөлін терең түсіндіру.

Міндеттері:

• Квест элементтері арқылы студенттердің қызығушылығын арттыру;

• Мультфильм сюжеттері арқылы логикалық ойлау, жылдамдық, топтық жұмыс дағдыларын дамыту;

• Болашақ кәсіби қызметке қажетті әдіс-тәсілдерді меңгерту.

Сабақтың безендірілуі:

• Әуежай және ұшақ форматы (тіркелу аймағы, ұшақ салоны);

• Экран, проектор, интерактивті тақта;

• Билеттер, паспорттар, бортсеріктер бейнесі;

• Әр мультфильмге арналған визуалдар, дыбыстар, фондық музыка.

Шеберлік іс-шараның барысы

I. Кіріспе кезең – «Әуежайда қарсы алу»

Стюардесса рөліндегі студенттер қонақтарды қарсы алады. Әр қатысушыға «ұшақ билеті» мен «мультпаспорт» таратылады. Қонақтар өз орындарына жайғасып, балабақша балалары рөлінде әрекет етеді.

Стюардесса сөзі:

Құрметті жолаушылар! Сіздерді «Машамен мультфильмдер әлеміне саяхат» рейсінде қарсы аламыз! Белдіктеріңізді тағып, қиял әлеміне аттануға дайын болыңыздар!

Бұл кезеңде қатысушылар бір-бірімен танысып, ойынға дайындық жасайды. Әуежай атмосферасын құру үшін әуен ойнайды, шамдар жарқырайды, кейбір қатысушылар «багаж» және «паспорт бақылау» рөлін атқарады.

II. Ұйымдастыру кезеңі – «Ұшуға дайындық»

Ғажайып сәт басталады: топқа мультфильм кейіпкері Маша кіріп келеді. Ол бүгінгі саяхат туралы айтып, әр аялдамада тапсырмалар болатынын ескертеді және балалардан көмек сұрайды.

1. «Әуе шарлары»

Ұшуға аттанбас бұрын жағымды және қызықты ахуал туғызу мақсатында әр шардың астына жеңіл сұрақтар немесе тапсырмалар орналастырылады.

• Қатысушылар сұрақтарға жауап береді.

• Шарда көрсетілген сан бойынша сәйкес ұяшықты тауып, сыйлық немесе смайлик алады.
  Бұл кезең қатысушылардың көңілін көтеріп, қызығушылығын арттыруға бағытталған.

III. Негізгі бөлім – «Машамен саяхатқа аттанайық!»

1-аялдама: «Маша және Том мен Джерри»

Формат: Электронды квест ойыны
Мақсат: Мультфильм кейіпкерлерін құтқару арқылы логикалық ойлау және санау дағдыларын дамыту.
Шарты:

• Маша Том мен Джерридің еліне келеді.

• Джерриді құтқару үшін экрандағы сандармен белгіленген ұяшықтарды таңдап, тапсырмаларды орындау қажет.

• Әр ұяшықта мектепке дейінгі балаларға арналған қарапайым математикалық және логикалық есептер бар.

• Дұрыс орындалған әр тапсырма сайын Джерри Томнан бір қадам алыстайды.

2-аялдама: «Головоломка»

Формат: Жады және сәйкестендіру ойыны
Мақсат: Балалардың есте сақтау қабілетін, сәйкестендіру дағдыларын дамыту.
Шарты:

• Маша балалармен бірге «Головоломка» әлеміне саяхат жасайды.

• Үстел үстінде карточкалар теріс қаратылып орналасады.

• Әр кейіпкердің екі фотосуреті бар.

• Қатысушылар кезекпен карточкаларды ашып, екі бірдей фотосуретті табуы керек.

Сергіту сәті – «Машаның қимылын қайталайық»

• Жасанды интеллект арқылы жасалған Маша кейіпкерінің қимылдарын барлық қатысушылар қайталайды.

• Бұл кезең белсенділікті арттырып, көңіл-күйді көтеруге арналған.

3-аялдама: «Маша мен Аю»

Формат: Шығармашылық рөлдік ойын
Мақсат: Қатысушылардың шығармашылық қабілеттерін дамыту, топтық жұмысқа баулу.
Шарты:

• Қатысушылар екі топқа бөлінеді.

• Берілген киім үлгілерін дайын кесінділер арқылы безендіріп, мультфильм үзіндісін қайталау қажет.

• Дайын киімдерді дұрыс орналастыру арқылы мультфильм кейіпкерлерін тірі кейіпкерлер сияқты көрсету керек.

• Бұл кезеңде топтық ынтымақтастық пен креативтілік шыңдалады.

IV. Қорытынды бөлім – Рефлексия

• Қатысушыларға жасанды интеллект арқылы жасалған арнайы кітапша ұсынылады.

• Кітапшада бүгінгі саяхаттағы барлық аялдамалар, тапсырмалар және мультфильмдер әлемінен көріністер иллюстрация түрінде көрсетіледі.

• Қатысушылар шара барысында алған әсерлерін бөлісіп, өз ойларын ортаға салады.

• Шара соңында барлық қатысушыларға сертификаттар немесе шағын естелік сыйлықтар беріледі.