Мектептің тірегі -ұстаз

Мектептің тірегі - ұстаз

«Мұғалім мамандығы – барлық мамандықтың анасы» Мектептің тірегі - ұстаз .Ұстаз алдынан тәрбие алмайтын жан жоқ. Ғалым да, батыр да, ақын да, жұмысшы да, диқан да,шопан да,ғарышкер де бәрі – бәрі ұстаздан білім мен тәрбие алған, сондықтан ұлағатты ұстаздарға бүкіл адам баласы құрметпен бас иеді. «Қыран түлегіне қайтпас қанат сыйлайды, ұстаз шәкіртіне талмас талап сыйлайды» демекші, ұстаз қай кезде де мектептің жүрегі, қоғамның тірегі. Кез келген мемлекет ең алдымен, білім беру саласын дұрыс жолға қойып, сапасын көтеруді мақсат етеді. Мемелекетіміздің болашақ тірегі жас ұрпаққа сапалы білім мен саналы тәрбие беруде мектептің үлесі зор. Сондықтан да мен де осы мамандықты таңдап қана қойғам жоқ,қазіргі уақытта үлкен ұжымды басқарып отырған мектеп директорымын.

Мен Алматы облысы,Еңбекшіқазақ ауданы Достық ауылындағы Алтынбике Бертаева атындағы мектепке басшылық жасаймын. Ұжымда 72 мұғалім қызмет жасайды.Мектептегі осы ұстаздардың арқасында көптеген оқушылар өз ұстаздарының сенімі мен үмітін ақтап, түрлі аудандық,облыстық,халықаралық байқаулар мен жарыстарға қатысып, жүлделі орындарға ие болды.Тәжірибелі ұстаздарымыздың өз шығармашылығы,іс тәжірибелері,ізденісті зерттеулері республикалық беделді басылымдарда жиі жарияланып тұрады. Менің мектебімде Отанының болашағы үшін тер төгіп, шыдамдылық пен та­бандылықтың үлгісін көрсетуші, өз бойындағы асыл қасиеттері мен білімін болашақ ұрпақтың бақыты мен кәдесіне жаратып, қоғамды өрге дамытушы, жа­ңа­шылдықтың бастаушысы болып жүрген майталман ұстаздарды атап кеткім келеді.Мектепте тәжірибелі де білімді, өз мамандығының хас шебері  атанған білікті ұстаздар жетерлік. Атап айтсам, қазақ тілі пәні мұғалімдері Тутубаева Гульзира Сұлтанқызы,Хуршудова Азамат, математика пәні мұғалімі Нургазина Шынар,Сабурова Камиля,Смагулова Гульнар,орыс тілі пәні мұғалімі Жумабекова Раушан,Гуламова Венера,ағылшын тілінің мұғалімі Кемелбекова Гулсараны атап кеткім келеді.Бұл мектебіміздің майталман ұстаздары, ауданымыздың бетке ұстар мақтанышы.

.

Алматы облысы Еңбекшіқазақ ауданы Достық ауылы

Алтынбике Бертаева атындағы орта мектеп КММ

директоры Мухалиева Жанар Мәлікқызы