Мемлекеттік тіл – менің тілім.

Э.К.Джабыкбаева

Тараз қаласы,

№54 орта мектептің

шағынорталық тәрбиешісі. Тілден арттық қазына жоқ,

тілден артық қасиет жоқ.

Н.Назарбаев

- Ана тіліміз – қазақ тілі. Тіл кез келген ұлттың мақтанышы, ұлттық белгісі.

Ұлан байтақ жеріміз, тәуелсіз еліміз бар. Ана тілін сүйген азамат елін де, жерін де сүйеді. Түрі, тілі, діні бөлек болғанымен, жүрегі «Қазақстан- туған жерім, Отаным – алтын ордам» - деп 130-дан астам түрлі ұлт өкілдері бірауыздан жар салуда. Біздің ел татулықтың, достықтың, бірлестіктің киелі бесігі. 1989 жылы қыркүйектің 22-сі күні «Қазақстан Республикасының тілдер туралы» заңы қабылданып, 22 қыркүйек – Қазақстан халықтарының тілдері күні болып жарияланды. Осы Заң Қазақстан Республикасында тілдердің қолдауының құқықтық негіздерін, мемлекеттің оларды оқып-үйрену мен дамыту үшін жағдай жасау жөніндегі міндеттерін белгілейді. Қазақстан Республикасына қолданылатын барлық тілге бірдей құрметпен қарауды қамтамасыз етеді.

Тіл – бүкіл халықтың игілігі, халықпен бірге жасап, бірге дамиды. Әр азамат өз ойын ана тілінде білдіріп, білімнің жемісін сол тілде таратады.

Тіл – жұрттың жаны. Тіліннен айырылған жұрт – жойылған жұрт. Ана тілін білмей тұрып, бөтенше жақсы сөйлесең – ол күйініш. Ана тілін жақсы біліп тұрып, бөтенше жақсы сөйлеу – бұл сүйеніш. Өз тілін білмей тұрып, жат тілге еліктей беру – зор қате.

Тәрбие басы – тіл,

Өнер алды – тіл.

Қазақстан Республикасының тілдер туралы заңының 4 – бабында былай деп жазылған: «Мемлекеттік тілді меңгеру – Қазақстан республикасының әрбір азаматының парыз». Біздің мақсатымыз мемлекетең тілдің мәртебесін жоғары көтеру.