Мәтін есептерді теңдеу (теңдеулер жүйесін) құру арқылы шығару

Сабақ жоспары

Мәтін есептерді теңдеу (теңдеулер жүйесін) құру арқылы шығару

(сабақ тақырыбы)

Модуль /пән атауы: Математиканы оқыту теориясы мен әдістемесі

      Дайындаған педагог: Сауяева Н.С.

      2021 жылғы "25" қазан

1. Жалпы мәліметтер

Курс: ІІІ

Оқу жылы: 2021-2022 оқу жылы

Топ: МЛ-19

 Сабақ типі: практикалық

 2. Мақсаты, міндеттер

2.1. Студенттерге мәтін есептерді теңдеу құру арқылы шешу алгоритмін іс жүзінде қолдана білу әдістерін меңгерту

3. Сабақты жабдықтау

  3.1. Оқу-әдістемелік құрал-жабдықтар, анықтамалық әдебиеттер

А.Әбілқасымова. Алгебра, 8-9 сынып

  3.2. Техникалық құралдар, материалдар

Интертақта, оқулықтар

Сабақтың барысы.

Сабақтың барысы

І. Ұйымдастыру кезеңі

- Сәлемдесіп,аудиторияның тазалығына назар аудару, қауіпсіздік ережесіне сай сырт кейпі мен заттарының орнында болуын қадағалау

ІІ. Үй тапсырмасын сұрау

y=ax²+bx+c функциясы, оның қасиеттері мен графигі. Студенттердің график салу жұмыстары тақтада тексеріледі

ІІІ. Жаңа сабақты түсіндіру.

1. Жаңартылған білім мазмұнына сай Мәтін есептерді теңдеу (теңдеулер жүйесін) құру арқылы шығару тақырыбына құрылған сабақ жоспары таныстырылады. (Слайд арқылы)

2. Мәтін есептерді теңдеу (теңдеулер жүйесін) құру арқылы шығару алгоритмі:

1. Алдымен есеп шартын жете түсініп, оның берілгендеріне талдау жасап алу қажет;

2. Талдау барысында «Не берілді?», «Нені табу керек?» екенін анықтап, олардың арасында нендей байланыс тәуелділігі бар екенін айқындап алу керек;

3. Белгісіз шама таңдалып алынып, ол х әріпімен (немесе латынның қандай да бір кіші әріпімен) белгіленеді.

4. Айқындалған тәуелділік заңдылығы көмегімен белгісіз бен берілгендерді байланыстыратын мазмұны бойынша теңдеу немесе теңдеулер жүйесін құрастыру қажет;

5. Құрастырылған теңдеулерді шешіп, алынған түбірлердің арасынан есеп шартын қанағаттандыратынын жауап ретінде жазу керек.

3. Интерактивті тақтада Мәтін есептерді теңдеу (теңдеулер жүйесін) құру арқылы шығару әдісі туралы бейнематериалдар көрсетіледі.

4. Мәтіндң есептерді шығару барысында қолданылатын әдіс-тәсілдер көрсетіледі.

ІҮ. Жаңа білімді бекіту кезеңі:

Топтық жұмыс. (Кластер әдісі). Геометриялық фигуралар арқылы топқа бөлу. Бірнеше геометриялық фигураларды араластырып оқушыларға таратылып беріледі. Бірдей фигураларды алған оқушылар топтасады.  

 1-топ: Моторлы қайықтың меншікті жылдамдығы 16 км/сағ. Оның өзен ағысы бойымен жылдамдығы өзен ағысына қарсы жылдамдығынан 6 км/сағ-ка артық. Өзен ағысының жылдамдығын табыңдар.       

Шешуі. Моторлы қайықтың өзен ағысы бойымен жылдамдығы (16 + х) км/сағ ,өзен ағысына қарсы жылдамдығы (16 - х) км/сағ-ка тең.Есептің шарты бойынша (16 + х) - (16 - х) = 6 теңдеуі шығады. Сонда, 16 + х - 16 + х = 6 немесе 2х = 6 немесе х = 3. өзен ағысының жылдамдығы 3 км/сағ.

2-топ:    Кітапханада ағылшын, француз және неміс тілінде кітаптар бар. Ағылшын тіліндегі кітаптар барлық шет тіліндегі кітаптардың 40% - ін, француз тіліндегілер ағылшын тіліндегінің 75% құрайды, ал қалған 210 кітап – неміс тіліндегілер. Кітапханада шет тілінде неше кітап бар?

Шешуі: 0,4x+0,3x+210=x 0,7x+210=x x-0,7x=210 0,3x=210 x=700        Жауабы: шет тілінде 700 кітап бар

3-топ:    Әкесі екі баласына 700 м2 жерді мұраға қалдырды. Кіші ұлының еншісі үлкен ұлының еншісінің ¾ бөлігіндей болса, онда үлкен ұлдың еншісіне қанша жер тиді? 

Шешуі: 3/4x+x=700 7/4x=700 x=700*4/7 x=400       Жауабы: үлкен ұлдың еншісі 400 м2

Дескриптор: Білім алушы

• есептің шартына байланысты математикалық моделін құрады;

• теңдеуді құрастырады;

• өзінің құрған теңдеуінің түбірін табады;

• есептің жауабын негіздейді.      

Жұптық жұмыс.    Деңгейлік тапсырмалар беріледі. Оқулықпен жұмыс.

С деңгейінің тапсырмалары       

Бірінші жүйектегі бүлдірген түптерінің саны екінші жүйектегі бүлдірген түптерінің санынан 2,5 есе артық. Бірінші жүйектен 12 түп бүлдіргенді алып, екінші жүйекке отырғызғанда, екі жүйектегі бүлдірген түптерінің саны бірдей болды. Алғашқыда екінші жүйекте неше түп бүлдірген болды?

Шешуі: 2,5х-12=х+12 Жауабы: х=16 және 40 бүлдірген.

В деңгейінің тапсырмалары. Ағаш дайындау жұмысына үш бригада қатысты. Бірінші бригадада барлық жұмысшылар санының 36% - і, ал екінші бригадада біріншіге қарағанда 72 адам артық болды. Қалған 124 жұмысшы үшінші бригадада еді. Үш бригадада барлығы неше жұмысшы бар?.      

Шешуі:  0,36x+0,36x+72+124=x; 0,72x+196=x; x-0,72x=196; 0,28x=196        x=700

А деңгейінің тапсырмалары        Бірінші бидонда екіншіге қарағанда 3 есе артық сүт бар. Бірінші бидоннан алып екіншіге 20 л сүт құйса, онда бидондардағы сүт мөлшері бірдей болады. Әрбір бидонда қанша сүт болған?

Шешуі: 1-бидонда - 3х  2-бидонда – х; 3х - 20 =x+20; 3x-x=20+20; 2x=40; x=40:2; x=20 Жауабы: 1-бидонда 3*20=60 л, 2-бидонда 20 л сүт бар

Дескриптор:     Білім алушы

- есептің шартына байланысты математикалық моделін құрады;

- теңдеуді құрастырады;

- өзінің құрған теңдеуінің түбірін табады;

- есептің жауабын негіздейді.

Есептер шығару. Студенттерге мәті