«Математикалық интеллектуалдық ойын-сайысы»

Мақсаты: Қарапайым мысалдар мен тапсырмаларды орындай отырып, 10 көлеміндегі сан мен цифр туралы ұғымдарын қалыптастыру. Заттардың көлемін, орналасу кеңістігін анықтауға бағдарлау қабілеттерін тексеру. Геометриялық пішіндерден бейнеқұрастыру арқылы логикалық ойлау қабілетін дамыту. Математикалық ойындарға деген танымдық қызығушылығын тәрбиелеу.
Керекті құралдар: цифрлар, цифрлар кестесі, геометриялық пішіндер.

 Бағдарламада:

* 1сайыс : «Көңілді сандар сайысы»

* 2 сайыс: «Ойнап өсте,ойлап өс!»

* 3сайыс: «Қызықты  математика»

* 4сайыс: «Көлемін анықта»

* 5сайыс: «Кім жылдам»
* 6сайыс: «Ұрысқақ пішіндер»

* 7сайыс: «Сиқырлы пішіндер»

* 8 - Қорытынды.

Сайыс барысы:

Біздің   Балабақшада  «Ересектер»  тобында  өткелі  отырған Математикалық интеллектуалдық ойын-сайысына қош  келдіңіздер! Қатысқалы   отырған    бүлдіршіндерімізге   сәттілік  тілей  отырып,  ортаға  шақырайық.

Жүргізуші:

Өнердің  нәр  береді  шапағаты,

Әркімнің  өнерге  бар  махаббаты.

Талпынып сайыскерлер шықты  қане,

Көрермен қошеметпен қол  соғады.

Бүгінгі сайыстың әділ  бағасын  беріп, сайыстың  жеңімпазын анықтайтын әділ-қазылар  алқасымен  таныс болыңыздар!

Балабақша  меңгерушісі - Гүлнар Төремұратқызы

Балабақша  әдіскері - Гүлдана Өркенбековна

1-сайыс: «Көңілді сандар сайысы»
Менің тапсырмамды мұқият тыңдаңдар. Кеше барлығы дұрыс болған бірақ кеше түнде қатты дауыл тұрып, сандар өз реттерін жоғалтып алды. Олар өздері аң-таң не боп кетті деп, шулап бір – бірін тыңдамай жатыр. Бізге олардың көмегі керек сияқты.

2 – сайыс: «Ойнап өсте, ойлап өс!»

Қазір  мен сендерге  сұрақ  қоямын, кім  тез және  дұрыс  жауап  берсе, соған  1 ұпайдан  қойылады. Сұрақты  жауап  берер кезде  қолымызды жоғары  көтереміз.

1. 5 санынан кейінгі қандай сан?

2. Қандай пішіндерден  үй  салуға  болады?

3. 3 бұрышы, 3қабырғасы  бар бұрышты  ата?

4. Жеті санынан тұратын  ертегіні ата?

5. Күзде жаңбыр жауады, ал қыста не  жауады?

6. Бұта аласа,ал ағаш .........

7. Піл үлкен, ал  тышқан  ?

8. Аспанда қанша  күн  бар?

9. Қоянның құлағы  нешеу?

10. Айгерім қыз  бала,  Даниял ...........

3 сайыс: «Қызықты  математика»

Ол үшін мен сендерге бір-бір конверт  таратамын. Ішінде бір есептен  жасырылған. Бұл  логикалық  есептер

1. Ағашта үш  құс  отыр, оған  тағы  екі  құс  келіп  қосылды. Ағашта  қанша  құс  отыр?

2. Қолыңда бес  алма, табақта  екі  алма  барлығы  болады  неше  алма?

3. Қойбүлдіргеннің сабағында 5  бүлдірген  өсіп  тұр. Екі  қойбүлдірген пісіп үзіліп  түсті.Сабақта  қанша  қойбүлдірген  қалды?

4. Қоянда 4 сәбіз  бар еді, ал  оған  кірпі  тағы  3 сәбіз  берді. Сонда  қоянда  барлығы  неше сәбіз  болды?

5. Сымда 6 торғай  отыр  еді, 2 –еуі  ұшып кетті. Сымда  неше торғай  қалды?

6. Жайылымда 3 бұзау жайылып  жүреді, оған  тағы  2 бұзау  қосылды. Жайылымда  неше  бұзау  болды?

3 сайыс – «Шешуін тап»

Екі топқа төрт әріптен құралған сөз құрастыруға – 4 мысал беріледі. Топ мүшелері үстелге жақындап бір конверттен алыңдар. Топтарыңмен бірігіп конверттің ішінде берілген есептерді шығара отырып, шыққан санды мына кестеде көрсетілген әріппен белгілеулерің қажет.
2+1=О
3+2=Т
5 - 1=А
4+3=Н
О Т А Н
3 5 4 7

1+3=Қ
2+4=А
5 - 4=Л
4 - 2=А
Қ А Л А
4 6 1 2

Біздің Отанымыз - Қазақстан.
Біздің қаламыз –Балқаш

- Балалар,  сендер  есеп  шығарып  шаршап  қалған  сияқтысыңдар. Бәріңді  ортаға шақырамын. Қане  бәріміз  бірге  сергіту  жаттығуын  жасайық.

« Бүгінгі көңілді күн » сергіту сәті.

4 сайыс: «Көлемін анықта»

Тақтада көлемдері әр түрлі суреттер беріледі, балалар сол суреттерді бір – бірімен салыстырып айтып шығады.

5 сайыс: «Кім жылдам»
А) Саңырауқұлақтарды өсу ретімен қойыңдар.
Ә) Саңырауқұлақтарды кему ретімен қойыңдар.

6 сайыс: «Ұрысқақ пішіндер»

Тақтадағы геометриялық бұрыштарды атайды. Геометриялық бұрыштардың орналасу ретін айтады.

7 сайыс: «Сиқырлы пішіндер»

Екі топқа сиқырлы геометриялық пішіндерден зымыран мен пойыз құрастыру керек. «Көңілді пішіндер» тобы пойызды, ал «Сиқырлы сандар» тобы зымыранды құрастырсын. Ендеше, іске кірісіңдер!

Қорытынды.

- Балалар,  бүгінгі  сайысты  қортындылағалы  отырмыз. Барлығымыз  кім  жеңімпаз  болғанын білгісі  келіп отырған шығар. Ендеше  әділқазыларға сөз  береміз. 

- Бүгінгі  Математикалық интеллектуалдық ойын-сайысына келіп  қатысқандарыңыз  үшін  сіздерге  алғыс  білдіремін. Әрқашанда  қадамдарыңызға  нұр  жаусын!