Сабақтың тақырыбы: Мейірімділік - асыл қасиет

Мақсаты:

Мейірімділіктің адам өміріндегі маңыздылығын түсіндіру.

Өзара сыйластық қарым-қатынастарын дамыту.

Мейірбандылыққа тәрбиелеу.

Көрнекі құралдар: түрлі-түсті қағаздар, гүлдің суреті, парақшалар

Барысы:

І.Ұйымдастыру кезеңі. Психологиялық дайындық.

Мейірімділік-асыл қасиетіміз,

Жүректегі таза ақ ниетіміз.

Жан дүние кілті,

Шаттық пенен күлкі.

Биік ұстап соны,

Қадірлейік біз!

ІІ.Негізгі бөлім.

1.Суретпен жұмыс

-Барлығымыз мына көріністерге назар аударайық (атыс, жарылыс, зорлық-зомбылық сияқты суреттер көрсетіледі.)

-Сендерге мына көріністер қалай әсер етті?

-Осындай қатыгездік, соғыс, зорлық-зомбылықтың туындау себебі неде деп ойлайсындар? Мейірімділік байқала ма?

(Оқушылардың жауаптары тыңдалады)

- Олай болса, бүгінгі сабағымызда адамның бойындағы жақсы қасиеттерінің бірі мейірімділік туралы әңгімелесеміз.

2.Ойланайық, пікірлесейік.

-Мейірімділікті қалай көрсетуге болады?

-Өздеріңе мейірімділік көрсеткен кезде қандай сезімге бөлендіңдер?

-Ал сендер мейіріміділікті, қайырымдылықты кімдерден үйреніп жүрсіндер?

Адамдар бір-біріне жылы сезімдерін білдіріп, айналасындағыларға тек жақсылық ойлап, игілікті істер жасау арқылы ғана мейірімділікті таныта алады. Адамдардың бір-біріне деген мейірім шапағаты - әдептіліктің белгісі.

Ана –халық ұғымында жаратушы. Олай дейтініміз табиғатты да, адамды да дүниеге әкелуші ана. Ал барлық нәрсенің дүниеге келуі үлкен мейірім мен шапағаттан пайда болады. Табиғаттың барлық жанға бірдей мейірімді болуы сондықтан. Адамның да ананың кіршіксіз мейірімен берілген мейірімділігін сақтап қалу өз қолында.

3.Ойын: «Мен қандаймын?»

Оқушыларға парақшалар таратылып беріледі. Онда адам бойындағы қасиеттер жазылған. Оқушылар берілген қасиеттер өз бойларында бар болса, сол сөздің алдынан қызыл нүкте, жоқ болса көк нүкте қояды.

(оқушыларды тыңдау)

4.Шығармашылық тапсырма

І топ: «Мейірім» тақырыбына шығарма жазу.

ІІ топ: «Асыл анам» тақырыбында эссе жазу.

(оқушылардың жұмыстары тыңдалады)

«Мейірімділік гүлін» құрастыру.

Оқушылар түрлі-түсті қағаздан әртүрлі гүлдерді қиып, жапсырмалайды.

Тапсырма

«Мейірімділік» кестесін сызып, толтыру. Бірінші бағанға - мейірімді істердің, екінші бағанға - мейірімді адамның қасиеттерінің тізімдемесін жасау.

5.«Аяқталмаған сөйлем» тренингі

1. Мейірімділік - бұл...

2. Мейірімді сөздер...

3. Мейірімділік сезімі ғана дүниені...

(оқушылар сөйлемдерді өз ойларымен аяқтайды)

Қорытынды.

- Кәне, кімнің немесе ненің мейірімді екенін кезектесіп айтып шығайық.

• Күлімдеген күн мейірімді!

• Кіршіксіз ақ қар мейірімді!

• Таза мөлдір су мейірімді!

• Бәрімізді көтеріп тұрған жер мейірімді!

• Аяулы анам мейірімді!

• Қамқоршы апам мейірімді! т.б.

Жүрегіміздегі мейірім шуағы өшпесін деп бүгінгі сабағымызды аяқтаймыз.