мазмұндама Ақ тоқаш

Сынып: 4 «б» Күні: 24.04.18. Пәні: қазақ тілі Мұғалім: Ж.Бахитова Бекітемін:

Сабақ тақырыбы: Мазмұндама

Сабақ мақсаты:: мәтін мазмұнында сөздер мен сөз тіркестерін пайдаланып сөйлем құрастыру дағдысын қалыптастыру;

-сауатты жазуға төсілдіру;

-ұқыптылыққа,еңбекті бағалауға тәрбиелеу.

  Сабақтың әдісі: сұрақ – жауап, әңгімелеу

Ұйымдастыру бөлімі:

Психологиялық дайындық

  Ой қозғау.

Қасиетті тағам не? Нанның түрлерін ата?

Мәтінмен танысу. Мәтінді оқып беру.

  Ақ тоқаш.

  Түс кезі.Екі дос мектептен қайтты. Қызу әңгімелесіп,тым көңілді келеді. Екеуінің қолында ішінде шұжығы бар ақ тоқаш. Сөз арасында ұрттары бұлт-бұлт етіп, қаужалап қояды. Қажыкен нанның бір кішкене қалдығын қағазға орап,сөмкесіне салып қойды. Ал Болат өзі тойғаннан кейін тоқашының қалғанын бір кескен шұжығымен жолға қарай лақтырып жіберді. Оның үстіне тоқашты доп етіп теуіп, қуалай жөнелді.Нанды домалатып біраз жерге апарып тастады. Қажыкен досын қуып жетіп,оған ұрысты. Ағыл-тегіл байлық,мыңдаған адамдардың еңбегі,маңдай тері соны бағалай біліп,нанға ұқыпты қарау керек екендігін түсіндірді. Қателігін кеш түсінген досы басын төмен салып,артта ілбіп келе жатты.

Түсіндірілетін сөздер мен сөз тіркестері: қаужалап,шұжығымен,қуалай жөнелді.

  Мазмұндама жоспары:

1.Көңілді екі дос.

2.Ақ тоқаш пен шұжық.

3.Жол жиегінде «доп» болған нан.

4.Қажыкеннің ақылы.

Оқушылардың әңгімелеуі. ( 3 – 4 оқушы)

Дәптермен жұмыс: Оқушылар өз ойларын дәптер бетіне жазады.

Оқушы жұмыстарын тексеру.