Әл-Фараби атындағы ҚазҰУ

Тлеубай Аяжан 4 курс студенті

Ғылыми жетекші: Бердібаева С.Қ. – психология ғ.д., профессор

Тәжірибе жетекшісі: Адилова Э.Т – PhD, доцент м.а

«Мектептегі оқу тәжірибесінің қорытындысы: Болашақ біліктіпсихолог маман үшін бір қадам»

Психология мамандығының студенттері, яғни, біз үшін мектептегі оқу тәжірибесі — теория мен практиканың бірлескен маңызды кезеңін қамтиды. Бұл тәжірибе, ең алдымен, болашақ психологтың кәсіби дағдыларын шыңдайтын алаңға айналды деп айтуымызға болады. Оқу тәжірибесі біз психологиялық білімдерін нақты жағдайларда қолдануға, оқушылармен қарым-қатынас орнатуға, сондай-ақ, психологияның түрлі әдіс-тәсілдерін білім беру процесінде қалай тиімді пайдалануға болатынын көрсетуге мүмкіндік береді.

Оқу тәжірибесінің басты мақсаты — психология пәнін оқытуды мектеп деңгейінде жүзеге асыру. Теориялық білімдерімізді практикада қолдана отырып, оқушылардың психологиялық ерекшеліктерін, мінез-құлқын, эмоциялық жағдайын түсініп, олармен дұрыс қарым-қатынас орнату дағдыларын игердікі. Сонымен қатар, психология әдістері мен техникаларын қолдану арқылы әр түрлі педагогикалық жағдайларда тиімді жұмыс жүргізуге мүмкіндік алдық.

Мектептегі оқу тәжірибе барысында мына аспектілер негізге алынатынын ескере отырып, оқу тәжірибесінен өттік. Олар: 1) Психологиялық әдіс-тәсілдерді меңгеру: Студенттер оқушылардың психологиясын дұрыс бағалауды, олардың мінез-құлық ерекшеліктеріне сәйкес қарым-қатынас орнатуды үйренеді. 2) Топтық жұмыс және қарым-қатынас: Психология мамандығы студенттері оқушылармен және мұғалімдермен түрлі әлеуметтік және педагогикалық жағдайларда тиімді қарым-қатынас жасау дағдыларын дамытады. 3) Психологиялық диагностика жүргізу: Студенттер өз білімдерін пайдаланып, оқушылардың психологиялық жағдайын анықтап, олармен жұмыс жүргізу үшін қажетті әдістерді қолданады. 4) Жеке және топтық кеңес беру: Оқу тәжірибесінде кеңес беру жұмыстары да маңызды орын алады, мұнда студенттер оқушылардың жеке мәселелеріне көңіл бөліп, олармен жұмыс істейді.

Мектептегі оқу тәжірибесі кезінде біз әртүрлі психологиялық әдістерді қолдануға үйрендік. Бұл әдістер мен тәсілдер оқушылардың мінез-құлқын зерттеуге, олардың эмоциялық жағдайын түсінуге және дұрыс түзету жұмыстары жүргізуге мүмкіндік береді. Сонымен қатар, психологиялық тесттер, сауалнамалар және сұхбаттар арқылы оқушылардың ішкі күйін анықтау маңызды рөл атқаратынына көз жеткіздік. Мысалы, оқушылардың мотивациясын арттыру мақсатында психологиялық тұрғыда түрлі ойындар мен жаттығулар қолданылатынын үйрендік. Әр оқушының өзіндік ерекшеліктерін ескере отырып, топтық және жеке жаттығулар мектеп психолог маманымен бірге ұйымдастырдық, бұл оқушылардың сенімін арттырып, олардың жеке тұлғалық дамуына ықпал етті. Сондай-ақ, оқушылармен жүргізілген талқылаулар мен тренингтер нәтижесінде олардың өз-өзін басқару, уақытты тиімді пайдалану дағдылары да есепке алына отырып ескерілді.

Психологиялық диагностика мен түзету жұмыстарында студенттер оқушылардың жеке ерекшеліктерін, көңіл-күйлерін және эмоционалдық жағдайларын дұрыс бағалап, қажет болған жағдайда түзету жұмыстарын жүргізді. Мұндай жұмыстар мектепте балалардың психологиялық мәселелерін шешуге, олардың оқу процесінде кездесетін қиындықтарын жеңуге көмектеседі. Оқушылармен жүргізілген психологиялық тесттер мен сауалнамалар арқылы олардың ішкі жағдайы мен мінез-құлқын талдап, топтық консультациялар ұйымдастырылды. Студенттер психологтың рөлін атқару барысында педагогикалық әдістерді де пайдаланды. Бұл тәжірибе оқушылармен психологиялық жұмысты жүргізуге, олардың жеке ерекшеліктерін ескере отырып, қолайлы орта жасауға мүмкіндік береді. Атап айтқанда, оқушылардың әлеуметтенуіне, шығармашылық қабілеттерін дамытуға және стрессті жеңуге бағытталған әртүрлі психологиялық тренингтер өткізілді.

Қорытындылай келе, мектептегі оқу тәжірибесі психология мамандығын таңдаған студенттер үшін маңызды кезең болып табылады. Бұл тәжірибе барысында алған білім мен дағдылар болашақ педагог-психологтардың кәсіби дамуына зор әсер етеді. Біз мектепте өткен оқу тәжірибесі барысында психологиялық әдістер мен техникаларды, кеңес беру мен диагностика жүргізу тәсілдерін үйреніп, оқушылардың психологиялық дамуына ықпал етуді үйрендік. Сонымен қатар, педагогика мен психологияның терең байланысын түсініп, мектептегі оқушылармен жұмысты жоғары деңгейде ұйымдастыруды үйрендік. Мектептегі тәжірибе болашақ мамандар үшін үлкен тәжірибе алаңы ғана емес, сонымен қатар психологияның мектеп жүйесінде қаншалықты маңызды рөл атқаратынын айқындайтын кезең болып табылады. Біз – болашақ психолог мамандар өз кәсіби қызметтеріміздің бастау алдында тәжірибе барысында жинақталған дағдылар мен білімдерін барынша тиімді пайдалана отырып, келешекте жоғары нәтижелерге қол жеткізе алатынымызға сенімдіміз. Сонымен қатар, психология мамандығы бойынша мектептегі оқу тәжірибесі — біз сияқты болашақ маманның психологиялық тұрғыдан дамуы мен кәсіби өсуінің кепілі болып табылады. Бұл тәжірибе тек білім мен тәжірибені ғана емес, сонымен қатар оқушылармен қарым-қатынас орнату және олардың психологиялық ерекшеліктерін түсіну дағдыларын дамытуға үлкен мүмкіндік береді.