Мәтін есептерді теңдеу құру арқылы шығару

Орындаған: Оспанова.Г.Т.

С.К.О.Шал акын ауданы

М.Ахметбеков атындагы орта мектеп

математика пәнінің мұғалімі

Тақырыбы: Мәтін есептерді теңдеу құру арқылы шығару

Бағдарлау-мотивациялық кезең. Мұғалім басшылығымен.

Бұл сондай бір нәрсе, әуелі бірдеңені білмейсің, білгің келсе, іздеп тауып аласың. Кейде есептер тек соның көмегімен шығарылады. Мен оны шығаруды ұнатпаймын. Өйткені нашар білемін. Олардың жапырақтары мен сабақтары бар ма екенін білмеймін, ал түбірлері бар. Кейде жоқ болуы да мүмкін. Бастауыш сыныптарда олар -қарапайым, алтыншы сыныпта – сызықтық, ал сегізінші сыныпта квадраттық деп аталады. Бұл не? Жауабы: Теңдеу

Түрлі түсті стикерлер арқылы топқа бөлу.

ІІ. Мағынаны ажырату.

1-тапсырма:

Бір ерігіп отырған бай Алдаркөсені мазақ ету үшін үйіне қонаққа шақырыпты. Тамақ ішіп болған соң,бай жұрт көзінше: «Алдаркөсе, сені жұрт «жақсы есеп біледі» деп жүр. Менің жасым 26-да. Ал ұлым 6 жаста. Мен неше жылдан кейін ұлымнан үш есе жас үлкен боламын? (30 жас, 10 жас)

Егер мен зейнеткерлік жасқа жеткенде мені мен ұлымның жасының айырмасы қанша? (20 жас)

Жауабын негіздеңдер.

2-тапсырма:

Қ орада тауықтар мен лақтар бар. Олардың бастарының саны 19, ал аяқтарының саны 40. Сонда қорада неше лақ, неше тауық бар?

Егер бастарының сандары белгісіз болса, онда барлық мүмкін болатын жағдайларын жазыңыз.

3-тапсырма:

Сауыншының бірінші бидонында екіншісіне қарағанда үш есе көп сүт бар. Егер бірінші бидоннан екінші бидонға 20 л сүт құйса, онда екі бидондағы сүттің көлемі теңеседі. Бидондардағы барлығы неше литр сүт бар?

Дұрыс жауапты таңдап ал:

А) 40

Б) 90

В) 80

Г) 120.

Егер барлығы 160 л сүт болса, онда әрбір бидонда неше литр сүт болады?

Егер бірінші бидонға 10 л сүт құйса, онда екінші бидонға қарағанда бірінші бидондағы сүт неше пайызға артады?

ІІІ. Ой толғаныс.

Рефлексиялық – бағалау кезеңі.

Өзін – өзі бағалау.

Сабақтың барысында үлестіріліп берілген «Өзін – өзі бағалау» парағы бойынша оқушылар мұғалімнің әрбір тапсырмаға берген ұпай санына сүйене отырып, өзін – өзі бағалайды.

«Өзін–өзі» бағалау баспалдағы

Бағалау шкаласы:

«5» - 35 – 40 ұпай;

«4» - 29 – 34 ұпай;

«3» - 20 – 28 ұпай.

«2» - 0 – 19 ұпай.

35 -40 ұпай

29-34 ұпай

20-28 ұпай

0 – 19 ұпай.

Үйге тапсырма:

Ежелгі есеп.

− Оқушы ұстазынан: ұстаз сізде неше шәкірт бар деп сұрапты.

Сонда ұстаз былай деп жауап беріпті: олардың жартысы математиканы оқиды, ширегі табиғатты зерттейді, жетіден бірі ойлауды ұнатады және үш әйел бар деп жауап қайтарыпты.

Дұрыс жауапты таңдаңыз

А) 30

Б) 25

В) 23

Г) 28.

2. Оқушылардыңт қандай бөлігі математиканы оқиды және уақытты бірге ойланумен өткізеді? (Эйлер шеңберімен көрсетіңдер).

3. Табиғатты оқитын бір әйел мен оқушылар барлық оқушылардың неше пайызын құрайды?

Бағалау парағы

Әр сұрақ 0-5 ұпай аралығында бағаланады.