Қарақұлақ

Қара құлақ ойыны айналаны дұрыс бағдарлауға, бұлтарып жүгіру әдістерінжетілдіруге үйретеді.

Мазмұны.

Балалардың арасынан жеребе арқылы бір «қара құлақ қозы» сайланады. Ол ойын алаңының ортасына барып, тізесін құшақтап, басын төмен қаратып отырады. Қалған ойыншылар алаңда жүгіріп ойнап жүреді.

Ойынды жүогізуші бір кезде ойыншыларға қарап:

- Балалар, бүгін бізде кім «қара құлақ?» - дегенде, ойыншылар жан – жақтан «қара құлаққа» қарай жылжи бастайды.

Оған 2 – 3 метр қалған кезде «қара құлақ» орнынан атып тұрып, «Мен қара құлақ!» деп қаша жөнелген ойыншыларды қуа жөнеледі. Ол қай баланы ұстап алса, келесі ойында сол бала «қара құлақ» болып алаңның ортасына отырады. Ойын осылайша жалғаса береді.

Ойынның ережесі.

Ойыншыларды қолдарынан ұстау шарт емес, ойын жетекшісінің белгісімен басталады. «Қара құлақ» отыратын жер сызықпен қоршалып қойылуы керек. Ойыншылар көрсетілген алаңнан шығуларына болмайды. Егер балалар саны 20 – дан асса, 2 – 3 «қара құлақ» сайланып алынады. Ойыншылар «қара құлақтан» қашанда бір – біріне соғылысып қалмауы үшін жан – жаққа бытырай қашқандары дұрыс.

Ойын қызықты өтуі үшін, әр ойын сайын: қара құлақ күшік, қара құлақ түлкі, қарақұлақ қасқыр, қара құлақ қозы деп атттарын ауыстырып ойнаса, балалардың ойынға қызығушылығы арта түседі.

Шортан мен шабақтар

Ойын арқылы балалар тез жүгірудің әдістерін жетілдіреді, қауіп – қатерге қарамай батыл қимылдауға, қоршаған ортаны дұрыс бағдарлауға үйренеді.

Мазмұны.

Ойын алаңын сызықтар арқылы үшке бөледі. Екі шеттегі алаңдар – шабақтардың мекендері. Өйткені шабақтар судың таяз жерлерін мекендейді. Ортадағы мекен жыртқыш балық – шортандікі.

Санамақ арқылы ойыншылар араларынан 1 – 2 ойын жүргізуші – шортан сайлайды. Ол ортадағы алаңға - өз мекеніне барып тұрады.

Қалған ойыншылар – шабақтар шеткі алаңның біреуіне