Қазақ тілі.

8 сынып. Тақырыбы: Мазмұндама. «Теледидар біздің өмірімізде».

Мақсаты:           Мазмұндама жазу.

 Жүйелі түрде тақырыпты ашып, мазмұндаманың өзіндік ерекшелігін сақтау.  Емлелерді есте сақтап, қатесіз жазуға баулу.

 Сабақтың түрі:  практикалы.

І. Ұйымдастыру кезеңі.

ІІ. Мазмұндама жазуға даярлану.

1. Мәтінді түсініп оқып,есте сақтау

Теледидар біздің өмірімізде.

         Теледидар пайда болғаннан бастап ғалымдар оның адамдарға беретін пайдасы мен зияны ту­ралы бір пікірге келе алмай, тар­тысып келеді. Сарапшылардың бір жағы теледидар пайдалы десе, екінші жағы пайдасынан зияны көп дегенді айтады. Теледидардың әрбір үйдің төрінен орын алғанына ондаған жыл болды, бірақ оның адамдар үшін үлкен қатер әкелетінін ешкім айтпайды.

Көрер­мен­дердің көздері шаршап, ауы­рады, бас ауруы пайда болады, ұйқы бұзылады, ағзаның пси­хофизикалық жағдайы бұзылады. Ғылыми-зерттеулер электрлік сәулелердің адам ағзасына жүздеген әсері бар екенін дәлелдеп отыр.

Қазіргі кезде теледидар үйі­міз­дің әр бөлмесінде, тіпті ас іше­тін бөлмеде де, автокөлікте де тұрады. Көгілдір экранның ал­дын­да отырып тамақ ішу, әсіресе, балалардың денсаулығына өте зиян. Бұл асқазан жарасын, гас­трит ауруларын қоздырады екен. Оларда диабет, жоғары қан қысымы, қанда хо­лес­териннің көбеюі пайда бола­ды.

2. Сұрақтарға жауап беріп сөйлесу.

-Сарапшылар теледидар туралы не дейді?

-Адамдардың денсаулығына қалай әсер етеді?

-Экранның алдында отырып тамақ ішуге бола ма?

-Қандай ауруларға шалдығады?

3.Сөздік жұмыс.

- сәулелердің, ағзаның, көрер­мен­дердің.

ІІІ. Мазмұндама жазу, тексеру, тапсыру.

  Үй жұмысы: Әссе жазу.  Теледидар және мен.