«Мектепке жол – Шекарасыз жақсылық».

«Мектепке жол – Шекарасыз жақсылық».

Н. Мейірманов атындағы жалпы білім беретін мектебінде жыл сайынғы «Мектепке жол» - акциясы басталды. Балалар жылында бұл акция «Мектепке жол – Шекарасыз жақсылық» - ұранымен өтіп жатыр. Қайырымдылық шарасына кәсіпкерлер, меценаттар, мемлекеттік мекемелер, сондай – ақ көмек көрсетуге ниетті кез – келген адам қатыса алады. Акция аясында әлеуметтік осал отбасылардың балалары мектеп формасымен, аяқ киіммен және кеңсе тауарларымен қамтамасыз етіледі. Акцияны ұйымдастырып, өткізу жөнінде мектебімізде жедел желі нөмірлері іске қосылды. Көмекке мұқтаж ата – аналар жедел желіге қоңырау шалып, өз өтініштерін берген болатын. Мектебіміз осы өтініштер негізінде, ауданымыздағы 8 мемлекеттік мекемеге акцияға қосылу ұсынысымен жүгінген еді. Осы мекемелер балаларымызға қолдау көрсетуге әрдайым дайын екендіктерін дәлелдей отырып, мектебіміздің 4 оқушысына мектеп формасы, аяқ киім, спорттық киімдерді табыс етті. Сонымен қатар, «Сатыбалды Ишан» - мешіті де балаларымызды мектепке дайындауға өз үлестерін қосып, 4 оқушымызға сөмке сыйлады. Бала жүзінен қуаныш көргісі келген мекемелердің арқасында балаларды мектепке дайындау оңайырақ болды. Акция аясында, 8 оқушыға 159 700 теңгенің материалдық көмегі көрсетілді. Қолдау шарапатын көрген балалардың аналары мекеме ұжымдарына: «АМАNАТ» партиясы Амангелді аудандық филиалы - басшысы М.М.Досымовқа, Амангелді ауданы білім бөлімінің музыка мектебі – директоры К.Ә.Ахметовке, «ХҚКО» - Департаментінің Амангелді аудандық бөлімі – басшысы М.Қ. Сүлейменовке, Жастар ресурстық орталығы басшысы Б.С. Көптілеуовке, Аудандық мәдениет үйі – директоры О. Ж. Қылдыбаевқа, Аман – Су МКК басшысы И.М. Абишевке, «Психологиялық – педагогикалық түзеу кабинеті» - меңгерушісі Т.Ж. Боранбаеваға, «Амангелді - Финанс» - кредиттік серіктестігі – басшысы А.С. Нурахановқа, «Сатыбалды Ишан» - мешітінің бас имамы Ж.М. Әмірхамзинге рахметтерін айтып, аналық алғыстарын білдірді. Бізде осы аталған қайырымды мекемелерге мектеп ұжымы атынан алғысымызды білдіреміз. Жұмыстарына табыс, дендеріне саулық тілейміз.

Ерсін Жұмағұл.

Н. Мейірманов атындағы жалпы білім беретін мектебінің әлеуметтік педагогы