Материалдар / Мектеп жұмысын өрістетудегі негізгі тұлға- Мұғалім

Мектеп жұмысын өрістетудегі негізгі тұлға- Мұғалім

Материал туралы қысқаша түсінік

әріптестерге

Шойбекова Меруерт Карсыбаевна

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

07 Желтоқсан 2018

298

0 рет жүктелген

Жаңартылған бағдарлама Мақала Басқа

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Оңтүстік Қазақстан облысы, Мақтарал ауданы, Айдар Тұяқбаев атындағы жалпы орта мектебінің директоры Сейдуалиева Сауле Жұпарбекқызы Мектептегі жұмысты өрістетуші тұлға - мұғалім Тәуелсіз ел тірегі – білімді ұрпақ десек, жаңа дәуірдің күн тәртібінде тұрған келесі мәселе – сапалы білім беріп, ғылымды дамыту, оқушы алған білімін өмірде пайдалана алу болып отыр. Осы орайдағы білім ордасы-мектеп, ал мектептің жаны – мұғалім екендігі баршаға мәлім. Ахмет Байтұрсынұлының «Мектеп керектері» еңбегінде «Мұғалім қандай болса, мектеп һәм сондай болмақшы. Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі- білімді, педагогика –методикадан хабардар, жақсы оқыта білетін мұғалім» деген екен. Мен басшы ретінде бірінші өзгеруді өзімнен бастау керек деп түсіндім. Алматы қаласындағы 9 айлық «Бақылау мен Басшылық» курсында оқып сертификатталдым. Мектептегі тәжірибе кезеңінде мектептің даму жоспарын жүзеге асыру барысында ата-ана, мұғалім, оқушыдан алынған сауалнама нәтижесі бойынша жұмыс жасадым. Әрине, оңай болды дей алмаймын. Өйткені әрбір сауалнама нәтижесіне сүйеніп отырдым. Тәжірибе кезеңінде зерттеу сабақтарын, коучинг сабақтар, дөңгелек үстелдер, семинар өткізілді. «Оқыту мен оқудағы әдіс-тәсілдердің тиімділігі» тақырыбындағы семинар қоғамдастық мектептер арасында өткізілді. Семинар жоғары деңгейде өтілді. Алматы қаласынан тренер Асхат Әлімов мырза келіп, семинарға өзінің оң бағасын берді. Сондай –ақ Асхат Әлімов мырза мектепте 25 мұғалімге «Сындарлы оқытудың құрылымы және қолдануға тиімді әдіс-тәсілдер» тақырыбында 32 сағаттық оқыту семинарын ұйымдастырды. Бұл семинар мұғалімдерге үлкен серпіліс берді. Мен өзім басқарып отырған мектепте 46 мұғалім жұмыс жасайды. Оның ішінде жоғары санатты- 4, І-санатты -15, ІІ-санатты-15 мұғалім бар. Сонымен қатар, қазіргі кездегі білім беру саласында жүргізіліп жатқан «Назарбаев Зияткерлік мектептері» дайындаған Педагогикалық шеберлік орталығында педагог қызметкерлердің біліктілігін арттыру бағдарламасын оқып сертификатталған І деңгейлі -2, ІІ деңгейлі-1, ІІІ деңгейлі – 2 мұғалім бар. Мұғалімдерімнің барлығы дерлік қазіргі заманғы оқытудың әдіс- тәсілдерімен қаруланған. Педагогикалық қызметте мақсатты тәрбие ісі мұғалімнің шеберлігі арқылы іске асады. Ұлы педагог – ғалымдардың еңбектеріне сүйене отырып, мұғалім мәдениеті мен шеберлігін, интеллектуалдығын төмендегідей бөліктермен анықтауға болады.

Мұғалімнің сыртқы келбет мәдениеті.

Мұғалімнің өзін-өзі басқару шеберлігі.

Мұғалімнің мәдениеті, әдебі, сөйлеу шеберлігі, шешендік қасиеті, дауыс дикциясы, интонациясы.

Балаларды оқыту мен тәрбиелеу ісінде жалпы әдеп атаулыны педагогикаға кіріктіріп пайдаланудың өзі де педагоктық әдеп болып табылады.Мұғалім үлкендермен қалай сыпайы және ілтипатпен сөйлессе, оқушылармен де солай ықыласпен сөйлеседі.Ол деген – мұғалімнің педагогтік әдебі. Қазіргі кезде мұғалім құзыреттілігінің ең басты міндеттерінің бірі- тиімді жоспарлауды жүзеге асыру. Мұғалім сабақты жоспарлағанда ең бірінші оқушыны ойлауы керек.1. Менің сабағым оқушыға қандай білім, дағды береді?2. Білім мен дағдылар оқушыға қаншалықты қызықты және қандай болады?3. Сабақ мақсаттарына оқушылар жете алу үшін не істеу қажет?Міне, осы сұрақтардың жауабын білетін ұстаздардың сабақ жоспары өте тиімді болады деп есептеймін. Ұстаз – киелі мамандық. Адам тәрбиелеу, оған ғылым негіздерінен мәлімет беру, баланы өмір сүруге үйрету- өте қиын. Бұған Елбасымыздың білім және ғылым қызметкерлерінің съезінде «Болашақта еңбек етіп өмір сүретіндер – бүгінгі мектеп оқушылары, мұғалім оларды қалай тәрбиелесе, Қазақстан сол деңгейде болады. Сондықтан да ұстазға жүктелетін міндет өте ауыр» деген сөзі дәлел бола алады. Ұстаз алдында отырған әрбір оқушының бойына Отанды сүюге, адами тазалыққа, ізгілікке баулуы- басты парызы. Ол үшін мұғалім қазіргі заманға лайық өзінің білім беру саласындағы ісінде рухани, шығармашылық жұмыспен шұғылданып, қазіргі заманғы технологияларды меңгерген, білігі мен білімі жоғары болуы тиіс. Сонда ғана мектеп те, мұғалім де –бала үшін қызмет етеді. Ең маңыздысы-бүкіл ұжым болып бір бағытта , бір басымдықта жұмыс істеудің тиімді екенін айтқым келеді.

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!