Мектеп оқушыларына арналған сергіту жаттығулары

Мектеп оқушыларына арналған сергіту жаттығулары

«Өрмекші торы» жаттығуы

Біз басқа адамдардың арасында өмір сүреміз. Басқалардың пікірі біздің өзіміз туралы білімімізді молайта түседі.Келесі жаттығу өзімізге басқа адамның көзімен қарауға көмектеседі. Ал бүгін мен сендерден әдепті болуды және жолдастарың туралы тек қана жақсы сөз айтуды сұраймын. Қане отраға шығып шеңбер құрайық. Мен бір балаға оралған жіп лақтырамын, оны атымен атаймын жәнеоның маған ұнайтын мінезі, қылығы, сырт келбеті туралы айтамын, содан жіпті алған бала келесі балаға лақтырады.

Жүргізуші: Жаңа ғана бізді байланыстырған жіпке қарандаршы. Әдетте бізге көрінбейді,бірақ ол бар. Өмірде де бізді осындай жылы,мейірімді сөздер мен сезімдер байланыстырып тұрсын.

Мақсаты: бір –біріне деген жағымды эмоцияналды қатынас орнату; серігіне деген шынайы сезімін білдіру.

Көңіл-күйімізді жаттықтыру

Жүргізуші: мен сендерді актер болуға үйретемін. Адамдармен қарым –қатынаста бет –әлпет, қас –қабақ, дауыс маңызды қызмет атқарады. «Қонаққа тамақ бермес бұрын, қабағынды бер» деген даналық сөз осыған негізделген.

Ортаға 7 оқушы шығып, берілген көңіл –күй түрін мимикамен көрсетеді. Ал қалған оқушылар оны табулары керек.

1.Ойланып тұрған адамның бет –әлпет кескіні.

2.Ренжіп тұрған адамның бет –әлпеті

3.Жай күліп тұрған және қатты күліп тұрған адамнды көрсету.

4.Ашулы адамның бет –жүзі.

5.Таңданған кейіп көрсету.

6.Өкініп тұрған адамның бет –әлпеті.

7.Қуанып тұрған адамның бет –әлпеті.

Мақсаты: оқушыларды ым –ишарамен өз сезімдерін көрсетуге үйрету, адамның көңіл –күйін мимика арқылы анықтай білуге баулу.

«Айсберг» жаттығуы

Барлық оқушыларға берілген екі фигураның біреуін таңдау керек. Осы фигураларға байланысты анықтама беріліп, оларды топқа бөлеміз. Енді ойыншыларға айсбергте жүргендерін елестету керек. Кенеттен айсберг ери бастайды. Қатысушылардың мақсаты: қағазда –«еріп бара жатқан айсбергте» бүкіл топпен сыйысу. Айсберг одан әрі ери береді. Жүргізуші кағаз беттерін азайта береді. Ең соңында барлық қатысушылары қағаз бетіңде сыйған топ жеңіске жетеді.

Мақсаты: ұжымдық қарым –қатынасты дамыту,ұжым болып жұмыс істеуге үйрету.