Бөрлі орталықтандырылған кітапханалар жүйесі

Орталық балалар кітапханасы

Мен – Отанымның ұланымын!

Жауапты:А.Н.Ташукова

Ақсай 2026ж

ІС-ШАРА Тақырыбы: Мен – Отанымның ұланымын!

Мақсаты:Жас ұрпақтың бойында Отанға деген сүйіспеншілікті, патриоттық сезімді қалыптастыру;

«Жас ұлан» ұйымының мәні мен маңызын түсіндіру;

Ел тарихын, мемлекеттік рәміздерді құрметтеуге тәрбиелеу.

Міндеттері:Оқушылардың азаматтық жауапкершілігін арттыру;

Белсенділікке, ұйымшылдыққа баулу;

Отан қорғаушыларға құрмет сезімін қалыптастыру.

Көрнекіліктер:Қазақстан Республикасының Туы, Елтаңбасы, Әнұраны, интерактивті тақта, слайдтар, нақыл сөздер.

Қатысушылар:«Жас ұлан» клубының мүшелері, жетекші, сынып жетекшілері, қонақтар.

Іс-шараның барысы

1. Ұйымдастыру кезеңі

(Мемлекеттік Әнұран орындалады)

Жүргізуші:

Қайырлы күн, қадірлі ұстаздар мен жас ұландар!

Бүгін біз ел болашағы – жас ұрпақтың бойына патриоттық рух дарыту мақсатында

«Мен – Отанымның ұланымын!» атты тәрбие сағатын өткізгелі отырмыз.

2. Кіріспе сөз

Жетекші:

Отан – әр адамның алтын бесігі.

Отанды сүю – ата-бабадан қалған қасиетті борыш.

Бүгінгі жас ұландар – ертеңгі ел тірегі.

3. Негізгі бөлім

1-оқушы:

Отан – бұл біздің туған жеріміз,

Тәуелсіз Қазақстан – ортақ үйіміз.

2-оқушы (өлең):

Отаным – кең байтақ жерім менің,

Болашағы жарқын елім менің.

Жүргізуші:

«Жас ұлан» – бұл елге адал қызмет етуге дайын,

тәртіпті, білімді, отансүйгіш жас азаматтардың ұйымы.

4. Сұрақ-жауап бөлімі (шағын викторина)

Қазақстан Республикасының рәміздері қандай?

«Жас ұлан» ұйымының мақсаты не?

Патриот дегеніміз кім?

5. Ант қабылдау рәсімі (қалауыңызша)

Жас ұландар хоры:

Біз, жас ұландар,

Қазақстан Республикасына адал қызмет етуге,

Отанымызды сүюге,

Ел намысын қорғауға ант етеміз!

6. Қорытынды сөз

Жетекші:

Бүгінгі ұландар – ертеңгі ел қорғаны.

Еліне адал, жеріне жанашыр азамат болу – бәріміздің парызымыз.

Жүргізуші:

Отанымыз аман, Тәуелсіздігіміз тұғырлы болсын!

Мен – Отанымның ұланымын» тақырыбында
Жас Ұлан клубының мүшелерімен тағылымды әрі әсерлі іс-шара өткізілді.

Іс-шараның басты мақсаты – жас ұрпақтың бойында Отанға деген сүйіспеншілік пен патриоттық сезімді қалыптастыру, туған елін, жерін қадірлей білетін саналы азамат тәрбиелеу. Шара барысында балалар өз ойларын еркін білдіріп, Отан туралы өлеңдер оқып, пікір алмасып, туған елге деген шынайы махаббаттарын зор ықыласпен көрсетті.Іс-шараға қатысқан әрбір бала туған жердің қадірін түсініп, елін сүю – әр азаматтың қасиетті борышы екенін жүрегімен сезіне білді. Балалардың көзінен Отанға деген мақтаныш, ел болашағына деген сенім айқын байқалды. Олар үлкен қызығушылықпен қатысып, патриоттық рухтары оянып, елге деген сүйіспеншіліктерін ашық білдірді.Кітапханашы:Ташукова.А.Н. «Отаным-мақтанышым,тағдырым»атты кітап көрмесімен таныстырды. Мұндай тәрбиелік мәні зор іс-шаралар өскелең ұрпақтың рухани дамуына, азаматтық жауапкершілігінің артуына үлкен үлес қосады. Отанын сүйетін, елін қорғай білетін, рухы биік жас ұландар – тәуелсіз еліміздің жарқын болашағы. Отанды сүю – жүректен басталады!Патриоттық рух – ұлт болашағының негізі!

https://www.facebook.com/share/14Mhz9n4EdH/?mibextid=wwXIfr