математика сауаттылығы

Математикалық сауаттылық

Түсінік хат

Математикалық сауаттылық – мазмұнына сандар мен оларға қолданылатын амалдарды, шамаларды, есептерді, алгебра, геометрия элементтерін біріктірген, олардың өзара байланысы мен өзара әсерлесуін жүзеге асыратын кіріктірілген оқу пәні. 1-4 сыныптардың оқушыларының абстрактілі ойлау деңгейі-дәстүрден тыс және қызықты тапсырмаларды орындауға қажетті логикалық пайымдаулар құру, ой қорытуды жүргізе алу біліктерін қалыптастыру бойынша жұмыстар жүргізуге мүмкіндік береді.

Бүгінгі күні математиканың қолданылмайтын жері жоқ. Сондықтан әр оқушыны математикалық сауаттылықтың жоғары деңгейіне жеткізу міндеті тұр. «Математикалық сауаттылық » бағдарламасы арқылы оқушылар тез ойлау, жылдам есептеу дағдылары қалыптасады. Бұған қоса математикалық, логикалық, танымдық мағлұматтарды меңгереді, ақыл-ойы, ойлау қабілеті жетілдіріледі.

     «Математикалық сауаттылық » курсы бағдарламалық талаптарға сай ұйымдастырылып,

1 сыныпта: аптасына 1 рет жүктемемен, жылына 33 сағат,

2 сыныпта : аптасына 1 рет жүктемемен , жылына 34 сағат,

3 сыныпта : аптасына 1 рет жүктемемен , жылына 34 сағат,

4 сыныпта : аптасына 1 рет жүктемемен, жылына 34 сағат

жүргізіледі .

Мақсаты :

Мемлекеттік білім стандарты деңгейде білім, білік және дағдыларды игерту; Баланың тұлғалық қасиеттерін: ақыл-ойын, сезімдерін, танымдық және шығармашылық қабілеттерін, ойлау әрекеттерін дамыту, оқушыларға математакалық білім, білік, дағдыларын игерту; шығармашылық қабілеттерін арттыру; зейінін, еске сақтау, байқағыштық, қиялдау, танымдық іс-әрекеттерімен өздігінен білім алуға, ізденуге бейімдеу.

Оқушының ақыл-ойының математикалық стилін, интеллектуалдық және ерік пен сезімге қатысты сапаларын дамыту;

мектептің негізгі сатысында оқуға, меңгерген математикалық білімін өмірде қолдануға жан-жақты дайыңдауды жүзеге асыру.

Міндеті:

• Баланың тұлға ретінде қалыптасуына, оқушының ақыл-ойын дамытуға, интеллектуалдық және ерік пен сезімге қатысты белсенділігін қалыптастыруға мүмкіндік туғызу;

• Математиканың өмірде болып жатқан нақты құбылыстарды жалпылауға жөне қоршаған болмысты танып-білуге көмектесетін ғылым болып табылатыны туралы түсініктердің қалыптасуына ықпал ету

• Ақыл-ойын және ерік пен сезім белсенділігін арттыру;

• Логикалық ойлау қабілеттерін арттыру;

• Математикалық тілде сөйлеу машығын қалыптастыру;

• Оқушылардың танымдық қабілетін дамытып, қызығушылығын арттыру.

Күтілетін нәтиже:

- Оқу іс-әрекеттерін өз бетімен жоспарлауды, бақылауды орынды қолдануға үйренеді

- Әртүрлі кесте бойынша есеп құрастыруға жаттығады

- Шамаларды салыстыра білуге үйренеді

- Кез-келген есепті шығаруға дағдыланады

- Шығармашылықпен жұмыстана бастайды