Мемлекеттік рәміздер - тәуелсіздік тұмары

«Алматы облысының білім басқармасының

Текелі қаласы бойынша білім бөлімі»

ММ «№4 балалабқшасы» МКҚК тәрбиешісі

Байшағарова Назым Мұратқызы

Мемлекеттік рәміздер – тәуелсіздік тұмары

Ел азаттығының кепілі – Мемлекеттік рәміздеріміз ҚР Тұңғыш Президенті Нұрсұлтан Әбішұлы Назарбаевтың Жарлығымен 1992 жылдың 4 маусымы күні бекітіліп, 2007жылдың 4 маусымынан бастап «Рәміздер күні» болып тойланып келеді.

Бұл күн Тәуелсіз Қазақстан тарихындағы – ақталған үміт күні.
Мемлекеттік рәміздер – біздің санамызға тәуелсіздік идеясын орнықтырып, патриотизмді қалыптастыруда, халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілерді нығайтуда ерекше мәнге ие.
Елтаңбамыз, Туымыз, Әнұранымыз – қазақ елінің барша болмысын, бүгіні мен ертеңін сипаттайды.

Мемлекеттік рәміздерді алғашқы білім беру баспалдағы, балабақшада – болашақ жас бүлдіршіндерімізге өз елінің ұлттық рәміздерін таныстыра отырып, патритоттық сезімдерінің оянуына үлес қосуда айтарлықтай табыстарға қол жеткізуде.

Біз - тәуелсіз елдің құрдастарымыз, және мұны зор мақтанышпен айтамыз. Қазақстан мемлекетін құру, қазақстандық болу – бізге тағдыр сыйлаған ұлы бақыт. Ата – бабаларымыз сан ғасырлар аңсап келген және бізге жарқын болашақ сыйлап кеткен тәуелсіздің ақ таңының абыройына, дақ түсірмей сақтай отырып, ұрпақтан - ұрпаққа табыстау баршамыздың Отан алдындағы борышымыз деп білемін.

Рәміздерімізді қас­терлеу азаматтарымыз үшін басты мін­дет болып табылуы тиісті. Сондай-ақ, бейбітшілік пен ұлттық нышандарымызды насихаттау жолында және мемлекетіміздің әлемдік деңгейде танылып өзіне тән белгілерімен дамыған елдер қатарынан орын алуы үшін төл нышандарымыздың атқаратын қызметі айрықша.

Тәуелсіздігіміздің тұмарына айналған мемлекеттік рәміздеріміз болашаққа бет түзеген ұлы көшімізді демеп, рәміздеріміз биіктен көрініп, ел бірлігі жасай бергей!